மாவட்ட செய்திகள்

பாரதீய ஜனதா - சிவசேனாவின் நாடகத்துக்கு துணை போய் விடக்கூடாது காங்கிரஸ் தலைவர்களுக்கு சஞ்சய் நிருபம் எச்சரிக்கை + "||" + For the drama of Bharatiya Janata - Shiv Sena The vice should not go away For Congress leaders Sanjay Nirupum Warning

பாரதீய ஜனதா - சிவசேனாவின் நாடகத்துக்கு துணை போய் விடக்கூடாது காங்கிரஸ் தலைவர்களுக்கு சஞ்சய் நிருபம் எச்சரிக்கை

பாரதீய ஜனதா - சிவசேனாவின் நாடகத்துக்கு துணை போய் விடக்கூடாது காங்கிரஸ் தலைவர்களுக்கு சஞ்சய் நிருபம் எச்சரிக்கை
பாரதீய ஜனதா- சிவசேனா இடையேயான மோதல் ஆட்சி அதிகாரத்தில் அதிக பங்கு பெற நடத்தப்படும் நாடகம் என்பதால் அதற்கு துணை போய் விடக்கூடாது என காங்கிரஸ் தலைவர்களுக்கு சஞ்சய் நிருபம் எச்சரிக்கை விடுத்து உள்ளார்.
மும்பை,

சிவசேனா ஆட்சி அதிகாரத்தில் சரிபங்கு கேட்பதால் பாரதீய ஜனதா - சிவசேனா கூட்டணி அரசு அமைவதில் இழுபறி நீடித்து வருகிறது. இதில் சிவசேனா ஆட்சி அமைக்க காங்கிரஸ், தேசியவாத காங்கிரசிடம் ஆதரவு கேட்க வாய்ப்பு இருப்பதாக கூறப்படுகிறது.


இந்தநிலையில் காங்கிரஸ் மாநில தலைவர் பாலாசாகேப் தோரட், முன்னாள் முதல்-மந்திரிகள் அசோக் சவான், பிரதிவிராஜ் சவான் ஆகியோர் தேசியவாத காங்கிரஸ் தலைவர் சரத்பவாரை நேற்று முன்தினம் இரவு சந்தித்து பேசினர்.

அதன்பிறகு அவர்கள் கட்சி தலைமையிடம் பேச டெல்லி புறப்பட்டு சென்றனர். சிவசேனாவுக்கு ஆதரவு அளிப்பது குறித்து தான் அவர்கள் சரத்பவாரிடம் பேசிவிட்டு, கட்சி தலைமையை சந்திக்க டெல்லி சென்றதாக கூறப்படுகிறது.

இந்தநிலையில், மாநில காங்கிரஸ் தலைவர்களை எச்சரிக்கும் வகையில் மும்பை முன்னாள் காங்கிரஸ் தலைவர் சஞ்சய் நிருபம் டுவிட்டரில் பதிவிட்டு உள்ளார். அதில் அவா் கூறியிருப்பதாவது:-

பாரதீய ஜனதா - சிவசேனா மோதல் நாடகத்தில் காங்கிரஸ் துணை போய் விடக்கூடாது. இந்த நாடகம் போலியானது. ஆட்சி அதிகாரத்தில் அதிக பங்கினை பெற நடத்தப்படும் தற்காலிக சண்டை. அவர்கள் (பாரதீய ஜனதா - சிவசேனா) மீண்டும் சேர்ந்து நம்மை அவதூறாக பேசுவார்கள். சிவசேனாவுக்கு ஆதரவு அளிப்பது குறித்து எப்படி சில காங்கிரஸ் தலைவர்கள் யோசிக்கலாம்?. நாம் தோற்றுவிட்டோமா?. இவ்வாறு அவர் கூறியுள்ளார்.

இதுதவிர சிவசேனா பாரதீய ஜனதாவின் நிழலை விட்டு வெளியே வராது. எனவே சிவசேனாவுடன் கொஞ்ச வேண்டியதில்லை. இது பயனற்று போகும். காங்கிரஸ் மாநில தலைவர்கள் இந்த உண்மையை உணர்ந்து கொள்வார்கள் என நம்புகிறேன் எனவும் 2 நாட்களுக்கு முன் சஞ்சய் நிருபம் டுவிட்டரில் பதிவிட்டுள்ளது குறிப்பிடத்தக்கது.

தொடர்புடைய செய்திகள்

1. பா.ஜனதா அதிருப்தி எம்.எல்.ஏ.க்கள் ரகசிய கூட்டம் ; கர்நாடக அரசியலில் பரபரப்பு
மந்திரி பதவி கிடைக்காததால் அதிருப்தி அடைந்த பா.ஜனதா எம்.எல்.ஏ.க்கள் 10-க்கும் மேற்பட்டோர் பெங்களூருவில் மந்திரி ஜெகதீஷ் ஷெட்டர் வீட்டில் ரகசிய கூட்டத்தை நடத்தினர்.
2. பா.ஜனதாவும், காங்கிரசும் ஒரே நாணயத்தின் இரு பக்கங்கள்; மாயாவதி சொல்கிறார்
பகுஜன் சமாஜ் கட்சி தலைவர் மாயாவதி உத்தரபிரதேச மாநிலம் லக்னோவில் தனது 64–வது பிறந்தநாள் விழாவை கொண்டாடினார். அப்போது அவர் நிருபர்களிடம் கூறியதாவது:–
3. காங்கிரசுடன் கரம் கோர்த்த காவி: அரசியலில் புதிய சகாப்தம்
அரசியலில் நிரந்தர நண்பனும் இல்லை, நிரந்தர எதிரியும் இல்லை எனும் கூற்று, மராட்டிய அரசியல் களத்தில் வலுவாக நிரூபிக்கப்பட்டு உள்ளது.
4. உண்மை வெற்றி பெற்றுள்ளது: ரபேல் வழக்கில் உச்ச நீதிமன்ற தீர்ப்பு குறித்து பாஜக கருத்து
ரபேல் வழக்கில் முறைகேடு நடைபெறவில்லை என்ற தீர்ப்புக்கு எதிராக தாக்கல் செய்யப்பட்ட மறுசீராய்வு மனுக்களை உச்ச நீதிமன்றம் தள்ளுபடி செய்தது.
5. இந்திய பசுவின் பால் ஏன் மஞ்சளாக உள்ளது, அதில் தங்கம் இருக்கு! கண்டுபிடித்த பாஜக தலைவர்
இந்திய பசுவின் பால் ஏன் மஞ்சளாக உள்ளது தெரியுமா? அதில் தங்கம் இருக்கு என்று மேற்கு வங்காள பாஜக தலைவர் கூறி உள்ளார்.