மாவட்ட செய்திகள்

14 மாதங்களாக தங்கியிருந்த நட்சத்திர ஓட்டல் அறையை காலி செய்தார், குமாரசாமி + "||" + Kumaraswamy vacated the star hotel room for 14 months

14 மாதங்களாக தங்கியிருந்த நட்சத்திர ஓட்டல் அறையை காலி செய்தார், குமாரசாமி

14 மாதங்களாக தங்கியிருந்த நட்சத்திர ஓட்டல் அறையை காலி செய்தார், குமாரசாமி
14 மாதங்களாக தங்கியிருந்த நட்சத்திர ஓட்டல் அறையை குமாரசாமி காலி செய்துள்ளார். ஜே.பி.நகரில் உள்ள வீட்டுக்கு அவர் குடி பெயர்ந்துள்ளார்.
பெங்களூரு, 

கர்நாடகத்தில் கடந்த ஆண்டு (2018) நடந்த சட்டசபை தேர்தலில் எந்த கட்சிக்கும் தனிப்பெரும்பான்மை கிடைக்கவில்லை. இதையடுத்து, காங்கிரஸ், ஜனதாதளம்(எஸ்) கட்சிகள் கூட்டணி அமைத்து ஆட்சியை பிடித்தது. முதல்-மந்திரியாக குமாரசாமி இருந்தார். இந்த நிலையில், அதிருப்தி எம்.எல்.ஏ.க்கள் ராஜினாமாவால் கூட்டணி அரசு கவிழ்ந்து பா.ஜனதா ஆட்சி நடைபெற்று வருகிறது. சட்டசபை தேர்தல் முடிவுகள் வெளியான போது காங்கிரஸ், ஜனதாதளம்(எஸ்) கூட்டணி அமைக்கலாம் என்றும், 5 ஆண்டுகள் முதல்-மந்திரியாக நீங்களே (குமாரசாமி) இருக்கும்படியும் காங்கிரஸ் மேலிட தலைவர்கள் கூறி இருந்தனர்.

அந்த சந்தர்ப்பத்தில் பெங்களூரு ரேஸ்கோர்ஸ் ரோட்டில் உள்ள ஐந்து நட்சத்திர ஓட்டலில் குமாரசாமி தங்கி இருந்தார். முதல்-மந்திரி பதவி தன்னை தேடி வந்ததால் நட்சத்திர ஓட்டலில் தான் தங்கி இருந்த அறையை மிகவும் ராசியானதாக குமாரசாமி நினைத்தார். இதன் காரணமாக முதல்-மந்திரி பதவி வகித்த 14 மாதங்களும் அந்த நட்சத்திர ஓட்டலில் உள்ள அறையை காலி செய்யாமல், அங்கேயே பெரும்பாலும் தங்கி இருந்தார்.

ஜே.பி.நகரில் உள்ள தன்னுடைய சொந்த வீட்டுக்கு சென்று வந்தாலும், பெரும்பாலும் ஓட்டலில் தான் அவர் தங்குவதை வாடிக்கையாக வைத்திருந்தார். இதன் காரணமாக நட்சத்திர ஓட்டலில் குமாரசாமி தங்கி இருப்பதாகவும், சொகுசு வாழ்க்கை வாழ்வதாகவும் பா.ஜனதாவினர் குற்றச்சாட்டு கூறினார்கள். அப்போது அரசு செலவில் நட்சத்திர ஓட்டலில் தங்கவில்லை என்றும், தனது சொந்த செலவில் தங்கி இருப்பதாகவும் பா.ஜனதாவினருக்கு குமாரசாமி விளக்கம் அளித்திருந்தார்.

இந்த நிலையில், முதல்-மந்திரி பதவியை இழந்து விட்டதால் நட்சத்திர ஓட்டலில் உள்ள தன்னுடைய ராசியான அறையை குமாரசாமி காலி செய்துள்ளார். மேலும் ஜே.பி.நகரில் உள்ள தனது வீட்டுக்கு குமாரசாமி குடிபெயர்ந்துள்ளார். 

தொடர்புடைய செய்திகள்

1. எதிர்க்கட்சி தலைவர்களை ஒழிக்க மத்திய அரசு முயற்சி; குமாரசாமி பரபரப்பு குற்றச்சாட்டு
எதிர்க்கட்சி தலைவர்களை ஒழிக்க மத்திய அரசு முயற்சி செய்வதாக முன்னாள் முதல்-மந்திரி குமாரசாமி பரபரப்பு குற்றச்சாட்டை கூறியுள்ளார்.
2. நில முறைகேடு வழக்கு: முன்னாள் முதல்-மந்திரி குமாரசாமிக்கு நோட்டீசு
கர்நாடகத்தில் குமாரசாமி கடந்த 2007-ம் ஆண்டு முதல்-மந்திரியாக இருந்தபோது, அரசு நிலத்தை அரசாணையில் இருந்து விடுவித்து முறைகேடு செய்ததாக அவர் மீது லோக்அயுக்தா கோர்ட்டில் வழக்கு தாக்கல் செய்யப்பட்டது.
3. எதிர்க்கட்சி தலைவர்களுக்கு எதிராக பயன்படுத்தப்படும் விசாரணை அமைப்புகள்; மத்திய அரசு மீது குமாரசாமி குற்றச்சாட்டு
எதிர்க்கட்சி தலைவர்களுக்கு எதிராக விசாரணை அமைப்புகள் பயன்படுத்தப்படுகின்றன என்று மத்திய அரசு மீது குற்றம்சாட்டிய குமாரசாமி குதிரை பேரம் குறித்து வருமானவரி சோதனை நடத்தாதது ஏன் என்று கேள்வி எழுப்பியுள்ளார்.
4. எதிர்க்கட்சி தலைவர்களின் போன் ஒட்டு கேட்கப்பட்டதா? முன்னாள் முதல்-மந்திரி குமாரசாமி விளக்கம்
குமாரசாமி முதல்-மந்திரியாக இருந்த போது எதிர்க்கட்சி தலைவர்களின் போனை ஒட்டுகேட்டதாக புகார் எழுந்துள்ளது. இதற்கு அவர் விளக்கம் அளித்துள்ளார்.
5. காங்கிரஸ் கட்சிக்கு அடிமை போல வேலை பார்த்தேன்: கர்நாடக முன்னாள் முதல் மந்திரி குமாரசாமி
காங்கிரஸ் கட்சிக்கு அடிமை போல வேலை பார்த்தேன் என்று கர்நாடக முன்னாள் முதல் மந்திரி குமாரசாமி தெரிவித்துள்ளார்.