ஊட்டச்சத்து விழிப்புணர்வு கண்காட்சி - கலெக்டர் வீரராகவராவ் தொடங்கி வைத்தார்

ராமநாதபுரம்,

பொதுமக்கள் அதிக அளவில் கூடும் மக்கள் குறைதீர்க்கும் கூட்டத்தில் மக்களுக்கு ஊட்டச்சத்தின் முக்கியத்துவத்தை ஏற்படுத்தும் நோக்கில் ஊட்டச்சத்து கண்காட்சி மற்றும் கையெழுத்து இயக்கம் தொடங்கி வைக்கப்பட்டது. இதனை மாவட்ட கலெக்டர் வீரராகவ ராவ் கையெழுத்திட்டு தொடங்கி வைத்தார். ஊரக வளர்ச்சி முகமை திட்ட இயக்குனர் கெட்சி லீமா அமலினி, ஒருங்கிணைந்த குழந்தைகள் வளர்ச்சி திட்ட அலுவலர் ஜெயந்தி மற்றும் அரசு அலுவலர்கள் உள்பட பலர் கலந்து கொண்டனர்.


இந்த கண்காட்சியில் கருத்தரிப்பு முதல் குழந்தையின் 2 வயது வரையிலான நாட்களின் முக்கியத்துவம், வயிற்றுப்போக்கை தடுக்கும் முறைகள், ஊட்டச்சத்து உணவின் முக்கியத்துவம், ரத்தசோகையை தடுக்கும் வழிகள், சுத்தம் மற்றும் சுகாதாரம் ஆகியவற்றை விளக்கும் வண்ணம் அமைந்திருந்தது.

மிகவும் பயனுள்ள வகையில் ஏற்பாடு செய்யப்பட்டிருந்த ஊட்டச்சத்தின் அவசியம் குறித்த கண்காட்சியினை பொதுமக்கள் பார்வையிட்டனர். அங்கன்வாடி பணியாளர்களின் மூலம் உரிய விளக்கமும் அளிக்கப்பட்டது.