மாவட்ட செய்திகள்

கீழப்பழுவூர், தொட்டிக்குளத்தில் அம்மன் கோவில்களில் தீமிதி திருவிழா திரளான பக்தர்கள் நேர்த்திக்கடன் + "||" + Amman at Thottikulam The Dimitri festival in the temples is very popular among the devotees

கீழப்பழுவூர், தொட்டிக்குளத்தில் அம்மன் கோவில்களில் தீமிதி திருவிழா திரளான பக்தர்கள் நேர்த்திக்கடன்

கீழப்பழுவூர், தொட்டிக்குளத்தில் அம்மன் கோவில்களில் தீமிதி திருவிழா திரளான பக்தர்கள் நேர்த்திக்கடன்
கீழப்பழுவூர், தொட்டிக்குளத்தில் உள்ள அம்மன் கோவில்களில் நடந்த தீமிதி திருவிழாவில் திரளான பக்தர்கள் கலந்து கொண்டு தங்களது நேர்த்திக்கடனை செலுத்தினர்.
கீழப்பழுவூர்,

அரியலூர் மாவட்டம், திருமானூர் ஒன்றியத்துக்கு உட்பட்ட கீழப்பழுவூர் கிராமத்திலுள்ள திரவுபதியம்மன் கோவிலில் தீமிதி திருவிழா நடைபெற்றது. இதையொட்டி அம்மனுக்கு பால், தயிர், இளநீர், தேன், பஞ்சாமிர்தம் உள்பட பல்வேறு பொருட்களை கொண்டு சிறப்பு அபிஷேகம் செய்யப்பட்டது. பின்னர் மலர்களை கொண்டு அலங்காரம் செய்யப்பட்டு தீபாராதனை காண்பிக்கப்பட்டது. இதையடுத்து திரவுபதியம்மன், பஞ்சபாண்டவர்களின் சிலைகளை பக்தர்கள் தோளில் சுமந்து கொண்டு ஊரின் முக்கிய தெருக்கள் வழியாக கொண்டு சென்று கோவில் முன்புள்ள தீமிதி திடலை சென்றடைந்தனர்.


நேர்த்திக்கடன்

மேலும் அம்மனுக்கு வேண்டியிருந்த 150-க்கும் மேற்பட்ட பக்தர்கள் தீச்சட்டி சுமந்து கொண்டும், அலகு குத்திக்கொண்டும், கரகம் ஏந்தியும், அவர்களது குழந்தைகளை தோளில் சுமந்து கொண்டும் ஊரின் முக்கிய தெருக்கள் வழியாக வந்து தீக்குண்டத்தில் இறங்கி சென்று தங்களதுநேர்த்திக்கடனை செலுத்தினர். இதில் அரியலூர், பெரம்பலூர், மேலப்பழுவூர், வாரணவாசி உள்பட பல்வேறு பகுதிகளை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர். இதில் கலந்து கொண்ட பக்தர்கள் அனைவருக்கும் பிரசாதம் வழங்கப்பட்டது. இதற்கான ஏற்பாடுகளை கோவில் நிர்வாகிகள் மற்றும் ஊர் பொதுமக்கள் செய்திருந்தனர்.

வீதியுலா

இதேபோல் ஜெயங்கொண்டம் அருகே உள்ள தொட்டிக்குளம் கிராமத்தில் வீரணார், பாப்பாத்தியம்மன் கோவில் உள்ளது. இக்கோவிலில் ஆண்டு தோறும் தீமிதி திருவிழா நடைபெறுவது வழக்கம். அதன்படி இந்த ஆண்டுக்கான தீமிதி திருவிழா கடந்த 11-ந் தேதி காப்பு கட்டுதல் நிகழ்ச்சியுடன் தொடங்கி கழுகுமரம், கரகம், பால்குடம் உள்ளிட்ட நிகழ்ச்சிகள் நடைபெற்றது. மேலும் வீரணார், பாப்பாத்தியம்மனுக்கு தினமும் பால், தயிர், சந்தனம், மஞ்சள், பன்னீர் உள்ளிட்ட 16 வகையான பொருட்களை கொண்டு சிறப்பு அபிஷேகம் செய்யப்பட்டது. பின்னர் மலர்களை கொண்டு சிறப்பு அலங்காரம் செய்து தீபாராதனை காண்பிக்கப்பட்டது. தொடர்ந்து சாமி வீதியுலா நடைபெற்றது.

