<
பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்
பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.
மும்பை,
பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.
மாட்டுங்கா-முல்லுண்டு
மத்திய ரெயில்வேயின் மாட்டுங்கா - முல்லுண்டு இடையே ஸ்லோ வழித்தடத்தில் இன்று (ஞாயிற்றுக்கிழமை) காலை 11.20 மணி முதல் மாலை 3.50 மணி வரை பராமரிப்பு பணிகள் நடைபெற உள்ளது. எனவே காலை 10.57 மணி முதல் மாலை 3.52 மணி வரை ஸ்லோ ரெயில்கள் அனைத்தும் மாட்டுங்கா-முல்லுண்டு இடையே விரைவு வழித்தடத்தில் இயக்கப்படும்.
இந்த ரெயில்கள் வித்யாவிகார், காஞ்சூர்மார்க், நாகுர் ஆகிய ரெயில் நிலையங்களில் நிற்காது. பயணிகள் சி.எஸ்.எம்.டி. நோக்கி வரும் ஸ்லோ ரெயில்கள் மூலம் இந்த ரெயில் நிலையங்களுக்கு செல்லலாம்.
துறைமுக வழித்தடம்
துறைமுக வழித்தடத்தில் பன்வெல்-வாஷி இடையே காலை 11.30 மணி முதல் மாலை 4 மணி வரை பராமரிப்பு பணிகள் நடக்கிறது. எனவே காலை 10.03 மணி முதல் மாலை 3.53 மணி வரை சி.எஸ்.எம்.டி.யில் இருந்து பேலாப்பூர், பன்வெலுக்கும், காலை 11.06 மணி முதல் மாலை 4.01 மணி வரை பன்வெல், பேலாப்பூரில் இருந்து சி.எஸ்.எம்.டி.க்கும் ரெயில்கள் இயக்கப்படாது.
இந்த நேரத்தில் சி.எஸ்.எம்.டி.-வாஷி இடையே சிறப்பு ரெயில்கள் இயக்கப்படும். மேற்கு ரெயில்வே வழித்தடத்தில் இன்று பகல் வழக்கம்போல ரெயில்கள் இயக்கப்படும். இந்த தகவலை மத்திய, மேற்கு ரெயில்வே வெளியிட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
