காயாமொழியில் பா.ராமச்சந்திர ஆதித்தனார் நினைவு தினம் அனுசரிப்பு - இரா.கண்ணன் ஆதித்தன் மாலை அணிவித்து மரியாதை

திருச்செந்தூர், 

‘மாலை முரசு’ நிர்வாக ஆசிரியர் மறைந்த பா.ராமச்சந்திர ஆதித்தனாரின் 6-ம் ஆண்டு நினைவு தினம் நேற்று அனுசரிக்கப்பட்டது. இதையொட்டி, திருச்செந்தூரை அடுத்த காயாமொழியில் உள்ள பா.ராமச்சந்திர ஆதித்தனாரின் மணிமண்டபத்தில் உள்ள அவரது சிலைக்கு, அவருடைய மகனும், ‘மாலை முரசு’ நிர்வாக இயக்குனருமான இரா.கண்ணன் ஆதித்தன் மாலை அணிவித்து மரியாதை செலுத்தினார். தொடர்ந்து அரசியல் பிரமுகர்கள், தொழில் அதிபர்கள், வியாபாரிகள், பொதுமக்கள் ஏராளமானோர் மாலை அணிவித்து மரியாதை செலுத்தினர். பின்னர் அவரது நினைவிடத்தில் மவுன அஞ்சலி செலுத்தப்பட்டது.

ராமச்சந்திர ஆதித்தனார் திருமண மண்டபத்தில் வைக்கப்பட்டிருந்த அவரது உருவப்படத்துக்கு சிறப்பு பூஜைகள் செய்யப்பட்டது. மேலும், இரா.கண்ணன் ஆதித்தன், அவருடைய தாயார் பங்கஜம் ராமச்சந்திர ஆதித்தன், மனைவி மதுமதி கண்ணன் ஆதித்தன் ஆகியோர் பொதுமக்களுக்கு அன்னதானம் மற்றும் இலவச வேட்டி-சேலைகள் வழங்கினர்.

நிகழ்ச்சியில், பிரேம்வெற்றி, கீதா பிரேம்வெற்றி, குமரன், ராஜே‌‌ஷ் ஆதித்தன், ரெங்கநாத ஆதித்தன், விக்கிரம ஆதித்தன், டாக்டர் சிவந்தி ஆதித்தனார் நற்பணி மன்ற தூத்துக்குடி மாவட்ட தலைவர் எஸ்.ஆர்.சுப்பிரமணிய ஆதித்தன், ஓய்வு பெற்ற கால்நடை துறை உதவி இயக்குனர் டாக்டர் பாலசுப்பிரமணிய ஆதித்தன், காயாமொழி கூட்டுறவு சங்க தலைவர் தங்கேச ஆதித்தன், தையல்பாகு ஆதித்தன், ஜெயக்குமார் ஆதித்தன், குமரேச ஆதித்தன், கே.ஆர்.சுப்பிரமணிய ஆதித்தன், வரதராஜ ஆதித்தன், சுந்திரகுமார் ஆதித்தன், எஸ்.எஸ்.ஆதித்தன், தையல் சுப்பிரமணிய ஆதித்தன், ராமானந்த ஆதித்தன், குமரகுருபர ஆதித்தன், ஜெயேந்திர ஆதித்தன், பாலதண்டாயுதபானி ஆதித்தன், பத்மநாப ஆதித்தன்,

தமிழ் மாநில காங்கிரஸ் செயற்குழு உறுப்பினர் சிவபால், காயாமொழி முன்னாள் பஞ்சாயத்து தலைவர் (பொறுப்பு) அப்பாத்துரை, பா.ஜனதா மாவட்ட மகளிரணி செயலாளர் நெல்லையம்மாள், திருச்செந்தூர் சுப்பிரமணிய சுவாமி கோவில் வியாபாரிகள் சங்க தலைவர் மாணிக்கநாடார், திருச்செந்தூர் ரோட்டரி சங்க தலைவர் கணே‌‌ஷ்குமார், தொழில் அதிபர் நம்பிராஜன், தூத்துக்குடி அனைத்து நாடார் நலச்சங்க தலைவர் மனோகர், செயலாளர் ஏசுவடியான், கண்ணன், நிர்வாகி ராஜசேகர், தி.மு.க. ஒன்றிய துணை செயலாளர் அமிர்தலிங்கம், அகில இந்திய தேசிய நாடார் சங்க பொது செயலாளர் விஜயகுமார், திருச்செந்தூர் தொகுதி தலைவர் வள்ளிவிளை வெங்கடே‌‌ஷ் உள்பட பலர் கலந்து கொண்டனர்.