ஈரோட்டில், தக்காளி விலை கடும் வீழ்ச்சி- குப்பையில் கொட்டப்படும் அவலம்

இதில் தாளவாடி, கிருஷ்ணகிரி, ஓசூர், கர்நாடகா உள்ளிட்ட பகுதிகளில் இருந்து தக்காளி விற்பனைக்காக கொண்டு வரப்படுகிறது. பல்வேறு இடங்களில் பரவலாக மழை பெய்து வருவதால் தக்காளியை விவசாயிகள் அதிகமாக அறுவடை செய்து வருகிறார்கள். இதனால் மார்க்கெட்டுக்கு தக்காளியின் வரத்து அதிகரிக்க தொடங்கியது.

வரத்து அதிகமானதால் தக்காளியின் விலை வீழ்ச்சி அடைந்தது. அதிலும் கடந்த 2 நாட்களாக தக்காளியின் வரத்து இரு மடங்காக உயர்ந்தது. தற்போது தக்காளி ஒரு கிலோ ரூ.10-க்கு விற்பனை செய்யப்படுகிறது.

இதுகுறித்து வியாபாரி ஒருவர் கூறும்போது, “கடந்த 2 மாதங்களாக தக்காளியின் விலை அதிகமாக இருந்தது. ஜூன் மாதத்தில் ஒரு கிலோ தக்காளி ரூ.50 வரை விற்பனையானது. தற்போது தக்காளியின் விலை கடும் வீழ்ச்சி அடைந்ததாலும் வரத்து அதிகமான காரணத்தால் விற்பனை ஆகாமல் தேங்கி கிடக்கிறது. 2 நாட்களுக்கு மேல் தக்காளி அழுகி விடுவதால், விற்பனை ஆகாத தக்காளிகளை வியாபாரிகள் குப்பையில் கொட்டி வருகின்றனர்”, என்றார்.