மாவட்ட செய்திகள்

கோவில்பட்டி அருகே வேன் கவிழ்ந்து 15 பேர் படுகாயம் + "||" + Near Kovilpatti van toppled 15 people Seriously injured

கோவில்பட்டி அருகே வேன் கவிழ்ந்து 15 பேர் படுகாயம்

கோவில்பட்டி அருகே வேன் கவிழ்ந்து 15 பேர் படுகாயம்
கோவில்பட்டி அருகே வேன் கவிழ்ந்து விபத்துக்குள்ளானதில் 15 பேர் படுகாயம் அடைந்தனர்.
கோவில்பட்டி,

தூத்துக்குடி மாவட்டம் எட்டயபுரத்தை அடுத்துள்ள இளம்புவனம் பகுதியைச் சேர்ந்தவர் மாரிமுத்து (வயது 56). இவர் தனது மகளுக்கு மாப்பிள்ளை பார்ப்பதற்காக உறவினர்களுடன் வேனில் நெல்லை மாவட்டம் சிவகிரிக்கு நேற்று புறப்பட்டார். வேனை முத்துவேல்சாமி என்பவர் ஓட்டினார்.

வேன் கோவில்பட்டி அருகே இளையரசனேந்தல் மேலப்பட்டி விலக்கு பகுதியில் சென்று கொண்டு இருந்தது. அப்போது எதிர்பாராதவிதமாக டயர் வெடித்து வேன் கவிழ்ந்தது. இதில் வேனில் இருந்த மாரிமுத்து, அவருடைய மனைவி ஆறுமுகத்தாய் (50), மகன் சுதாகர் (29), மருமகள் ஜெயசுதா (23), பேரன் கவின் எஸ்வந்த் (1) மற்றும் உறவினர்களான முத்துகருப்பசாமி, சொர்ணவேல் உள்பட 15 பேர் படுகாயம் அடைந்தனர்.

இதை பார்த்த அக்கம்பக்கத்தினர் விரைந்து வந்து இடிபாடுகளில் சிக்கியவர்களை மீட்கும் முயற்சியில் ஈடுபட்டனர். மேலும் இதுகுறித்து கோவில்பட்டி மேற்கு போலீஸ் நிலையத்துக்கும் தகவல் தெரிவிக்கப்பட்டது. போலீசார் விரைந்து வந்து படுகாயம் அடைந்த 15 பேரையும் மீட்டு சிகிச்சைக்காக கோவில்பட்டி அரசு ஆஸ்பத்திரிக்கு அனுப்பி வைத்தனர். அங்கு அவர்களுக்கு முதலுதவி சிகிச்சை அளிக்கப்பட்டது. பின்னர் ஆறுமுகத்தாய், கவின் எஸ்வந்த், முத்துகருப்பசாமி, சொர்ணவேல் ஆகிய 4 பேர் மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைக்கப்பட்டனர்.

இதுகுறித்து கோவில்பட்டி மேற்கு போலீசார் வழக்குப்பதிவு செய்து, வேன் டிரைவர் முத்துவேல்சாமியிடம் விசாரணை நடத்தி வருகின்றனர்.

தொடர்புடைய செய்திகள்

1. கோவில்பட்டி அருகே ரெயில் மோதி வாலிபர் பலி யார் அவர்? போலீசார் விசாரணை
கோவில்பட்டி அருகே ரெயில் மோதி வாலிபர் பலியானார். அவர் யார்? என்பது குறித்து போலீசார் விசாரணை நடத்தி வருகின்றனர்.
2. கோவில்பட்டி அருகே குப்பை ஏற்றி வந்த டிராக்டர் சிறைபிடிப்பு
கோவில்பட்டி அருகே குப்பை ஏற்றி வந்த டிராக்டரை பொதுமக்கள் சிறைபிடித்தனர்.
3. கோவில்பட்டி அருகே, 3-ந்தேதி நடைபெற இருந்த சாலைமறியல் போராட்டம் வாபஸ்
கோவில்பட்டி அருகே வில்லிசேரியில் வருகிற 3-ந்தேதி(செவ்வாய்க்கிழமை) நடைபெற இருந்த சாலைமறியல் போராட்டத்தை வாபஸ் பெறுவதாக சமாதான பேச்சுவார்த்தை கூட்டத்தில் முடிவு செய்யப்பட்டது.
4. ஓட்டப்பிடாரம் அருகே வேன் கவிழ்ந்து 2 பெண்கள் பலி - ஆலய பிரதிஷ்டை விழாவுக்கு சென்றபோது பரிதாபம்
ஓட்டப்பிடாரம் அருகே வேன் கவிழ்ந்து 2 பெண்கள் பலியானார்கள். ஆலய பிரதிஷ்டை விழாவுக்கு சென்றபோது இந்த விபத்து நடந்துள்ளது.
5. கோவில்பட்டி அருகே இந்திய கம்யூனிஸ்டு கட்சியினர் ஆர்ப்பாட்டம்
பல்வேறு கோரிக்கைளை வலியுறுத்தி, கோவில்பட்டி அருகே இடைசெவலில் இந்திய கம்யூனிஸ்டு கட்சியினர் ஆர்ப்பாட்டத்தில் ஈடுபட்டனர்.