மாவட்ட செய்திகள்

கனகபுரா மருத்துவ கல்லூரியை இடம் மாற்றுவதன் மூலம் எடியூரப்பா பழிவாங்கும் அரசியலில் ஈடுபடுகிறார் டி.கே.சிவக்குமார் குற்றச்சாட்டு + "||" + Yeddyurappa Engages in revenge politics DK Sivakumar charged

கனகபுரா மருத்துவ கல்லூரியை இடம் மாற்றுவதன் மூலம் எடியூரப்பா பழிவாங்கும் அரசியலில் ஈடுபடுகிறார் டி.கே.சிவக்குமார் குற்றச்சாட்டு

கனகபுரா மருத்துவ கல்லூரியை இடம் மாற்றுவதன் மூலம் எடியூரப்பா பழிவாங்கும் அரசியலில் ஈடுபடுகிறார் டி.கே.சிவக்குமார் குற்றச்சாட்டு
கனகபுரா மருத்துவ கல்லூரியை இடம் மாற்றுவதன் மூலம் முதல்-மந்திரி பழிவாங்கும் அரசியலில் ஈடுபடுவதாக டி.கே.சிவக்குமார் குற்றம்சாட்டினார்.
பெங்களூரு,

கர்நாடக காங்கிரஸ் சார்பில் பெங்களூருவில் உள்ள அக்கட்சியின் அலுவலகத்தில் இந்திரா காந்தி நினைவு நாள் நேற்று அனுசரிக்கப்பட்டது. அதுபோல் சர்தார் வல்லபாய் பட்டேலின் பிறந்தநாளும் கொண்டாடப்பட்டது. இதில் மாநில தலைவர் தினேஷ் குண்டுராவ், அக்கட்சியின் மூத்த தலைவர் டி.கே.சிவக்குமார் ஆகியோர் கலந்துகொண்டு அலங்கரித்துவைக்கப்பட்டிருந்த இந்திராகாந்தி மற்றும் சர்தார் வல்லபாய் பட்டேலின் உருவப்படங்களுக்கு மலர் தூவி மரியாதை செய்தனர்.


இதில் டி.கே.சிவக்குமார் கலந்து கொண்டு பேசியதாவது:-

கனகபுராவில் அரசு மருத்துவ கல்லூரியை தொடங்குவது எனது வாழ்நாள் குறிக்கோள். ஒருவேளை இதற்கு மாநில அரசு அரசியல் ரீதியாக குறுக்கீடு செய்தால் அதை சகித்துக்கொண்டு நான் அமைதியாக இருக்க மாட்டேன். குமாரசாமி முதல்-மந்திரியாக இருந்தபோது கடந்த பிப்ரவரி மாதம் பட்ஜெட் தாக்கல் செய்யப்பட்டது. அதில் கனகபுராவில் மருத்துவ கல்லூரி தொடங்கப்படும் என்று அறிவிக்கப்பட்டது.

ஆனால் தற்போது முதல்-மந்திரியாக உள்ள எடியூரப்பா, கனகபுராவுக்கு ஒதுக்கப்பட்ட மருத்துவ கல்லூரியை சிக்பள்ளாப்பூருக்கு மாற்றி உத்தரவிட்டுள்ளார். கட்சியில் புதிதாக சேர்ந்தவருக்கு பரிசு அளிக்கும் விதத்தில் மருத்துவ கல்லூரியை இடம் மாற்றுவது என்பது சரியல்ல. இதன் மூலம் எடியூரப்பா பழிவாங்கும் அரசியலில் ஈடுபடுகிறார்.

யாருக்கும் ஆட்சி அதிகாரம் நிரந்தரமல்ல. அதனால் கனகபுராவுக்கு ஒதுக்கப்பட்ட மருத்துவ கல்லூரியை மீண்டும் அங்கேயே தொடங்க மாநில அரசு நடவடிக்கை எடுக்க வேண்டும். சிக்பள்ளாப்பூருக்கு மேலும் ஒரு புதிய மருத்துவ கல்லூரியை தொடங்கட்டும். அதற்கு எங்களின் ஆட்சேபனை இல்லை.

