கர்நாடகத்தில் உள்ள 30 மாவட்டங்களுக்கும்: பொறுப்பு மந்திரிகள் நியமனம் எடியூரப்பாவுக்கு பெங்களூரு நகர், ஆர்.அசோக்குக்கு பெங்களூரு புறநகர், மண்டியா ஒதுக்கீடு

பெங்களூரு,

கர்நாடகத்தில் காங்கிரஸ்-ஜனதாதளம்(எஸ்) கூட்டணி ஆட்சி கவிழ்ந்தது. இதையடுத்து எடியூரப்பா தலைமையில் பா.ஜனதா அரசு அமைந்துள்ளது.

கடந்த ஜூலை மாதம் இறுதியில் முதல்-மந்திரியாக எடியூரப்பா பதவி ஏற்றார். அதைத்தொடர்ந்து 25 நாட்களுக்கு பிறகு அதாவது கடந்த ஆகஸ்டு மாதம் 20-ந் தேதி மந்திரிசபை விரிவாக்கம் செய்யப்பட்டது.

17 பேர் மந்திரிகளாக பதவி ஏற்றனர். மொத்தம் 34 பேர் கொண்ட மந்திரிசபையில் தற்போது முதல்-மந்திரி உள்பட 18 பேர் உள்ளனர். இந்த நிலையில் மந்திரிகள் நியமனம் செய்யப்பட்டு 28 நாட்களுக்கு பிறகு மந்திரிகளுக்கு 30 மாவட்டங்களின் பொறுப்பு ஒதுக்கப்பட்டு உள்ளது. இதுகுறித்து கர்நாடக அரசு வெளியிட்டுள்ள செய்திக்குறிப்பில் கூறியிருப்பதாவது:-

ஜெகதீஷ் ஷெட்டர்

1. முதல்-மந்திரி எடியூரப்பா - பெங்களூரு நகரம்

2. துணை முதல்-மந்திரி (பொதுப்பணித்துறை) கோவிந்த் கார்ஜோள் - பாகல்கோட்டை, கலபுரகி

3. துணை முதல்-மந்திரி (உயர்கல்வி, தகவல், உயிரி தொழில்நுட்பம்) அஸ்வத் நாராயண் - ராமநகர், சிக்பள்ளாப்பூர்

4. துணை முதல்-மந்திரி (போக்குவரத்து) லட்சுமண் சவதி - பல்லாரி, கொப்பல்

5. கிராம வளர்ச்சி, பஞ்சாயத்து ராஜ் மந்திரி ஈசுவரப்பா - சிவமொக்கா, தாவணகெரே

6. வருவாய்த்துறை மந்திரி ஆர்.அசோக் - பெங்களூரு புறநகர், மண்டியா

7. தொழில்துறை மந்திரி ஜெகதீஷ்ஷெட்டர் - உப்பள்ளி-தார்வார், பெலகாவி

சுரேஷ்குமார்

8. சுகாதாரம், குடும்ப நலத்துறை மந்திரி ஸ்ரீராமுலு - ராய்ச்சூர், சித்ரதுர்கா

9. பள்ளி கல்வித்துறை மந்திரி சுரேஷ்குமார் -சாம்ராஜ்நகர்

10. வீட்டு வசதித்துறை மந்திரி சோமண்ணா - மைசூரு, குடகு

11. சுற்றுலாத்துறை மந்திரி சி.டி.ரவி - சிக்கமகளூரு

12. போலீஸ் மந்திரி பசவராஜ் பொம்மை - உடுப்பி, ஹாவேரி

13. அறநிலையத்துறை, மீன்வளத்துறை மந்திரி கோட்டா சீனிவாசபூஜாரி - தட்சிணகன்னடா

14. சட்டத்துறை மந்திரி மாதுசாமி - துமகூரு, ஹாசன்

எச்.நாகேஷ்

15. கனிமம், நில அறிவியல்துறை மந்திரி சி.சி.பட்டீல் - கதக், விஜயாப்புரா

16. கலால்துறை மந்திரி எச்.நாகேஷ் - கோலார்

17. பெண்கள், குழந்தைகள் நலத்துறை மந்திரி சசிகலா ஜோலே - உத்தர கன்னடா

18. கால்நடைத் துறை மந்திரி பிரபு சவான்- பீதர், யாதகிரி.