மாவட்ட செய்திகள்

அரசு டவுன் பஸ்சை இயக்க பயணிகள் வேண்டுகோள் + "||" + Requesting passengers to operate the State Town Bus

அரசு டவுன் பஸ்சை இயக்க பயணிகள் வேண்டுகோள்

அரசு டவுன் பஸ்சை இயக்க பயணிகள் வேண்டுகோள்
அரசு டவுன் பஸ்சை இயக்க பயணிகள் வேண்டுகோள் விடுத்துள்ளனர்.
பெரம்பலூர்,

திருச்சி மாவட்டம் துறையூரில் இருந்து பெரம்பலூர் மாவட்டம் செட்டிகுளம், நாட்டார் மங்கலம் வழியாக ஆலத்தூர் கேட் வரை இயக்கப்படும் ஒரு அரசு டவுன் பஸ் தினமும் காலை, மதியம், இரவு ஆகிய நேரத்தில் 6 முறை இயக்கப்பட்டு வந்தது. அந்த அரசு டவுன் பஸ்சில் பள்ளி, கல்லூரிகளுக்கு மாணவ- மாணவிகள், வேலைக்கு செல்லும் பொதுமக்கள் பலரும் சென்று வந்தனர். இதனால் அந்த பஸ் அவர்களுக்கு மிகுந்த பயனுள்ளதாக இருந்தது. ஆனால் கடந்த சில மாதங்களாகவே ஆலத்தூர் கேட்டில் இருந்து இரவு 8.45 மணிக்கு துறையூருக்கு அந்த அரசு டவுன் பஸ் இயக்கப்படாமல், ஆலத்தூர் கேட்டில் நிறுத்தி வைக்கப்பட்டு, மறுநாள் அதிகாலை 6 மணிக்கு தான் துறையூருக்கு இயக்கப்படுகிறது.


கோரிக்கை

இதனால் ஆலத்தூர் கேட்டில் இருந்து துறையூருக்கு இரவும், துறையூரில் இருந்து அதிகாலை ஆலத்தூர் கேட்டிற்கு இயக்கப்பட்ட அந்த அரசு டவுன் நிறுத்தப் பட்டதால் பயணிகள் மிகுந்த சிரமத்துக்கு ஆளாகி வருகின்றனர். இதனால் இரவு நேரத்தில் பயணிகள் பலர் ஆலத்தூர் கேட்டில் இருந்து ஷேர் ஆட்டோ, கார், கால் டாக்சி போன்ற வாகனங்களில் அதிக கட்டணம் செலுத்தி பயணம் மேற்கொள்கின்றனர்.

எனவே பயணிகள் நலன்கருதி ஏற்கனவே இயங்கிய நேரத்திலே துறையூரிலிருந்து, ஆலத்தூர் கேட் வரை பஸ்சை இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என்று பயணிகளும், சமூக ஆர்வலர்களும் வேண்டுகோள் விடுத்துள்ளனர்.

தொடர்புடைய செய்திகள்

1. பழைய குற்றாலம் அருவியில் தண்ணீர் வரத்து சுற்றுலா பயணிகள் குளியல்
பழைய குற்றாலம் அருவியில் தண்ணீர் விழுகிறது. இதில் சுற்றுலா பயணிகள் குளித்துச் செல்கிறார்கள்.
2. குடியுரிமை சட்டம் குறித்த அவதூறுகளை நம்ப வேண்டாம் எடப்பாடி பழனிசாமி வேண்டுகோள்
குடியுரிமை சட்டம் குறித்த அவதூறுகளை யாரும் நம்ப வேண்டாம் என்று முதல்-அமைச்சர் எடப்பாடி பழனிசாமி வேண்டுகோள் விடுத்து உள்ளார்.
3. மாவட்டத்தில் மாசு இல்லாத போகிப்பண்டிகை கொண்டாட கலெக்டர் வேண்டுகோள்
திருச்சி மாவட்டத்தில் மாசு இல்லாத போகிப்பண்டிகை கொண்டாட பொதுமக்களுக்கு, கலெக்டர் சிவராசு வேண்டுகோள் விடுத்துள்ளார்.
4. பெண்கள், பெண் குழந்தைகள் பாதுகாப்பில் கவனம் செலுத்த வேண்டும் ; மு.க.ஸ்டாலின் வேண்டுகோள்
பெண்கள் மற்றும் பெண் குழந்தைகள் பாதுகாப்பில் கவனம் செலுத்த வேண்டும் என தி.மு.க. தலைவர் மு.க.ஸ்டாலின் வேண்டுகோள் விடுத்துள்ளார்.
5. குமரியில் மழை நீடிப்பு: திற்பரப்பு அருவியில் வெள்ளப்பெருக்கு குளிக்க தடை விதித்ததால் சுற்றுலா பயணிகள் ஏமாற்றம்
குமரி மாவட்டத்தில் மழை நீடித்து வருவதால், திற்பரப்பு அருவியில் வெள்ளப்பெருக்கு ஏற்பட்டுள்ளது. இதனால் அருவியில் குளிக்க தடை விதித்ததால், சுற்றுலா பயணிகள் ஏமாற்றம் அடைந்தனர்.