மாவட்ட செய்திகள்

சிவகங்கையில் அனுமதியின்றி வைத்த விநாயகர் சிலையை அகற்ற முயன்றதால் போலீசார்- பா.ஜ.க.வினர் மோதல் - சப்-இன்ஸ்பெக்டர் இடமாற்றம் + "||" + at Sivagangai Police-BJP clash over attempt to remove Ganesh statue Sub-Inspector transferred

சிவகங்கையில் அனுமதியின்றி வைத்த விநாயகர் சிலையை அகற்ற முயன்றதால் போலீசார்- பா.ஜ.க.வினர் மோதல் - சப்-இன்ஸ்பெக்டர் இடமாற்றம்

சிவகங்கையில் அனுமதியின்றி வைத்த விநாயகர் சிலையை அகற்ற முயன்றதால் போலீசார்- பா.ஜ.க.வினர் மோதல் - சப்-இன்ஸ்பெக்டர் இடமாற்றம்
சிவகங்கையில் அனுமதியின்றி வைத்த விநாயகர் சிலையை அகற்ற முயன்ற போலீசாருக்கும், பா.ஜனதாவினருக்கும் திடீர் மோதல் ஏற்பட்டது. இந்த விவகாரத்தில் சப்-இன்ஸ்பெக்டர் இடமாற்றம் செய்யப்பட்டார்.
சிவகங்கை,

சிவகங்கை நகரில், தொண்டி ரோட்டில் அரசு போக்குவரத்து கழக பணிமனை அருகே நேற்று முன்தினம் 3 அடி உயர மண்ணால் செய்யப்பட்ட விநாயகர் சிலை திடீரென வைக்கப்பட்டது. இதுகுறித்து அறிந்த சிவகங்கை நகர் போலீசார் அங்கு வந்து அனுமதியின்றி சிலை வைக்கப்பட்டதாக கூறி சிலையை எடுக்க முயன்றனர். இதையறிந்த பா.ஜனதாவினர் மாவட்ட செயலாளர் உதயா தலைமையில் அங்கு வந்து சிலையை அகற்ற எதிர்ப்பு தெரிவித்தனர். அப்போது ஏற்பட்ட மோதலின் போது, பா.ஜனதா நிர்வாகிகள் உதயா மற்றும் சதீஷ்குமார் ஆகியோரை போலீசார் தாக்கினராம்.


இதை கண்டித்து பா.ஜனதா மாவட்ட தலைவர் சொக்கலிங்கம் தலைமையில், நகர் தலைவர் தனசேகரன், இளைஞர் அணி மாவட்ட பொதுச்செயலாளர் ராமபிரபு, மாவட்ட செயலாளர் நாகேஸ்வரன், நகர் துணை தலைவர் பிரபாகரன் உள்ளிட்டோர் தொண்டி சாலையில் அமர்ந்து மறியலில் ஈடுபட்டனர். இதனால் அப்பகுதியில் சுமார் 1 மணி நேரத்திற்கும் மேலாக போக்குவரத்து பாதிக்கப்பட்டது.

தகவல் அறிந்து வந்த போலீஸ் சூப்பிரண்டு ரோஹித்நாதன், மறியலில் ஈடுபட்டவர்களிடம் பேச்சு வார்த்தை நடத்தி சமரசம் செய்தார். இந்த சம்பவம் தொடர்பாக சிவகங்கை நகர் போலீசார், மறியலில் ஈடுபட்ட பா.ஜனதாவினர் 20 பேர் மீது வழக்கு பதிவு செய்தனர்.

மேலும் மாவட்ட செயலாளர் உதயா, சப்-இன்ஸ்பெக்டர் ரஞ்சித் தன்னை தாக்கியதாக புகார் கூறியதை தொடர்ந்து, சப்-இன்ஸ்பெக்டர் ரஞ்சித்தை ஆயுதப்படைக்கு இடமாற்றி போலீஸ் சூப்பிரண்டு உத்தரவிட்டார். மேலும் சப்-இன்ஸ்பெக்டர் ரஞ்சித் உள்பட 3 போலீசார் மீதும் வழக்கு பதிவு செய்யப்பட்டதாகவும் கூறப்படுகிறது.

இந்த சம்பவத்தில் காயம் அடைந்த சதீஷ்குமாருக்கு சிவகங்கை அரசு மருத்துவமனையில் சிகிச்சை அளிக்கப்பட்டு வருகிறது. அவரை பா.ஜனதா தேசிய செயலாளர் எச்.ராஜா பார்த்து நலம் விசாரித்தார்.

தொடர்புடைய செய்திகள்

1. சிவகங்கை மாவட்டத்தில் கடைகள் திறப்பு; சாலைகளில் மக்கள் கூட்டம்
ஊரடங்கில் சில தளர்வுகள் நேற்று முதல் அமல்படுத்தப்Sபட்டதால் சிவகங்கை மாவட்டத்தில் பெரும்பாலான கடைகள் திறக்கப்பட்டு சாலைகளில் மக்கள் கூட்டம், கூட்டமாக சென்றனர். வங்கிகளில் கூட்டம் வழக்கத்தைவிட அலைமோதியது.
2. சிவகங்கையில் கேமரா மூலம் மக்கள் நடமாட்டம் கண்காணிப்பு
சிவகங்கை கலெக்டர் அலுவலகத்தில் கேமரா மூலம் மக்கள் நடமாட்டம் குறித்து கண்காணிப்பு பணிகளை கலெக்டர் ஜெயகாந்தன் தொடங்கி வைத்தார்.
3. சிவகங்கை மாவட்டத்தில் கொரோனா தடுப்பு பணிகள்; கண்காணிப்பு அலுவலர் ஆய்வு
சிவகங்கை மாவட்டத்தில் மேற்கொள்ளப்பட்டு வரும் கொரோனா தடுப்பு பணிகள் குறித்து கண்காணிப்பு அலுவலர் ஆய்வு செய்தார்.
4. சிவகங்கைக்கு வந்த ‘ரேபிட் டெஸ்ட் கிட் கருவிகள்’ - பரிசோதனை எப்போது? அதிகாரி விளக்கம்
சிவகங்கைக்கு ‘ரேபிட் டெஸ்ட் கிட்’ கருவிகள் வந்துள்ளன. அந்த கருவிகள் மூலம் கொரோனா பரிசோதனை நடைபெறுவது எப்போது? என்பது குறித்து அதிகாரி விளக்கம் அளித்தார்.
5. சிவகங்கையில் கொரோனா நோயாளிகள் 6 பேர் சிகிச்சை முடிந்து வீடு திரும்பினர்
சிவகங்கை மருத்துவ கல்லூரி மருத்துவமனையில் கொரோனா நோய் தொற்று காரணமாக சிகிச்சை பெற்று வந்த 6 பேர், சிகிச்சை முடிந்து வீடு திரும்பினர்.

அதிகம் வாசிக்கப்பட்டவை