மாவட்ட செய்திகள்

வேளாண் எந்திரங்களுக்கான வாடகை மையங்கள் அமைக்க விவசாயிகளுக்கு 40 சதவீத மானியம் - கலெக்டர் தகவல் + "||" + Establishment of Rental Centers for Agricultural Machinery 40% subsidy for farmers Collector Information

வேளாண் எந்திரங்களுக்கான வாடகை மையங்கள் அமைக்க விவசாயிகளுக்கு 40 சதவீத மானியம் - கலெக்டர் தகவல்

வேளாண் எந்திரங்களுக்கான வாடகை மையங்கள் அமைக்க விவசாயிகளுக்கு 40 சதவீத மானியம் - கலெக்டர் தகவல்
வேளாண் எந்திரங்களுக்கான வாடகை மையங்கள் அமைப்பதற்கு விவசாயிகளுக்கு 40 சதவீத அரசு மானியம் வழங்கப்படுகின்றது என கலெக்டர் வீரராகவராவ் தெரிவித்துள்ளார். ராமநாதபுரம் மாவட்ட கலெக்டர் வீரராகவராவ் வெளியிட்டுள்ள அறிக்கையில் கூறியிருப்பதாவது:-
ராமநாதபுரம், 

தமிழக அரசு விவசாயிகள் நலனுக்காக பல்வேறு நலத்திட்டங்களை செயல்படுத்தி வருகிறது. அந்த வகையில், வேளாண் எந்திரமயமாக்குதல் திட்டத்தின் கீழ் அதிக விலையுள்ள நவீன வேளாண் எந்திரங்களை வாங்க இயலாத விவசாயிகளின் நலன் கருதி, வேளாண் எந்திரங்கள் மற்றும் கருவிகள் வாடகை மையங்கள் அமைக்கும் திட்டத்திற்கு 40 சதவீத மானியம் வழங்கி விவசாயிகளை ஊக்குவித்து வருகிறது.

இத்திட்டத்தின் கீழ் விவசாயிகள் வேளாண்மை பொறியியல் துறையால் அனுமதிக்கப்பட்ட நிறுவனங்களின் எந்திரங்களிலிருந்து தங்களது விருப்பத்திற்கேற்ப தேர்வு செய்து கொள்ளலாம். அவ்வாறு தேர்வு செய்யப்படும் வேளாண் எந்திரங்கள் மற்றும் கருவிகளின் மொத்த தொகையினை சம்பந்தப்பட்ட வேளாண் எந்திரங்கள் மற்றும் கருவிகளின் நிறுவனங்கள் ஒப்புதல் அளித்துள்ள முகவர்களிடம் வரைவோலையாக செலுத்த வேண்டும்.

அவ்வாறு செலுத்திய வரைவோலை நகலினை வேளாண்மை உதவி செயற்பொறியாளர் அலுவலகத்தில் அளித்தவுடன், மாவட்ட செயற்பொறியாளரால் வேளாண் எந்திரங்களுக்கான உரிய வழங்கல் ஆணை வழங்கப்படும். இத்திட்டத்தின் கீழ் ரூ.25 லட்சம் மதிப்பீட்டில் ஒரு வேளாண் வாடகை மையம் அமைத்திட 40 சதவீத மானியம் என்ற அடிப்படையில் ரூ.10 லட்சம் மானியமாக வழங்கப்படும்.

நடப்பு நிதி ஆண்டில் ராமநாதபுரம் மாவட்டத்திற்கு 6 வாடகை மையங்கள் அமைத்திட ரூ.60 லட்சம் மானிய தொகையாக ஒதுக்கீடு செய்யப்பட்டுள்ளது. எனவே, வேளாண் எந்திரங்கள் மற்றும் கருவிகள் வாடகை மையம் அமைக்க விரும்புவோர் உடனடியாக ராமநாதபுரம் மற்றும் பரமக்குடி வருவாய் கோட்டங்களில் உள்ள வேளாண்மை பொறியியல் துறை, உதவி செயற்பொறியாளர் அலுவலகத்தை அணுகலாம். இந்த அவர் தெரிவித்துள்ளார்.

தொடர்புடைய செய்திகள்

1. நெடுஞ்சாலைத்துறை சார்பில் சாலையோரங்களில் நிழல் தரும் மரக்கன்றுகள் நடும் பணி - கலெக்டர் தொடங்கி வைத்தார்
தமிழ்நாடு நெடுஞ்சாலைத்துறை சார்பில் சாலையோரங்களில் நிழல்தரும் மரக்கன்றுகள் நடும் பணியை மாவட்ட கலெக்டர் வீரராகவராவ் தொடங்கி வைத்தார்.
2. கண்டிப்பாக பிளாஸ்டிக் பைகளை பயன்படுத்தாதீர் - கலெக்டர் வீரராகவராவ் வேண்டுகோள்
ராமேசுவரம் வரும் சுற்றுலா பயணிகள் கண்டிப்பாக பிளாஸ்டிக் பைகளை பயன்படுத்தக் கூடாது என்று கடற்கரை தூய்மை செய்யும் நிகழ்ச்சியில் கலெக்டர் வேண்டுகோள் விடுத்தார்.
3. மங்களக்குடி கிராமத்தில் நலத்திட்ட உதவிகள் - கலெக்டர் வழங்கினார்
மங்களக்குடி கிராமத்தில் நடைபெற்ற மக்கள் தொடர்பு திட்ட முகாமில் பயனாளிகளுக்கு ரூ.67 லட்சம் மதிப்பிலான நலத்திட்ட உதவிகளை கலெக்டர் வீரராகவராவ் வழங்கினார்.
4. ஊட்டச்சத்து விழிப்புணர்வு கண்காட்சி - கலெக்டர் வீரராகவராவ் தொடங்கி வைத்தார்
ஊட்டச்சத்தின் அவசியம் குறித்த விழிப்புணர்வு கண்காட்சியை கலெக்டர் வீரராகவ ராவ் தொடங்கி வைத்தார்.
5. ஜெருசலேம் புனித பயணம் செல்வதற்கு விண்ணப்பிக்கலாம் - கலெக்டர் தகவல்
ஜெருசலேம் புனித பயணம் செல்ல விரும்புவோர் விண்ணப்பிக்கலாம் என்று கலெக்டர் தெரிவித்துள்ளார்.

ஆசிரியரின் தேர்வுகள்...