மாவட்ட செய்திகள்

சுசீந்திரம் கோவிலில் பெண்ணிடம் சங்கிலி பறிப்பு மர்ம ஆசாமிக்கு வலைவீச்சு + "||" + Mystery Asami sworn to woman at Susindram temple

சுசீந்திரம் கோவிலில் பெண்ணிடம் சங்கிலி பறிப்பு மர்ம ஆசாமிக்கு வலைவீச்சு

சுசீந்திரம் கோவிலில் பெண்ணிடம் சங்கிலி பறிப்பு மர்ம ஆசாமிக்கு வலைவீச்சு
சுசீந்திரம் கோவிலில் சாமி தரிசனம் செய்த பெண்ணிடம் சங்கிலியை பறித்து சென்ற மர்ம ஆசாமியை போலீசார் வலைவீசி தேடி வருகிறார்கள்.
மேலகிருஷ்ணன்புதூர்,

சிவகாசி அண்ணா காலனியை சேர்ந்தவர் சுந்தரமோகன். இவருடைய மனைவி பேச்சிபானு(வயது 48). இவர், தீபாவளி பண்டிகையை கொண்டாட நாகர்கோவில் அருகே இடலாக்குடியில் உள்ள உறவினர் வீட்டுக்கு வந்தார்.

நேற்று முன்தினம் அவர் குடும்பத்துடன் சுசீந்திரம் தாணுமாலயசாமி கோவிலில் சாமி தரிசனம் செய்ய சென்றார். அப்போது, கோவிலில் சிறப்பு பூஜை நடைபெற்று கொண்டிருந்ததால் பக்தர்கள் கூட்டம் அலைமோதியது. கூட்டத்தோடு கூட்டமாக நின்று பேச்சிபானு சாமி தரிசனம் செய்தார்.


 சங்கிலி பறிப்பு

பின்னர், அவர் கோவிலை விட்டு வெளியே வந்தார். அப்போது, தனது கழுத்தில் அணிந்திருந்த 3½ பவுன் சங்கிலி மாயமாகி இருப்பதை கண்டு அதிர்ச்சி அடைந்தார். உடனே, கோவிலில் சென்று தேடி பார்த்தார். ஆனால் கிடைக்கவில்லை. கூட்ட நெரிசலை பயன்படுத்தி மர்ம ஆசாமி யாரோ தங்க சங்கிலியை பறித்து சென்றது தெரியவந்தது.

 இதுகுறித்து பேச்சிபானு சுசீந்திரம் போலீசில் புகார் செய்தார். அதன்பேரில் சப்–இன்ஸ்பெக்டர் ரவிச்சந்திரன் சம்பவ இடத்துக்கு விரைந்து சென்று விசாரணை நடத்தினார். மேலும், கோவிலில் பொருத்தப்பட்டுள்ள கண்காணிப்பு கேமராவில் பதிவாகி உள்ள காட்சிகளையும் ஆய்வு செய்தனர். இதுகுறித்து போலீசார் வழக்குப்பதிவு செய்து சங்கிலி பறிப்பில் ஈடுபட்ட மர்ம ஆசாமியை வலைவீசி தேடி வருகிறார்கள்.


தொடர்புடைய செய்திகள்

1. நெய்வேலியை சேர்ந்த வழிப்பறி திருடர்கள் மீது குண்டர் சட்டம் பாய்ந்தது
நெய்வேலியை சேர்ந்த வழிப்பறி திருடர்கள் மீது குண்டர் சட்டம் பாய்ந்தது.
2. காதல் ஜோடியிடம் பணம் பறித்த 2 புதுவை போலீஸ்காரர்கள் பணிநீக்கம்
புதுவையில் காதல் ஜோடியிடம் பணம் பறித்த 2 போலீஸ்காரர்கள் பணிநீக்கம் செய்யப்பட்டனர்.
3. மோட்டார் சைக்கிளில் தந்தையுடன் சென்ற மாணவியிடம் 3½ பவுன் நகை பறிப்பு
மோட்டார்சைக்கிளில் தந்தையுடன் சென்ற மாணவியிடம் 3½ பவுன் நகை பறித்து சென்ற மர்ம நபரை போலீசார் தேடி வருகிறார்கள்.
4. மொபட்டில் சென்ற பெண்ணிடம் 7 பவுன் தாலி சங்கிலி பறிப்பு மர்மநபர்களுக்கு போலீசார் வலைவீச்சு
பெரம்பலூரில் பட்டப்பகலில் மொபட்டில் சென்ற பெண்ணை கீழே தள்ளி விட்டு 7 பவுன் தாலி சங்கிலியை பறித்து சென்ற மர்மநபர்களை போலீசார் வலைவீசி தேடி வருகின்றனர்.
5. குமரி மாவட்டத்தில் தொடர் கைவரிசை: பெண்களிடம் தங்க சங்கிலி பறித்த வாலிபர் கைது 50 பவுன் நகைகள் மீட்பு
குமரி மாவட்டத்தில் பெண்களிடம் தங்க சங்கிலியை பறித்த வாலிபரை போலீசார் கைது செய்தனர். அவரிடம் இருந்து 50 பவுன் நகைகள் மீட்கப்பட்டது.