பக்தர்கள் தரிசனம்

இதையடுத்து நேற்று முன்தினம் மாலை கோவில் முன்பு அமைக்கப்பட்டிருந்த அக்னி குண்டத்தில் தீ மூட்டபட்டது. பின்னர் அக்னி குண்டத்தில் தீ மிதித்து ஆண்கள், பெண்கள், சிறுவர்கள் என பக்தர்கள் அனைவரும் தங்களது நேர்த்திக்கடனை பக்தி பரவசத்துடன் செலுத்தினர். பின்னர் அம்மனுக்கு சிறப்பு தீபாராதனை காண்பிக்கப்பட்டது. இதில் கங்கைகொண்டசோழபுரம், உட்கோட்டை, இடைக்கட்டு, காட்டாத்தூர் மற்றும் அருகில் உள்ள பல்வேறு கிராமத்தில் இருந்து திரளான பக்தர்கள் கலந்து கொண்டு சாமி தரிசனம் செய்தனர். இரவு பாப்பாத்தியம்மன் சாமி வீதியுலா நடைபெற்றது. அப்போது பக்தர்கள் வீடுகள் தோறும் மாவிளக்கு போட்டு, தேங்காய் உடைத்து தீபாராதனை காண்பித்து பாப்பாத்தியம்மனை வழிபட்டனர். விழாவிற்கான ஏற்பாடுகளை ஊர் நாட்டாண்மைகள் மற்றும் பொதுமக்கள் செய்திருந்தனர்.

தொடர்புடைய செய்திகள்

1. தூத்துக்குடி பனிமயமாதா ஆலய திருவிழா கொடியேற்றம் பக்தர்கள் இன்றி நடந்தது
தூத்துக்குடி பனிமயமாதா ஆலய திருவிழா கொடியேற்றம் நேற்று பக்தர்கள் இன்றி நடந்தது.
2. பாரம்பரிய நெல் சாகுபடிக்கு அரசு உரிய அங்கீகாரம் வழங்கும் அமைச்சர் காமராஜ் பேச்சு
பாரம்பரிய நெல் சாகுபடிக்கு அரசு உரிய அங்கீகாரம் வழங்கும் என அமைச்சர் காமராஜ் கூறினார்.
3. கடத்தூர் அருகே ஊரடங்கை மீறி ஏரியில் மீன்பிடி திருவிழா பொதுமக்களை போலீசார் விரட்டினர்
கடத்தூர் அருகே ஊரடங்கை மீறி ஏரியில் நடந்த மீன்பிடி திருவிழாவில் பங்கேற்ற பொதுமக்களை போலீசார் விரட்டினர்.
4. ஊரடங்கை மீறி ஏரியில் திரண்டு மீன்பிடித்த கிராம மக்கள் கட்டுப்படுத்த முடியாமல் போலீசார் திணறல்
குன்னம் அருகே ஊரடங்கை மீறி ஏரியில் திரண்டு மீன்பிடித்த கிராம மக்களை கட்டுப்படுத்த முடியாமல் போலீசார் திணறினர்.
5. மீண்டும் மீன்பிடி திருவிழாவில் குதித்த கிராம மக்கள்: நூற்றுக்கணக்கானவர்கள் திரண்டதால் பரபரப்பு
மீண்டும் மீன்பிடி திருவிழாவில் குதித்த நக்கம்பாடி கிராம மக்களை கலைக்க போலீசார் போராடினர்.