மாவட்ட செய்திகள்

தூத்துக்குடியில் மழை வெள்ளம் பாதித்த பகுதிகளில் கனிமொழி எம்.பி. ஆய்வு + "||" + Tuticorin In areas affected by rain flooding MP Kanimozhi Inspection

தூத்துக்குடியில் மழை வெள்ளம் பாதித்த பகுதிகளில் கனிமொழி எம்.பி. ஆய்வு

தூத்துக்குடியில் மழை வெள்ளம் பாதித்த பகுதிகளில் கனிமொழி எம்.பி. ஆய்வு
தூத்துக்குடியில் மழை வெள்ளம் பாதித்த பகுதிகளில் கனிமொழி எம்.பி. நேற்று ஆய்வு செய்தார்.
தூத்துக்குடி, 

தூத்துக்குடி மாவட்டத்தில் பெய்த மழை காரணமாக பல இடங்களில் மழைநீர் ஆறாக ஓடிக் கொண்டு இருக்கிறது. தூத்துக்குடி மாநகராட்சிக்கு உட்பட்ட பல இடங்களிலும் தண்ணீர் தேங்கி உள்ளது. இதனை 2-வது நாளாக கனிமொழி எம்.பி நேற்று ஆய்வு செய்தார். அவர் மீளவிட்டான் ரோடு பகுதியில் வாய்க்காலில் உள்ள அடைப்புகளை அகற்றும் பணிகளை பார்வையிட்டார். தொடர்ந்து வி.எம்.எஸ்.நகர், சின்னகண்ணுபுரம் பகுதியில் வீடுகளை மழைநீர் சூழ்ந்து இருப்பதை பார்வையிட்டார். மழைநீரில் நடந்து சென்று பொதுமக்களிடம் குறைகளை கேட்டறிந்தார். தொடர்ந்து மழைநீரை அகற்றுவதற்கான நடவடிக்கையை மேற்கொள்ள அதிகாரிகளை அறிவுறுத்தினார்.

ஆய்வின் போது, தூத்துக்குடி வடக்கு மாவட்ட தி.மு.க. பொறுப்பாளர் கீதாஜீவன் எம்.எல்.ஏ, பொதுக்குழு உறுப்பினர் ஜெகன் மற்றும் நிர்வாகிகள் உடன் இருந்தனர்.

முன்னதாக கனிமொழி எம்.பி தருவைகுளத்தில் நிருபர்களிடம் கூறியதாவது:-

புயல் எச்சரிக்கைக்கு முன்பு மீன்பிடிக்க 4 விசைப்படகுகளில் சென்ற மீனவர்கள் நிலை குறித்து சரியான தகவல் கிடைக்கவில்லை என்றும், அவர்களை மீட்க நடவடிக்கை எடுக்க வேண்டும் என்று மீனவர்கள் கோரிக்கை விடுத்தனர். அதன்பேரில், மாவட்ட கலெக்டர் மற்றும் மத்திய உள்துறை அமைச்சக அதிகாரிகளிடமும் பேசினேன். தற்போது 3 படகுகளில் உள்ள மீனவர்கள் கண்டுபிடிக்கப்பட்டு உள்ளனர். மற்றொரு படகில் உள்ள மீனவர்களை தேடும் பணியில் அதிகாரிகள் ஈடுபட்டு உள்ளனர். அவர்களையும் பத்திரமாக மீட்க நடவடிக்கை எடுக்கப்பட்டு வருகிறது என்று கூறினார்.

தொடர்புடைய செய்திகள்

1. இலங்கை தமிழர்களுக்கு இரட்டை குடியுரிமை: “தமிழகத்தில் மக்களை ஏமாற்றும் ஆட்சி நடக்கிறது” - கனிமொழி எம்.பி. கடும் தாக்கு
“இலங்கை தமிழர்களுக்கு இரட்டை குடியுரிமை பெற்றுத்தருவதாக கூறி மக்களை ஏமாற்றும் ஆட்சி தமிழகத்தில் நடந்து கொண்டு இருக்கிறது“ என்று கனிமொழி எம்.பி. கடுமையாக தாக்கி பேசினார்.
2. ஓட்டப்பிடாரம் அருகே, ரூ.30 லட்சம் செலவில் சமுதாய நலக்கூடம் - கனிமொழி எம்.பி. அடிக்கல் நாட்டினார்
ஓட்டப்பிடாரம் அருகே ரூ.30 லட்சம் செலவில் சமுதாய நலக்கூடம் அமைப்பதற்கு கனிமொழி எம்.பி. அடிக்கல் நாட்டினார்.
3. “தி.மு.க. ஆட்சிக்கு வரும்போது அனைத்து கோரிக்கைகளும் நிறைவேற்றப்படும்” - கனிமொழி எம்.பி. பேச்சு
ஆத்தூர் அருகே நடந்த கிராம சபை கூட்டத்தில் பங்கேற்ற கனிமொழி எம்.பி., தி.மு.க. ஆட்சிக்கு வரும்போது அனைத்து கோரிக்கைகளும் நிறைவேற்றப்படும் என்று கூறினார்.
4. ஹைட்ரோ கார்பன் திட்டத்தை செயல்படுத்துவது தமிழகத்துக்கு எதிரான நடவடிக்கை - கனிமொழி எம்.பி. பேட்டி
“ஹைட்ரோ கார்பன் திட்டத்தை செயல்படுத்துவது தமிழகத்துக்கு எதிரான நடவடிக்கை“ என்று கனிமொழி எம்.பி கூறினார்.
5. மீனவர்களின் பிரச்சினைகளுக்கு நாடாளுமன்றத்தில் குரல் கொடுப்பேன் - கனிமொழி எம்.பி. பேச்சு
மீனவர்களின் பிரச்சினைகளுக்கு நாடாளுமன்றத்தில் குரல் கொடுப்பேன் என்று கனிமொழி எம்.பி. பேசினார்.