மாவட்ட செய்திகள்

சென்னையில் இருந்து தோகா சென்ற விமானத்தில் கோளாறு; அவசரமாக தரை இறங்கியதால் 128 பேர் உயிர் தப்பினர் + "||" + Disorder in Chennai flight to Doha ; Because of the rush of landing 128 people survived

சென்னையில் இருந்து தோகா சென்ற விமானத்தில் கோளாறு; அவசரமாக தரை இறங்கியதால் 128 பேர் உயிர் தப்பினர்

சென்னையில் இருந்து தோகா சென்ற விமானத்தில் கோளாறு; அவசரமாக தரை இறங்கியதால் 128 பேர் உயிர் தப்பினர்
சென்னையில் இருந்து தோகா சென்ற விமானத்தில் தொழில்நுட்ப கோளாறு ஏற்பட்டு இருப்பதை அறிந்த விமானி, அவசரமாக விமானத்தை மீண்டும் சென்னையில் தரை இறக்கியதால் 128 பேர் அதிர்ஷ்டவசமாக உயிர் தப்பினர்.
ஆலந்தூர்,

சென்னை மீனம்பாக்கம் பன்னாட்டு விமான நிலையத்தில் இருந்து கத்தார் தலைநகர் தோகாவுக்கு நேற்று அதிகாலையில் விமானம் செல்ல தயாராக இருந்தது. அதில் 121 பயணிகள், 7 விமான ஊழியர்கள் என 128 பேர் இருந்தனர்.


விமானம் ஓடுபாதையில் இருந்து புறப்பட்டு நடுவானில் பறந்து கொண்டிருந்தது. அப்போது விமானத்தின் வால் பகுதியில் புகை வருவதற்கான எச்சரிக்கை மணி ஒலித்தது. விமானத்தில் தொழில்நுட்ப கோளாறு ஏற்பட்டு இருப்பதை அறிந்த விமானி, உடனடியாக சென்னை விமான நிலைய கட்டுப்பாட்டு அறைக்கு தகவல் கொடுத்தார்.

இதையடுத்து விமானத்தை சென்னையில் அவசரமாக தரை இறக்க அனுமதிக்கப்பட்டது. அதைதொடர்ந்து விமானம் மீண்டும் சென்னையில் தரை இறக்கப்பட்டது. அதில் இருந்த 128 பேரும் பத்திரமாக கீழே இறக்கப்பட்டு ஓய்வு கூடத்தில் தங்க வைக்கப்பட்டனர்.

விமானத்தில் ஏற்பட்ட தொழில்நுட்ப கோளாறை சரி செய்யும் பணியில் தொழில்நுட்ப வல்லுனர்கள் ஈடுபட்டனர். ஆனால் உடனடியாக பழுதை சரி செய்ய முடியாததால், 121 பயணிகளும் வேறு விமானம் மூலம் தோகாவுக்கு அனுப்பி வைக்கப்பட்டனர்.

உரிய நேரத்தில் விமானத்தில் ஏற்பட்ட கோளாறை விமானி கண்டுபிடித்துவிட்டதால் அதில் இருந்த 128 பேரும் அதிர்ஷ்டவசமாக உயிர் தப்பினர்.

தொடர்புடைய செய்திகள்

1. சென்னை திருவேற்காடு அருகே வீடுகளுக்குள் மழைநீர் புகுந்தது பொதுமக்கள் சாலை மறியல்
திருவேற்காடு அருகே வீடுகளுக்குள் மழைநீருடன் கழிவுநீரும் புகுந்ததால் ஆத்திரம் அடைந்த பொதுமக்கள் சாலை மறியலில் ஈடுபட்டனர்.
2. சென்னையில் வழக்கம் போல் பள்ளிகள் இன்று செயல்படும் : ஆட்சியர் அறிவிப்பு
சென்னையில் வழக்கம் போல் பள்ளிகள் இன்று இயங்கும் என்று மாவட்ட ஆட்சியர் சீதாலட்சுமி அறிவித்துள்ளார்.
3. வடகிழக்கு பருவமழை தொடங்கிய நிலையில் சென்னையை குளிர்வித்த சாரல் மழை
வடகிழக்கு பருவமழை தொடங்கிய நிலையில் சென்னை மற்றும் புறநகர் பகுதிகளில் நேற்று சாரல் மழை பெய்தது. இன்றும் (வியாழக்கிழமை) மழை தொடரும் என்று வானிலை ஆய்வு மையம் தெரிவித்துள்ளது.
4. சென்னை ஏ.டி.எம்.மில் பணம் திருடிய வடமாநில வாலிபர்கள் 2 பேர் கைது நூதன முறையில் பல லட்சம் ரூபாய் திருடியது தெரியவந்தது
அமைந்தகரையில் உள்ள ஏ.டி.எம். ஒன்றில் நூதன முறையில் பணம் திருடிய வடமாநில வாலிபர்கள் 2 பேர் கைது செய்யப்பட்டனர். கும்பலாக சேர்ந்து கொண்டு பல லட்ச ரூபாய் மோசடியில் ஈடுபட்டதும் விசாரணையில் தெரியவந்தது.
5. ராதாபுரம் வாக்கு எண்ணிக்கை முடிவுகளை அறிவிக்க கூடாது- உச்ச நீதிமன்றம்
ராதாபுரம் வாக்கு எண்ணிக்கை முடிவுகளை அறிவிக்க கூடாது என்று உச்ச நீதிமன்றம் தெரிவித்துள்ளது.