<
பெரும்பாறை அருகே, மரநாயை வேட்டையாடிய 2 பேர் கைது
பெரும்பாறை அருகே மரநாயை வேட்டையாடிய 2 பேரை வனத்துறையினர் கைது செய்தனர்.
பெரும்பாறை,
பெரும்பாறை அருகே பெரியூர் மலைக்கிராமம் உள்ளது. இங்குள்ள ஒரு தோட்டத்தில் மரநாயை வேட்டையாடி சமைப்பதாக கன்னிவாடி வனத்துறையினருக்கு தகவல் கிடைத்தது. அதன்பேரில் கன்னிவாடி வனவர் தண்டபாணி தலைமையில் வனக்காப்பாளர்கள் சங்கர், தமிழரசன் மற்றும் ஊழியர்கள் அந்த தோட்டத்துக்கு விரைந்து சென்றனர்.
அப்போது வனத்துறையினரை கண்டதும் அங்கிருந்த 2 பேர் ஓட்டம் பிடித்தனர். இதையடுத்து வனத்துறையினர் 2 பேரையும் விரட்டி சென்று மடக்கி பிடித்து விசாரணை நடத்தினர்.
விசாரணையில் அவர்கள் பெரியூர் கிராமத்தை சேர்ந்த சேகர் (வயது 29), பரமசிவம் (38) என்பதும், மரநாயை வேட்டையாடி சமையல் செய்து சாப்பிட்டதும் தெரியவந்தது. இதுகுறித்து வழக்குப்பதிவு செய்த வனத்துறையினர் 2 பேரையும் கைது செய்தனர். மேலும் சமையல் செய்ய பயன்படுத்திய பாத்திரம் பறிமுதல் செய்யப்பட்டது.
பின்னர் கைது செய்யப்பட்ட 2 பேரும், ஆத்தூர் கோர்ட்டில் ஆஜர்படுத்தப்பட்டு திண்டுக்கல் சிறையில் அடைக்கப்பட்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
