வானவில்: புதிய லெக்சஸ் ஆர்.எக்ஸ். 450 ஹெச்.எல்.

ர்.எக்ஸ். 450 ஹெச்.எல்.-ல் மூன்று வேரியன்ட்கள் அறிமுகமாகியுள்ளன. இது செல்ப் சார்ஜிங் ஹைபிரிட் மாடல் காராகும். இதன் விலை சுமார் ரூ.99 லட்சம். இது பெட்ரோல் மற்றும் பேட்டரியில் ஓடக் கூடியது. இதில் 3.5 லிட்டர் என்ஜின் உள்ளது. இது பாரத் புகை விதி 6-க்கு ஏற்ப வடிவமைக்கப்பட்டுள்ளது. மூன்று வரிசை இருக்கைகளைக் கொண்டு உள்ளது.

ஆப்பிள் கார் பிளே, ஆண்ட்ராய்டு ஆட்டோ இயங்குதளம், தொடு திரை என பிரீமியம் காருக்குரிய தொழில்நுட்பங்கள் இதிலும் இடம்பெற்றுள்ளன. பாதுகாப்பு விஷயத்தில் கூடுதல் கவனம் அளிக்கப்பட்டு 10 ஏர் பேக்குகளை வைத்துள்ளது இந்நிறுவனம். ஏ.பி.எஸ்., இ.பி.டி., பிரேக் அசிஸ்ட், இ.எஸ்.சி., டிராக்‌ஷன் கண்ட்ரோல், ஹில் ஸ்டார்ட், அசிஸ்ட் ஆக்டிவ் கார்னரிங் அசிஸ்ட், முன்புற, பின்புற பார்க்கிங் சென்சார், ரியர் கேமரா உள்ளிட்ட பல வசதிகள் இதில் உள்ளன.

பிரீமியம் மாடலில் வந்துள்ள ஹைபிரிட் எஸ்.யு.வி.க்கு வசதி படைத்தவர்கள் மத்தியில் பெரும் வரவேற்பு இருக்கும் என்பது நிச்சயம். ஆடி கியூ 7 (ரூ.73.82 லட்சம் முதல் ரூ.85.28 லட்சம் வரை) பி.எம்.டபிள்யூ. எக்ஸ் 5 ( ரூ.72.90 லட்சம் முதல் ரூ.82.40 லட்சம் வரை) மெர்சிடஸ் ஜி.எல்.இ. (ரூ.67.15 லட்சம் முதல் ரூ.78.18 லட்சம் வரை) உள்ளிட்ட பிரீமியம் கார்களுக்குப் போட்டியாக இது களமிறங்கி உள்ளது.