மாவட்ட செய்திகள்

டிராவல்ஸ் அதிபர் வீட்டில் 5 பவுன் நகை திருட்டு - போலீஸ் விசாரணை + "||" + President travels home 5 Theft of Bounce Jewelry - Police are investigating

டிராவல்ஸ் அதிபர் வீட்டில் 5 பவுன் நகை திருட்டு - போலீஸ் விசாரணை

டிராவல்ஸ் அதிபர் வீட்டில் 5 பவுன் நகை திருட்டு - போலீஸ் விசாரணை
புதுவையில் டிராவல்ஸ் அதிபர் வீட்டின் பீரோவில் வைக்கப்பட்டிருந்த 5½ பவுன் நகைகள் திருடு போனது. இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.
புதுச்சேரி,

புதுச்சேரி சாரம் பிள்ளைத்தோட்டம் கங்கையம்மன் கோவில் தெருவை சேர்ந்தவர் முகமது அபுபக்கர் (வயது 53). இவர் புதுவை கடற்கரை சாலை பழைய வடிசாராய ஆலை அருகே டிராவல்ஸ் நிறுவனம் நடத்தி வருகி றார். இவர் வீட்டில் மனைவி, மகன், மருமகள் ஆகியோர் உள்ளனர்.

இந்த நிலையில் இவருடைய வீட்டின் முதல் தளத்தில் உள்ள அறையில் இருந்த பீரோவில் இருந்த கைசெயின் (24 கிராம்), தங்க சங்கிலி (16 கிராம்), மோதிரம் (4 கிராம்) ஆகியவை நேற்று முன்தினம் மாயமாகி போயிருந்தது. மேலும் அங்கு வேறு சில நகைகள், ரொக்கப்பணமும் வைத்த இடத்தில் அப்படியே இருந்தது. அதே சமயத்தில் பீரோ பூட்டு உடைக்கப்படாமல் நகைகள் மாயமாகியிருந்தது.

இதுதொடர்பாக போலீசுக்கு தகவல் தெரிவிக்கப்பட்டது. உடனே உருளையன்பேட்டை போலீஸ் சப்-இன்ஸ்பெக்டர் வெங்கடாசலபதி மற்றும் போலீசார் சம்பவ இடத்திற்கு விரைந்து சென்று வீட்டில் உள்ள அனைவரிடமும் விசாரணை நடத்தினார்கள். அதேபோல் வீட்டில் வேலை செய்யும் வேலைக்கார பெண்ணிடமும் விசாரணை நடந்தது. இந்த விசாரணையின்போது வீட்டிற்கு முகமது அபுபக்கர் உறவினர் சிலர் வந்து சென்றது தெரியவந்தது.

இந்த நகை திருட்டு குறித்து உருளையன்பேட்டை போலீசார் வழக்குப்பதிவு செய்து சந்தேகத்தின் பேரில் சிலரிடம் தீவிர விசாரணை மேற்கொண்டு வருகிறார்கள்.

தொடர்புடைய செய்திகள்

1. தூத்துக்குடி அருகே, வீட்டில் நகைகளை திருடிய பணிப்பெண் கைது
தூத்துக்குடி அருகே வீட்டில் நகைகளை திருடிவிட்டு, மர்ம நபர்கள் கத்தி முனையில் நகைகளை திருடி சென்றதாக கூறி நாடகமாடிய பணிப்பெண் கைது செய்யப்பட்டார்.
2. பர்கூர் அருகே துணிகரம்: ஓய்வு பெற்ற முதன்மை கல்வி அதிகாரி வீட்டில் ரூ.3 லட்சம் நகைகள் திருட்டு
பர்கூர் அருகே ஓய்வு பெற்ற முதன்மை கல்வி அதிகாரி வீட்டில் ரூ.3 லட்சம் மதிப்பிலான நகைகளை மர்ம நபர்கள் திருடிச் சென்றனர்.
3. மகராஜகடை அருகே, வீட்டின் பூட்டை உடைத்து நகைகள் திருட்டு
மகராஜகடை அருகே வீட்டின் பூட்டை உடைத்து ரூ.2 லட்சம் மதிப்புள்ள நகைகளை மர்ம நபர்கள் திருடி சென்றனர்.
4. பரங்கிப்பேட்டையில், வீடு புகுந்து திருடிய 2 பேர் கைது - நகைகள் மற்றும் வெள்ளி பொருட்கள் மீட்பு
பரங்கிப்பேட்டையில் வீடு புகுந்து நகைகளை திருடியதாக 2 பேரை போலீசார் கைது செய்தனர். அவர்களிடம் இருந்து நகைகள் மற்றும் வெள்ளிப்பொருட்களை போலீசார் மீட்டனர். இது பற்றி போலீஸ் தரப்பில் கூறப்படுவதாவது:-
5. வெண்ணந்தூர் அருகே கோவிலின் பூட்டை உடைத்து நகைகள் திருட்டு
வெண்ணந்தூர் அருகே கோவிலின் பூட்டை உடைத்து நகைகளை மர்ம நபர்கள் திருடி சென்றனர்.

அதிகம் வாசிக்கப்பட்டவை