மாவட்ட செய்திகள்

குளந்திரான்பட்டியில் காணாமல்போன குளத்தை மீட்க கறம்பக்குடி இளைஞர்களின் நூதன பிரசாரத்தால் பரபரப்பு + "||" + Missing in Kulantranpatti New campaign for youth of Karambakkudy to restore pond

குளந்திரான்பட்டியில் காணாமல்போன குளத்தை மீட்க கறம்பக்குடி இளைஞர்களின் நூதன பிரசாரத்தால் பரபரப்பு

குளந்திரான்பட்டியில் காணாமல்போன குளத்தை மீட்க கறம்பக்குடி இளைஞர்களின் நூதன பிரசாரத்தால் பரபரப்பு
குளந்திரான்பட்டியில் காணாமல்போன குளத்தை மீட்க கறம்பக்குடி இளைஞர்கள் நூதன முறையில் பிரசாரத்தில் ஈடுட்டதால் பரபரப்பு ஏற்பட்டது.
கறம்பக்குடி,

புதுக்கோட்டை மாவட்டம் கறம்பக்குடி அருகே குளந்திரான்பட்டியில் சுமார் 7 ஏக்கரிலான வெட்டுக்குளத்தில் கடந்த 40 ஆண்டுகளுக்கு முன்பு வரை மழை நீர் தேக்கி வைத்து அப்பகுதியில் விவசாயம் செய்யப்பட்டு வந்தது. பின்னர், படிப்படியாக சுற்றிலும் சாகுபடி செய்து வந்த சில விவசாயிகள், குளம் மற்றும் வாய்க்கால்களை ஆக்கிரமித்தனர். நாளடைவில் குளம் இருந்த சுவடே இல்லாத அளவுக்கு மாறி உள்ளது. இந்த குளம் மாயமானதால் அந்த பகுதியில் நிலத்தடி நீர் மட்டம் குறைந்துள்ளதோடு, இந்த குளத்தை நம்பி விவசாயம் செய்யப்பட்டு வந்த விளை நிலங்களில் பாசனம் செய்ய முடியாத நிலைக்கு தள்ளப்பட்டன.


இந்நிலையில் காணாமல் போன இந்த குளத்தை கண்டுபிடித்து தூர்வார வேண்டுமென வலியுறுத்தி அப்பகுதி விவசாயிகள் கடந்த சில மாதங்களாக பல்வேறு துறை அலுவலர்களிடம் மனு அளித்தும் நடவடிக்கை எடுக்கவில்லை. மேலும் இதுகுறித்து நடவடிக்கை எடுக்க வேண்டுமென வலியுறுத்தி நூதன முறையில் துண்டறிக்கைகளை வினியோகித்தும், பொது இடங்களில் ஒட்டியும் அப்பகுதி இளைஞர்கள் பிரசாரத்தில் ஈடுபட்டு வருகின்றனர்.

நூதன பிரசாரம்

இதுகுறித்து நூதன பிரசாரத்தில் ஈடுபட்டுள்ள கருத்தாய்வு குழுவை சேர்ந்த துரை குணா கூறிகையில், முழுமையாக ஆக்கிரமிப்புக்கு உள்ளாகி உள்ள குளத்தை கண்டுபிடித்து தூர்வார வேண்டுமென கலெக்டர் அலுவலகத்தில் கோரிக்கை மனு அளிக்கப்பட்டது. அதற்கு முன்பு வருவாய்த்துறை அலுவலர்களிடம் பல முறை மனு அளித்தும் நடவடிக்கை இல்லை. கறம்பக்குடி வருவாய்த் துறை அலுவலர்கள் வந்து குளத்தை பார்வையிட்டு, குளம் காணாமல் போனதை உறுதி செய்தனர். ஆனால் அதை மீட்பதற்குரிய நடவடிக்கையை எடுக்கவில்லை.

இதனால்தான், அதிகாரிகள் கவனத்தை ஈர்ப்பதற்காக அமைச்சர், ஆளும் கட்சியினரின் பரிந்துரை இல்லாமல் சுயமரியாதை, தன்னொழுக்கம் உள்ள கலெக்டர், வருவாய் அலுவலர், கோட்டாட்சியர், கிராம நிர்வாக அலுவலரை தேர்வு செய்வது போன்ற துண்டு பிரசுரத்தை அச்சடித்து நேற்றிலிருந்து வினியோகித்து வருகிறோம். அதை பொது இடங்களில் ஒட்டியுள்ளோம் என்றார்.

தொடர்புடைய செய்திகள்

1. புதுக்கோட்டை கலெக்டர் அலுவலகத்தில் முதியவர் தீக்குளிக்க முயன்றதால் பரபரப்பு
புதுக்கோட்டை கலெக்டர் அலுவலகத்திற்கு மனு கொடுக்க வந்த முதியவர் தீக்குளிக்க முயன்றதால் பரபரப்பு ஏற்பட்டது.
2. திருவெண்காடு அருகே ஓ.என்.ஜி.சி. ஊழியர்களை விரட்டி அடித்த விவசாயிகள்-பரபரப்பு
திருவெண்காடு அருகே குழாய்கள் பதிக்கும் பணிக்காக தோண்டப்பட்ட பள்ளத்தை மூடாததால் ஓ.என்.ஜி.சி. ஊழியர்களை விவசாயிகள் விரட்டி அடித்தனர். இதனால் அப்பகுதியில் பரபரப்பு ஏற்பட்டது.
3. திருச்சி விமானநிலையத்தில் நின்ற மர்ம வேனால் பரபரப்பு - வெடிகுண்டு நிபுணர்கள் சோதனை
திருச்சி விமானநிலையத்தில் நின்ற மர்ம வேனால் பரபரப்பு ஏற்பட்டது. அந்த வேனில் வெடிகுண்டு நிபுணர்கள் சோதனை நடத்தினார்கள்.
4. அனுமதியின்றி வைக்கப்பட்டிருந்த விளம்பர பேனர்களை டிராபிக் ராமசாமி அகற்ற முயற்சி ஒரத்தநாட்டில் பரபரப்பு
ஒரத்தநாட்டில் அனுமதியின்றி வைக்கப்பட்டிருந்த விளம்பர பேனர்களை டிராபிக் ராமசாமி அகற்ற முயன்றதால் பரபரப்பு ஏற்பட்டது
5. சொத்து பத்திரங்களை மீட்டுத்தர வலியுறுத்தி கலெக்டர் அலுவலகத்துக்கு மண்எண்ணெய் கேனுடன் வந்த மூதாட்டியால் பரபரப்பு
சொத்து பத்திரங்களை மீட்டுத்தர வலியுறுத்தி நாகை கலெக்டர் அலுவலகத்துக்கு மண்எண்ணெய் கேனுடன் வந்த மூதாட்டியால் பரபரப்பு ஏற்பட்டது.