மாவட்ட செய்திகள்

போக்குவரத்து சிக்னல்களில், வாகனங்களை ஒழுங்குபடுத்த பிளாஸ்டிக் தடுப்பான்கள் + "||" + In traffic signals, To regulate vehicles Plastic inhibitors

போக்குவரத்து சிக்னல்களில், வாகனங்களை ஒழுங்குபடுத்த பிளாஸ்டிக் தடுப்பான்கள்

போக்குவரத்து சிக்னல்களில், வாகனங்களை ஒழுங்குபடுத்த பிளாஸ்டிக் தடுப்பான்கள்
கோவையில் சிக்னல்களில் திரும்பும் வாகனங்களை ஒழுங்குபடுத்த பிளாஸ்டிக் தடுப்பான்கள் வைக்கப்பட்டுள்ளன.
கோவை,

கோவையில் உள்ள சிக்னலில் இருந்து வலது புறம் திரும்பும் வாகனங்களுக்கு ஒரு பாதையும், நேராக செல்லும் வாகனங்களுக்கு ஒரு பாதையும், இடது புறம் திரும்பும் வாகனங்களுக்கு இடது புறத்தில் ஒரு பாதையும் அமைக்கப்பட்டுள்ளன. அதை குறிக்கும் வகையில் சிக்னல் அருகே சாலையில் 3 கோடுகள் (லேன்) வரையப்பட்டு உள்ளன. எனவே எங்கு செல்ல வேண்டுமோ அதற்குரிய பாதைக்குள் (கோட்டுக்குள்) நிறுத்தி வாகனங்களை முன்னோக்கி செலுத்த வேண்டும்.

ஆனால் கோவையில் உள்ள பெரும்பாலான சிக்னல்களில் வலதுபுறம் செல்ல வேண்டிய வாகனங்கள் இடதுபுறமும், இடதுபுறம் செல்ல வேண்டிய வாகனங்கள் வலதுபுறமும் நிற்கின்றன. சிக்னலில் பச்சை விளக்கு எரிந்ததும் அந்த வாகனங்கள் குறுக்கும், நெடுக்குமாக முண்டியடித்து செல்ல முயல்கின்றன. இதனால் சிக்னல் பகுதிகளில் கூட வாகனங்கள் சீராக செல்ல முடியாமல் போக்குவரத்து நெரிசல் ஏற்படுகிறது. இதை ஒழுங்குபடுத்த சிக்னல்களில் நிற்கும் போலீசார் ஒவ்வொரு முறையும் வாகனங்களை சீராக செல்ல வைப்பது என்பது முடியாத காரியமாகும்.

இந்த நிலையில் கோவை அவினாசி சாலையில் உள்ள முக்கிய சிக்னல்களில் வலது புறம் திரும்பும் வாகனங்களின் வசதிக்காக உயிர் என்ற அமைப்பு சார்பில் பிளாஸ்டிக் தடுப்பான்கள் அமைக்கப்பட்டு உள்ளன.

இது குறித்து போக்குவரத்து போலீசார் கூறியதாவது:-

சாலையில் பிளாஸ்டிக் தடுப்பான்கள் அமைக்கப்பட்ட பின்னர் வலதுபுறம் திரும்பும் வாகனங்கள் எளிதாக செல்ல முடிகிறது. இதற்கு முன்பு போக்குவரத்து போலீசார் நின்று வாகன ஓட்டிகளை அந்தந்த பாதையில் நிற்குமாறு அறிவுறுத்தினாலும் நேராக செல்பவர்கள் வலது புறம் திரும்பும் பாதையில் வந்து நின்று கொள்வார்கள். ஆனால் தற்போது அதற்கென்று பாதை அமைத்து அதில் பிளாஸ்டிக் தடுப்பான்கள் அமைத்த பின்னர் நேராக செல்லும் வாகனங்கள் அந்த பாதையில் நிற்பதில்லை. போக்குவரத்தை ஒழுங்குபடுத்துவதும் எளிதாக உள்ளது. இதே போன்று இடதுபுறம் திரும்பும் வாகனங்கள் செல்வதற்காக பிளாஸ்டிக் தடுப்பான்கள் அமைத்தால் சிக்னல்களில் வாகனங்கள் சீராக செல்ல வசதியாக இருக்கும்.

இவ்வாறு போலீசார் கூறினார்கள்.

தொடர்புடைய செய்திகள்

1. கடலூரில் இருந்து சென்ற வாகனங்களை புதுச்சேரிக்குள் செல்ல விடாமல் தடுத்த போலீசார்
கொரோனா வைரஸ் பரவலை தடுக்க கடந்த மார்ச் மாதம் 25-ந் தேதி பிறப்பிக்கப்பட்ட ஊரடங்கு உத்தரவு தற்போது 5-வது கட்டமாக வருகிற 30-ந் தேதி வரை நீட்டிக்கப்பட்டுள்ளது.
2. கடலூரில் இருந்து புதுச்சேரி செல்ல தடை வாகனங்கள் திருப்பி அனுப்பி விடப்பட்டன
கடலூரில் இருந்து புதுச்சேரி நோக்கி சென்ற வாகனங்கள் அனைத்தும் திருப்பி விடப்பட்டன.
3. ஊரடங்கு உத்தரவை மீறி வெளியில் சுற்றும் வாகனங்கள் மீது வழக்குப்பதிவு செய்ய வேண்டும்
ஊரடங்கு உத்தரவை மீறி வெளியில் சுற்றும் வாகனங்கள் மீது வழக்குப்பதிவு செய்ய வேண்டும் போலீஸ் சூப்பிரண்டு உத்தரவு.
4. பிறமாநிலங்கள் சென்று வேலூர் திரும்பும் டிரைவர்கள் மருத்துவ பரிசோதனைக்கு மறுத்தால் வாகனங்கள் பறிமுதல்
பிறமாநிலங்களுக்கு சென்று வேலூர் திரும்பும் டிரைவர்கள் மருத்துவ பரிசோதனைக்கு மறுத்தால் வாகனங்கள் பறிமுதல் செய்யப்படும் என்று வேலூர் கலெக்டர் சண்முகசுந்தரம் எச்சரிக்கை விடுத்துள்ளார்.
5. 4 நாட்கள் முழு ஊரடங்கு: கேரளாவில் இருந்து தமிழ்நாட்டிற்கு வாகனங்கள் செல்ல தடை
சென்னை உள்ளிட்ட 5 மாநகராட்சிகளில் 4 நாட்கள் முழு ஊரடங்கு அமலில் உள்ளதால் கேரளாவில் இருந்து தமிழ்நாட்டிற்கு வாகனங்கள் செல்ல தடை விதிக்கப்பட்டுள்ளது.