காங்கிரஸ் கட்சியை யாராலும் அழிக்க முடியாது. அவ்வளவு பெரிய வரலாறு காங்கிரசுக்கு உள்ளது. கட்சியில் சில கருத்து வேறுபாடுகள் இருக்கலாம். கட்சியில் தலைவர்கள் அனைவரும் ஒற்றுமையாக செயல்பட வேண்டியது அவசியம். அனைத்து வர்க்கத்தினரையும் சமமாக அரவணைத்து சென்றால், காங்கிரஸ் மீண்டும் ஆட்சியை பிடிக்கும். நிர்வாகிகள், தொண்டர்கள் தீவிரமாக பணியாற்ற வேண்டும். காங்கிரஸ் ஆட்சிக்கு வந்தால், அனைத்து சாதியினரும் ஆட்சிக்கு வந்தது போல் ஆகும். இவ்வாறு டி.கே.சிவக் குமார் பேசினார்.

தொடர்புடைய செய்திகள்

1. மத்திய அரசின் நிதிநிலை அறிக்கை தாக்கல்: ஏழை மக்கள், விவசாயிகள் நலனுக்கான பட்ஜெட்; முதல்-மந்திரி எடியூரப்பா வரவேற்பு
மத்திய அரசின் நிதிநிலை அறிக்கை குறித்து கருத்து தெரிவித்துள்ள முதல்-மந்திரி எடியூரப்பா, ஏழை மக்கள், விவசாயிகள் நலனுக்கான பட்ஜெட் என்று கூறியுள்ளார்.
2. 3 நாளில் கர்நாடக மந்திரிசபை விஸ்தரிப்பு; முதல்-மந்திரி எடியூரப்பா அறிவிப்பு
பா.ஜனதா மேலிடம் ஒப்புதல் வழங்கியுள்ளதால் 3 நாளில் கர்நாடக மந்திரிசபை விஸ்தரிப்பு நடைபெறும் என்று முதல்-மந்திரி எடியூரப்பா அறிவித்தார்.
3. மந்திரிசபை விரிவாக்கம் குறித்து மேலிட தலைவர்களுடன் ஆலோசிக்க எடியூரப்பா டெல்லி சென்றார்
மந்திரிசபை விரிவாக்கம் தொடர்பாக மேலிட தலைவர்களுடன் ஆலோசிக்க முதல்-மந்திரி எடியூரப்பா டெல்லி புறப்பட்டு சென்றார்.
4. 5 மந்திரிகளிடம் பதவியை பறிக்க முடிவு; புதியவர்களுக்கு வாய்ப்பு கொடுக்க எடியூரப்பா திட்டம்
கர்நாடகத்தில் மந்திரிசபை விரிவாக்கத்தின் போது 5 மந்திரிகளிடம் பதவியை பறிக்கவும், புதியவர்களுக்கு வாய்ப்பு கொடுக்கவும் முதல்-மந்திரி எடியூரப்பா முடிவு செய்திருப்பதாக தகவல் வெளியாகி உள்ளது.
5. கா்நாடக மந்திரிசபை விரிவாக்கம்; மேலிடதலைவர்களை சந்திக்க எடியூரப்பா இன்று டெல்லி பயணம் - இழுபறிநிலை முடிவுக்கு வருமா?
கர்நாடக மந்திரிசபை விரிவாக்கம் குறித்து கட்சி மேலிட தலைவர்களை சந்தித்து பேச முதல்-மந்திரி எடியூரப்பா இன்று (வியாழக்கிழமை) டெல்லி செல்கிறார். இதனால் மந்திரிசபையை விரிவாக்கம் செய்வதில் நீடித்து வரும் இழுபறிநிலை முடிவுக்கு வருமா? என்ற எதிர்பார்ப்பு எழுந்துள்ளது.