மாவட்ட செய்திகள்

திருவாரூரில் கன மழை பொதுமக்களின் இயல்பு வாழ்க்கை பாதிப்பு + "||" + Heavy rain in Thiruvarur The impact of normal life

திருவாரூரில் கன மழை பொதுமக்களின் இயல்பு வாழ்க்கை பாதிப்பு

திருவாரூரில் கன மழை பொதுமக்களின் இயல்பு வாழ்க்கை பாதிப்பு
திருவாரூரில் கனமழை பெய்ததால் பொதுமக்களின் இயல்பு வாழ்க்கை பாதிக்கப்பட்டது.
திருவாரூர்,

வங்கக்கடலில் ஏற்பட்டுள்ள குறைந்த காற்றழுத்த தாழ்வு நிலை காரணமாக தமிழகத்தில் 2 நாட்கள் மழை பெய்யும் என வானிலை ஆய்வு மையம் அறிவித்து இருந்தது. அதன்படி திருவாரூரில் நேற்று முன்தினம் இரவு தொடங்கிய கனமழை விட்டு, விட்டு பெய்து வருகிறது. சாலைகளில் மழைநீர் குளம்போல் தேங்கி நின்றது. இதனால் சாலைகள் பழுதடைந்து குண்டும், குழியுமாக காட்சியளித்தது. மழையினால் அனைத்து பணிகளும் தேக்கம் அடைந்ததால் பொதுமக்களின் இயல்பு வாழ்க்கை பாதிக்கப்பட்டது.


நீடாமங்கலம்

இதேபோல நீடாமங்கலம் பகுதியில் கடந்த சில நாட்களாக பலத்த மழை பெய்து வருகிறது. நீடாமங்கலம் பகுதியில் நேற்று கன மழை பெய்தது. தாழ்வான பகுதிகளில் மழைநீர் தேங்கி நின்றது. மேலும் சாலைகளில் மழைநீர் வெள்ளம் போல் ஓடியது. குருப்பெயர்ச்சிக்காக ஆலங்குடிக்கு வந்திருந்த பக்தர்கள் சிரமப்பட்டனர்.

கூத்தாநல்லூர், லெட்சுமாங்குடி, வடபாதிமங்கலம், புள்ளமங்கலம், அரிச்சந்திரபுரம், வேளுக்குடி, சித்தனங்குடி, பாரதிமூலங்குடி, பூந்தாழங்குடி, கார்நாதன்கோவில், மரக்கடை, பொதக்குடி, வக்ராநல்லூர், பாண்டுகுடி, திருராமேஸ்வரம் மற்றும் அதனை சுற்றியுள்ள பகுதிகளில் நேற்று அதிகாலை முதல் மழை பெய்தது. இதனால் பள்ளி, கல்லூரி மாணவ-மாணவிகள் நனைந்து கொண்டே வீடு திரும்பினர்.

மழை அளவு

நேற்று முன்தினம் காலை 8 மணியுடன் முடிவடைந்த 24 மணி நேரத்தில் பெய்த மழை அளவு விவரம் மில்லி மீட்டரில் வருமாறு:- திருவாரூர்-71, வலங்கைமான்-58, குடவாசல்-46, நன்னிலம்-43, மன்னார்குடி-39, நீடாமங்கலம் -27, பாண்டவையாறு தலைப்பு-18, முத்துப்பேட்டை-10, திருத்துறைப்பூண்டி-6 என மாவட்டம் முழுவதும் சராசரியாக 35 மில்லி மீட்டர் மழை அளவு பதிவாகியுள்ளது.

தொடர்புடைய செய்திகள்

1. வெண்ணந்தூரில் குறுகிய சாலையால் போக்குவரத்து பாதிப்பு சரி செய்ய பொதுமக்கள் கோரிக்கை
வெண்ணந்தூரில் குறுகிய சாலையால் அடிக்கடி போக்குவரத்து பாதிப்பு ஏற்படுகிறது. இதை சரி செய்ய வேண்டும் என பொதுமக்கள் கோரிக்கை விடுத்து வருகின்றனர்.
2. கனமழையால் மக்களின் இயல்பு வாழ்க்கை பாதிப்பு தாழ்வான பகுதிகளில் தண்ணீ்ர் தேங்கியது
புதுவை நகரம் மற்றும் மாநிலத்தின் பல்வேறு பகுதிகளில் கொட்டிய கன மழையால் மக்களின் இயல்பு வாழ்க்கை பாதிக்கப்பட்டது. தாழ்வான பகுதிகளில் மழை நீர் புகுந்து தேங்கியது..
3. அரசியல் அமைப்பு சட்டத்துக்கு பாதிப்பு ஏற்பட்டால் முதலில் குரல் கொடுப்பது தி.மு.க. தான் - தயாநிதிமாறன் பேட்டி
அரசியல் அமைப்பு சட்டத்துக்கு பாதிப்பு ஏற்பட்டால் முதலில் குரல் கொடுப்பது தி.மு.க. தான் என்று தயாநிதிமாறன் தெரிவித்தார்.
4. இறந்தவர் உடலை எடுத்து செல்வது தொடர்பான பிரச்சினை: பொதுமக்கள் சாலை மறியல் போக்குவரத்து பாதிப்பு
இறந்தவர் உடலை எடுத்து செல்வது தொடர்பான பிரச்சினை காரணமாக இடையபட்டியில் பொதுமக்கள் சாலை மறியலில் ஈடுபட்டனர். இதனால், அப்பகுதியில் 3 மணி நேரம் போக்குவரத்து பாதிக்கப்பட்டது.
5. பள்ளிப்பட்டு அருகே சாலையில் வேருடன் சரிந்து விழுந்த ஆலமரம் 5 மணி நேரம் போக்குவரத்து பாதிப்பு
பள்ளிப்பட்டு அருகே சாலையில் வேருடன் ஆலமரம் சரிந்து விழுந்தது. இதனால் அந்த வழித்தடத்தில் 5 மணி நேரம் போக்குவரத்து பாதிக்கப்பட்டது.