மாவட்ட செய்திகள்

காமராஜ் நகர் தொகுதியில் 144 தடை உத்தரவு - கலெக்டர் அருண் அறிவிப்பு + "||" + 144 ban on Kamaraj Nagar constituency - Collector Arun notified

காமராஜ் நகர் தொகுதியில் 144 தடை உத்தரவு - கலெக்டர் அருண் அறிவிப்பு

காமராஜ் நகர் தொகுதியில் 144 தடை உத்தரவு - கலெக்டர் அருண் அறிவிப்பு
வாக்குப்பதிவினையொட்டி காமராஜ் நகர் தொகுதியில் 144 தடை உத்தரவினை கலெக்டர் அருண் பிறப்பித்துள்ளார்.
புதுச்சேரி,

புதுவை கலெக்டரும், மாவட்ட தேர்தல் அதிகாரியுமான அருண் வெளியிட்டுள்ள செய்திக்குறிப்பில் கூறியிருப்பதாவது:-

புதுச்சேரி காமராஜ் நகர் சட்டமன்ற தொகுதி இடைத்தேர்தலுக்கான பிரசாரம் வருகிற 19-ந்தேதி மாலை 5 மணியுடன் நிறைவு பெறுகிறது. இதையொட்டி தேர்தல் நன்னடத்தை விதிகள் அமலில் இருந்து வருகின்றன. வாக்காளர்களுக்கு அரசியல் கட்சிகள் பணம், பரிசுகள் கொடுப்பதை தடுப்பது உள்ளிட்ட பல்வேறு நடவடிக்கைகளை தேர்தல் கமிஷன் எடுத்து வருகிறது. மாநில எல்லை பகுதியில் போலீ சாரின் தீவிர சோதனைக்கு பிறகே வாகனங்கள் அனுமதிக்கப்பட்டு வருகின்றன. ரோந்து பணியிலும் போலீசார் ஈடுபட்டு வருகிறார்கள்.


இந்தநிலையில் சட்டம்- ஒழுங்கினை கட்டுக்குள் வைத்திருக்கவும், தேர்தலை அமைதியாக நடத்தவும் மாவட்ட ஆட்சித்துறை நடுவர் மற்றும் மாவட்ட தேர்தல் அதிகாரி காமராஜ் நகர் தொகுதிக்குட்பட்ட பகுதிகளில் வாக்குப்பதிவு முடியும் வரை குற்ற நடைமுறை சட்டம் 1973, பிரிவு 144(2)ன்கீழ் தடை உத்தரவு பிறப்பித் துள்ளார்.

அதன்படி காமராஜ் நகர் சட்டமன்ற தொகுதிக்குட்பட்ட பகுதிகளில் 19-ந்தேதி மாலை 5 மணிமுதல் வாக்குப்பதிவு முடியும் வரை 5 அல்லது அதற்கு மேற்பட்ட நபர்கள் பொது இடங்களில், தெருக்கள் போன்றவற்றில் கூடுவது கூடாது. பேனர்கள், விளம்பர தட்டிகள், பதாகைகள் வைப்பதற்கும் மற்றும் ஏந்தி செல்வதற்கும், கோஷங்கள் எழுப்புவதற்கும், பொது அமைதிக்கு குந்தகம் விளைவிக்கும் செயலை செய்வதற்கும், வாக்குப்பதிவினை பாதிக்கக் கூடிய எந்த செயலையும் செய்வதற்கும் முற்றிலும் தடை விதிக்கப்படுகிறது.

இவ்வாறு அதில் அவர் கூறியுள்ளார்.

தொடர்புடைய செய்திகள்

1. நாமக்கல் மாவட்டத்தில் 144 தடை உத்தரவு நாளை மறுநாள் வரை நீட்டிப்பு
நாமக்கல் மாவட்டத்தில் 144 தடை உத்தரவு நாளை மறுநாள் வரை நீட்டிக்கப்பட்டுள்ளது.
2. ஊரடங்கு, 144 தடை உத்தரவு அமலில் உள்ளது: பெங்களூருவில் மக்கள் வெளியே வர வேண்டாம் - போலீஸ் கமிஷனர் பாஸ்கர்ராவ் பேட்டி
பெங்களூருவில் ஊரடங்கு மற்றும் 144 தடை உத்தரவு அமலில் இருப்பதாகவும், எனவே பொதுமக்கள் வெளியே வர வேண்டாம் என்றும் போலீஸ் கமிஷனர் பாஸ்கர்ராவ் கூறியுள்ளார்.
3. கொரோனா வைரஸ் பரவாமல் தடுக்க 144 தடை உத்தரவு: அத்தியாவசிய பொருட்கள் விற்பனை கடைகள் திறப்பு - இடைவெளி விட்டு வரிசையில் நின்ற மக்கள்
கொரோனா வைரஸ் பரவாமல் தடுக்க 144 தடை உத்தரவு அமல்படுத்தப்பட்டுள்ள நிலையில், தேனியில் அத்தியாவசிய பொருட்கள் விற்பனை கடைகள் திறந்து இருந்தன. மக்கள் இடைவெளிவிட்டு வரிசையில் காத்திருந்து பொருட்கள் வாங்கினர்.
4. செங்கத்தில், தடையை மீறியவர்களை தோப்புக்கரணம் போடவைத்த போலீசார்
கொரோனா வைரஸ் தடுப்பு முன்னெச்சரிக்கை நடவடிக்கையாக அரசு அறிவித்த 144 தடை உத்தரவைமீறி இருசக்கர வாகனங்களில் சுற்றியவர்களை போலீசார் தோப்புக்கரணம் போடவைத்தனர்.
5. கடையநல்லூரில் 144 தடை உத்தரவை மீறி சாலையில் சுற்றிய 10 பேர் கைது
கடையநல்லூரில் 144 தடை உத்தரவை மீறி சாலைகளில் சுற்றிய 10 பேரை போலீசார் கைது செய்தனர்.