மாவட்ட செய்திகள்

மாட்டுத்தாவணியில் கண்மாய் ஆக்கிரமிப்பை அகற்றுவதில் தாமதம்: பொதுப்பணித்துறை முதன்மை செயலாளர் நேரில் ஆஜராக மதுரை ஐகோர்ட்டு உத்தரவு + "||" + Appearing as Principal Secretary to the Public Works Department Madurai High Court directive

மாட்டுத்தாவணியில் கண்மாய் ஆக்கிரமிப்பை அகற்றுவதில் தாமதம்: பொதுப்பணித்துறை முதன்மை செயலாளர் நேரில் ஆஜராக மதுரை ஐகோர்ட்டு உத்தரவு

மாட்டுத்தாவணியில் கண்மாய் ஆக்கிரமிப்பை அகற்றுவதில் தாமதம்: பொதுப்பணித்துறை முதன்மை செயலாளர் நேரில் ஆஜராக மதுரை ஐகோர்ட்டு உத்தரவு
மாட்டுத்தாவணியில் கண்மாய் இடத்தை ஆக்கிரமித்து ஓட்டல் கட்டப்பட்டுள்ளதாக தொடரப்பட்ட வழக்கில் பொதுப்பணித்துறை முதன்மை செயலாளர் வருகிற 22-ந்தேதி நேரில் ஆஜராக வேண்டும் என்று மதுரை ஐகோர்ட்டு உத்தரவிட்டுள்ளது.
மதுரை,

மதுரை பொன்னமங்கலம் பெருமாள்கோவில்பட்டியைச் சேர்ந்த தெய்வம், மதுரை ஐகோர்ட்டில் தாக்கல் செய்த மனுவில் கூறியிருந்ததாவது:-

மதுரை மாட்டுத்தாவணி ஒருங்கிணைந்த பஸ் நிலையம் எதிரில் அரசு கண்மாய் என்று வகைப்படுத்தப்பட்ட நிலம் உள்ளது. இந்த நிலத்தை ஏராளமானோர் ஆக்கிரமித்துள்ளனர். அதன் ஒரு பகுதியாக 15 சென்ட் இடத்தை ஆக்கிரமித்து தனியார் ஓட்டல் கட்டப்பட்டு செயல்பட்டு வருகிறது.


இந்த ஓட்டல் அமைந்துள்ள இடம் ஆக்கிரமிப்பு செய்யப்பட்டுள்ளது என கடந்த 2017-ம் ஆண்டு தாசில்தார் அறிக்கை அளித்துள்ளார். அந்த அறிக்கையின் அடிப்படையில் கண்மாய் ஆக்கிரமிப்பை அகற்றும்படி மாநகராட்சி கமிஷனருக்கு மாவட்ட கலெக்டர் உத்தரவிட்டார்.

ஆனால் அந்த கண்மாய் பொதுப்பணித்துறைக்கு சொந்தமானது. எனவே பொதுப்பணித்துறை அதிகாரிகள் தான் கண்மாய் ஆக்கிரமிப்பை அகற்ற நடவடிக்கை எடுக்க வேண்டும் என்று கூறி, ஆக்கிரமிப்பை அகற்ற மாநகராட்சி கமிஷனர் மறுத்துவிட்டார்.

கண்மாயை ஆக்கிரமித்து ஓட்டல் கட்டியுள்ளது உறுதிப்படுத்தப்பட்டபோதிலும், கண்மாய் நிலத்தை மீட்க அதிகாரிகள் நடவடிக்கை எடுக்கவில்லை.

உடனடியாக நடவடிக்கை எடுக்க சம்பந்தப்பட்ட அதிகாரிகளுக்கு மனு அனுப்பினேன். இதுவரை எந்த பலனும் இல்லை. எனது மனு அடிப்படையில் உரிய நடவடிக்கை எடுக்க அதிகாரிகளுக்கு உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கு நீதிபதிகள் சத்திய நாராயணன், புகழேந்தி ஆகியோர் முன்பு நேற்று விசாரணைக்கு வந்தது.

அப்போது, மாநகராட்சி தரப்பிலும், பொதுப்பணித்துறை தரப்பிலும் ஆஜரான வக்கீல்கள், ஆக்கிரமிப்பு இடம் தங்களது துறையின்கீழ் வரவில்லை என்று தெரிவித்தனர்.

இதையடுத்து இந்த வழக்கில் உரிய விளக்கம் அளிக்க தமிழக பொதுப்பணித்துறை முதன்மை செயலாளர் வருகிற 22-ந்தேதி நேரில் ஆஜராக வேண்டும் என்று நீதிபதிகள் உத்தரவிட்டனர்.

தொடர்புடைய செய்திகள்

1. ‘பிரெக்ஸிட்’ நடவடிக்கையில் தாமதம் - இங்கிலாந்து பிரதமர் மன்னிப்பு கேட்டார்
ஐரோப்பிய கூட்டமைப்பில் இருந்து இங்கிலாந்து வெளியேறுவதற்கான ‘பிரெக்ஸிட்’ நடவடிக்கையில் ஏற்பட்ட தாமதத்துக்கு பிரதமர் போரிஸ் ஜான்சன் மன்னிப்பு கேட்டார்.
2. முடிவுக்கு வருகிறது தென்மேற்கு பருவ மழை- இந்திய வானிலை ஆய்வு மையம் தகவல்
ஒரு மாதத்திற்கும் மேலான தாமதத்திற்குப் பிறகு தென்மேற்கு பருவமழை முடிவுக்கு வரப்போவதாக இந்திய வானிலை ஆய்வு மையம் தெரிவித்துள்ளது.
3. சிவகாசி நகரின் மையப்பகுதியில் பாலம் அமைக்கும் பணி தாமதம்; பள்ளி மாணவர்கள் அவதி
சிவகாசி நகராட்சி பகுதியில் பாலம் அமைக்கும் பணி தாமதமாக நடைபெற்று வருவதால் பொதுமக்களும், மாணவர்களும் கடுமையாக பாதிக்கப்பட்டு வருகிறார்கள்.
4. தஞ்சை அருகே என்ஜின் பழுதானதால் பயணிகள் ரெயில் நடுவழியில் நிறுத்தம் 4 ரெயில்கள் 2½ மணி நேரம் தாமதம்
தஞ்சை அருகே பயணிகள் ரெயில் என்ஜின் பழுதானதால், 4 ரெயில்கள் ஆங்காங்கே நிறுத்தப்பட்டு, 2½ மணி நேர தாமதத்துக்கு பிறகு இயக்கப்பட்டதால் பயணிகள் கடும் அவதி அடைந்தனர்.
5. கோவா விமானம் தாமதம் : நடிகை நக்மா போராட்டத்தில் ஈடுபட்டதால் பரபரப்பு
மும்பை விமான நிலையத்தில் இருந்து கோவா செல்லும் ஏர் இந்தியா விமானம் காலை 9 மணி அளவில் வழக்கம் போல் புறப்பட்டு செல்லும்.