மாவட்ட செய்திகள்

குழுமணி அருகே ஆலமரத்துக்கு தீ வைத்த மர்ம ஆசாமிகள் + "||" + Mysterious Asami who set fire to the banyan tree near the group

குழுமணி அருகே ஆலமரத்துக்கு தீ வைத்த மர்ம ஆசாமிகள்

குழுமணி அருகே ஆலமரத்துக்கு தீ வைத்த மர்ம ஆசாமிகள்
குழுமணி அருகே ஆலமரத்துக்கு மர்ம ஆசாமிகள் தீ வைத்து எரித்ததால் பரபரப்பு ஏற்பட்டது.
ஜீயபுரம்,

குழுமணி அருகில் உள்ள மேரூர் கொடிங்கால் வாய்க்கால் கரையில் சுடுகாடு உள்ளது. இதன் அருகில் பழமைவாய்ந்த பெரிய ஆலமரம் ஒன்று இருந்தது. இந்த நிலையில் நேற்று முன்தினம் மாலை அந்த வழியாக சென்ற மர்ம ஆசாமிகள் அந்த ஆலமரத்திற்கு தீ வைத்ததாக தெரிகிறது.இதில் ஆலமரம் முழுவதும் தீ வேகமாக பரவியது. இரவோடு, இரவாக அந்த மரம் முற்றிலும் எரிந்து நாசமானது. அத்துடன் அது தீப்பிடித்து எரிந்த போது, மரக்கிளைகள் முறிந்து கீழே விழுந்தன. அது அருகில் மின்கம்பத்தில் இருந்த மின் கம்பிகள் மீது விழுந்ததால், மின்கம்பிகள் அறுந்து விழுந்ததுடன், மின்கம்பமும் முறிந்து கீழே விழுந்தன.


போலீசார் விசாரணை

இதை பார்த்த அப்பகுதி பொதுமக்கள் சம்பந்தப்பட்ட மின்வாரிய அலுவலகத்துக்கு தகவல் கொடுத்தனர். உடனே சம்பவ இடத்துக்கு விரைந்து வந்த மின்வாரிய அதிகாரிகள் அந்த பகுதிக்கு செல்லும் மின் இணைப்பை துண்டித்தனர்.

ஆலமரத்துக்கு தீ வைத்த மர்ம ஆசாமிகள் யார்? எதற்காக தீ வைத்தனர்? என்று போலீசார் விசாரணை நடத்தி வருகிறார்கள். இந்த சம்பவத்தால் அந்த பகுதியில் பரபரப்பு ஏற்பட்டது.

தொடர்புடைய செய்திகள்

1. அமெரிக்காவில் தீயில் இருந்து குடும்பத்தினர் 7 பேரை காப்பாற்றிய சிறுவன்
அமெரிக்காவில் 5 வயது சிறுவன் தனது குடும்ப உறுப்பினர்களை தீவிபத்தில் இருந்து காப்பாற்றிய சம்பவம் நிகழ்ந்துள்ளது.
2. திருப்பூரில் நள்ளிரவில் சம்பவம்: பனியன் ஏற்றுமதி நிறுவனத்தில் பயங்கர தீ
திருப்பூரில் நள்ளிரவில் பனியன் ஏற்றுமதி நிறுவனத்தில் பயங்கரமாக தீப்பற்றியதில் பல கோடி ரூபாய் பொருட்கள் எரிந்து சேதமடைந்தன.
3. அமெரிக்காவில் படகு வீடுகளில் தீப்பிடித்து 8 பேர் சாவு
அமெரிக்காவில் படகு வீடுகளில் தீப்பிடித்து விபத்தில் சிக்கி 8 பேர் உயிரிழந்தனர்.
4. நல்லம்பள்ளி அருகே கரும்பு தோட்டத்துக்கு தீ வைப்பு மர்ம கும்பலுக்கு வலைவீச்சு
நல்லம்பள்ளி அருகே கரும்பு தோட்டத்துக்கு தீ வைத்த மர்ம கும்பலை போலீசார் வலைவீசி தேடி வருகிறார்கள்.
5. அமெரிக்காவில் அடுக்குமாடி குடியிருப்பில் தீ; 6 பேர் பலி
அமெரிக்காவில் அடுக்குமாடி குடியிருப்பில் ஏற்பட்ட தீ விபத்தில் சிக்கி 6 பேர் பலியாகினர்.