மாவட்ட செய்திகள்

கொள்ளிடம் ஆற்றில் உடைப்பை சரி செய்ய 5 டன் சவுக்கு மரக்கட்டைகள் தயார் - அதிகாரிகள் நடவடிக்கை + "||" + In the river Kolli To fix breakage Prepare 5 tonnes of wood - Officials action

கொள்ளிடம் ஆற்றில் உடைப்பை சரி செய்ய 5 டன் சவுக்கு மரக்கட்டைகள் தயார் - அதிகாரிகள் நடவடிக்கை

கொள்ளிடம் ஆற்றில் உடைப்பை சரி செய்ய 5 டன் சவுக்கு மரக்கட்டைகள் தயார் - அதிகாரிகள் நடவடிக்கை
கொள்ளிடம் ஆற்றில் உடைப்பை சரி செய்ய 5 டன் சவுக்கு மரக்கட்டைகளை அதிகாரிகள் தயார் நிலையில் வைத்துள்ளனர்.
கொள்ளிடம்,

கர்நாடக மாநிலம் குடகு மலையில் உற்பத்தியாகும் காவிரி ஆறு, தமிழகத்தில் கொள்ளிடம், வெண்ணாறு, வெட்டாறு, வடவாறு, புதுஆறு, திருமலைராஜனாறு, ஓடம்போக்கி, பாண்டவையாறு உள்ளிட்ட கிளை ஆறுகளாக பிரிந்து விவசாய பாசனத்துக்கு உதவி வருகிறது. 

இதில் கொள்ளிடம்  ஆறு காவிரி ஆறு பெருக்கெடுக்கும்போது அதன் வேகத்தை கட்டுப்படுத்தும் வடிகாலாக பெரும் பங்கு வகிக்கிறது. காவிரி ஆற்றில் வரும் உபரியான நீர் முழுவதும் கொள்ளிடம் ஆற்றில் திறந்து விடப்பட்டு, கடலில் கலக்கிறது. இதனால் வெள்ள அபாயம் கட்டுப்படுத்தப்படுகிறது. எனவே கொள்ளிடம் ஆறு டெல்டாவின் முக்கிய ஆறாக திகழ்கிறது. 

நாகை மாவட்டம் கொள்ளிடம் அருகே உள்ள பழையாறு பகுதியில் கொள்ளிடம் ஆறு கடலில் கலக்கிறது. வடகிழக்கு பருவமழை காலத்தில் கொள்ளிடம் ஆற்றில் வெள்ளப்பெருக்கு ஏற்பட வாய்ப்பு உள்ளது. இதனால் முன்எச்சரிக்கை நடவடிக்கைகளை பொதுப்பணித்துறை 
அதிகாரிகள் மேற்கொண்டு வருகிறார்கள். 
இதன் ஒரு பகுதியாக  ஆற்றின் கரைகளை அதிகாரிகள் தொடர்ந்து கண்காணித்து வருகிறார்கள். 
இதுகுறித்து அதிகாரிகள் கூறியதாவது:- 

கொள்ளிடம் ஆற்றில் வெள்ளப்பெருக்கு ஏற்பட்டு கரைகள் உடையும் அபாயநிலை ஏற்பட்டாலோ, கொள்ளிடம் பகுதியில் உள்ள பிரதான பாசன மற்றும் வடிகால் வாய்க்கால்களில் அதிக வெள்ளப்பெருக்கு ஏற்பட்டாலோ அதனை உடனடியாக அடைத்து சரி செய்ய வசதியாக 5 டன் சவுக்கு மரக்கட்டைகள், 5 ஆயிரம் மணல் மூட்டைகள் தயார் நிலையில் வைக்கப்பட்டுள்ளன. மேலும் மணல் மூட்டைகளை தயார் செய்யும் பணி நடைபெற்று வருகிறது. 

இவ்வாறு அதிகாரிகள் கூறினர்.

தொடர்புடைய செய்திகள்

1. கொள்ளிடம் ஆற்றில் மூழ்கி உயிரிழந்த சிறுவனுக்கு அஞ்சலி
திருமானூர் ஊராட்சி ஒன்றிய தொடக்கப்பள்ளியில் கொள்ளிடம் ஆற்றில் மூழ்கி உயிரிழந்த சிறுவனுக்கு அஞ்சலி செலுத்தப்பட்டது.
2. கொள்ளிடம் ஆற்றில் படகு கவிழ்ந்த விபத்து: தண்ணீர் குறைவாக இருந்ததால் உயிர் தப்பினோம் - மீட்கப்பட்ட பெண் பேட்டி
கொள்ளிடம் ஆற்றில் படகு கவிழ்ந்த விபத்தில் இருந்து மீட்கப்பட்ட பெண், ஆற்றில் தண்ணீர் குறைவாக இருந்ததால் உயிர் தப்பினோம் என்று கூறினார்.
3. திருமானூர் அருகே, கொள்ளிடம் ஆற்றில் படகு கவிழ்ந்தது - 35 பேர் உயிருடன் மீட்பு
திருமானூர் அருகே கொள்ளிடம் ஆற்றை கடக்க முயன்றபோது படகு கவிழ்ந்தது. இதில், பயணம் செய்த 35 பேரும் உயிருடன் மீட்கப்பட்டனர்.
4. திருச்சி முக்கொம்பு மேலணையில் திறக்கப்பட்ட கொள்ளிடம் ஆற்று தண்ணீர் வீணாக கடலில் கலக்கிறது
திருச்சி முக்கொம்பு மேலணையில் திறக்கப்பட்ட கொள்ளிடம் ஆற்று தண்ணீர் வீணாக கடலில் கலக்கிறது. ஆனால் காவிரி தண்ணீர் கடைமடையை இன்னும் எட்டாததால் விவசாயிகள் வேதனை அடைந்துள்ளனர்.