<
ராமேசுவரத்தில், ஆட்டோ கவிழ்ந்து புதுப்பெண் பலி
ராமேசுவரத்தில் ஆட்டோ கவிழ்ந்து புதுப்பெண் பலியானார். அவரது கணவர் படுகாயம் அடைந்தார்.
ராமேசுவரம்,
ராமேசுவரம் வேர்க்கோடு பகுதியை சேர்ந்தவர் அமல பிரவீன்(வயது 27). இவர் ஆட்டோ டிரைவராக உள்ளார். இவருடைய மனைவி ராகவி(20). இவர்கள் கடந்த சில மாதங்களுக்கு முன்பு காதலித்து திருமணம் செய்து கொண்டனர். திருமணத்திற்கு பின்பு 2 பேரும் ராமேசுவரம் மருதுபாண்டியர் நகரில் வசித்தனர்.
இந்தநிலையில் ராகவி தனக்கு ஆட்டோ ஓட்ட கற்று தரும்படி தனது கணவரிடம் கேட்டுக்கொண்டாராம். இதனைத்தொடர்ந்து நேற்று காலை அமலபிரவீன் தனுஷ்கோடி சாலையில் தனது மனைவி ராகவிக்கு ஆட்டோ ஓட்டுவதற்கு பயிற்சி கொடுத்து கொண்டிருந்தார்.
அப்போது எதிர்பாராதவிதமாக ஆட்டோ கவிழ்ந்து ராகவி மீது விழுந்தது.
இதில் உடல் நசுங்கி சம்பவ இடத்திலேயே அவர் பலியானார். அமலபிரவீன் காயங்களுடன் தப்பினார். இதுகுறித்து தகவல் அறிந்த தனுஷ்கோடி போலீசார் சம்பவ இடத்திற்கு விரைந்து சென்றனர். அவர்கள் காயத்துடன் இருந்த அமலபிரவீனை மீட்டு சிகிச்சைக்காக ராமேசுவரம் அரசு ஆஸ்பத்திரிக்கு அனுப்பி வைத்தனர்.
மேலும் ராகவி உடலை கைப்பற்றி பிரேத பரிசோதனைக்காக அனுப்பினர். பின்னர் இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.
இந்த சம்பவம் அப்பகுதியில் சோகத்தை ஏற்படுத்தியது. இதுகுறித்து வருவாய் கோட்டாட்சியர் கிறிஸ்டோபர் ஜெயராஜ் மேல் விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
