கோயம்பேட்டில் கத்தியால் கழுத்தை அறுத்து வாலிபர் தற்கொலை

பூந்தமல்லி,

சென்னை கோயம்பேடு ஆழ்வார்திருநகர், பெரியார் நகர், காந்தி தெருவை சேர்ந்தவர் சையத் முகமது. இவருடைய மகன் ஆதாம் (வயது 26). நேற்று முன்தினம் இரவு இவர், வீட்டில் உள்ள கழிவறைக்குள் சென்றார்.

ஆனால் நீண்டநேரம் ஆகியும் அவர் வெளியே வரவில்லை. இதனால் சந்தேகம் அடைந்த அவரது பெற்றோர், கழிவறை கதவை தட்டினர். ஆனால் கதவை திறக்காததால், கதவை உடைத்து உள்ளே சென்று பார்த்தனர்.

அங்கு ஆதாம், கத்தியால் கழுத்தை அறுத்து தற்கொலை செய்து கொண்டிருப்பதை கண்டு அதிர்ச்சி அடைந்தனர்.

இதுபற்றி தகவல் அறிந்துவந்த கோயம்பேடு இன்ஸ்பெக்டர் மாதேஸ்வரன் தலைமையிலான போலீசார், தற்கொலை செய்த ஆதாமின் உடலை கைப்பற்றி பிரேத பரிசோதனைக்காக கீழ்ப்பாக்கம் அரசு ஆஸ்பத்திரிக்கு அனுப்பி வைத்தனர்.

மேலும் இதுபற்றி போலீசார் வழக்குப்பதிவு செய்து, ஆதாமின் தற்கொலைக்கான காரணம் குறித்து விசாரித்தனர்.

அதில், கடந்த ஒரு வருடமாக மன அழுத்தம் காரணமாக ஆதாமுக்கு சிகிச்சை அளிக்கப்பட்டு வருவதாகவும், இந்தநிலையில்தான் நேற்று முன்தினம் கழிவறைக்கு சென்ற அவர், வீட்டில் இருந்த காய்கறி நறுக்கும் கத்தியால் தனது கழுத்தை அறுத்து தற்கொலை செய்துகொண்டதும் முதல்கட்ட விசாரணையில் தெரியவந்துள்ளதாக போலீசார் தெரிவித்தனர்.