ஆபத்தான ஆழ்துளை கிணறுகளை மூடுவது எப்போது? பொதுமக்கள் எதிர்பார்ப்பு

திருப்பரங்குன்றம்,

திருச்சி மாவட்டம் மணப்பாறை அருகே நடுக்காட்டுபட்டியில் திறந்த நிலையில் இருந்த ஆழ்துளை கிணற்றில் சுஜித் வில்சன் என்ற 2 வயது குழந்தை தவறிவிழுந்து இறந்துபோனது. இந்த துயர சம்பவம் பெரும் அதிர்வலையை ஏற்படுத்தியுள்ளது. இந்தநிலையில் திருப்பரங்குன்றம் பகுதியில் பல்வேறு இடங்களில் அரசு இடங்களிலும், தனியார் இடங்களிலும் மூடப்படாமல் ஆழ்துளை கிணறுகள் ஆபத்தான நிலையில் உள்ளன.

எனவே திறந்தவெளியில் உள்ள ஆழ்துளை கிணறுகள் யாவும் போர்க்கால அடிப்படையில் மூட வேண்டும் பொதுமக்கள் கோரிக்கை விடுத்துள்ளனர். மேலும் அதற்கான நடவடிக்கையை அதிகாரிகள் எடுப்பார்கள் என்று எதிர்பார்த்து உள்ளனர். ஆனால் அதிகாரிகள் கண்டுகொள்வதாக தெரியவில்லை.


இதுபோன்ற பயன்படாத, மூடப்படாமல் உள்ள ஆழ்துளை கிணறுகள், சிறுவர்–சிறுமிகளுக்கு ஆபத்தை ஏற்படுத்தும் வகையில் உள்ளன. எனவே இதுபோன்று ஆபத்தான நிலையில் உள்ள ஆழ்துளை கிணறுகளை கண்டறிந்து அவற்றை மூட சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என்று பொதுமக்கள் எதிர்பார்த்து உள்ளனர்.