மாவட்ட செய்திகள்

அதியமான்கோட்டை பகுதியில் போலீஸ் நிலையம், கோவில்களுக்கு வெடிகுண்டு மிரட்டல் + "||" + Bombing of police stations and temples in Adhiyamkottai area

அதியமான்கோட்டை பகுதியில் போலீஸ் நிலையம், கோவில்களுக்கு வெடிகுண்டு மிரட்டல்

அதியமான்கோட்டை பகுதியில் போலீஸ் நிலையம், கோவில்களுக்கு வெடிகுண்டு மிரட்டல்
அதியமான்கோட்டையில் உள்ள போலீஸ் நிலையம், கோவில்களுக்கு வெடிகுண்டு மிரட்டல் வந்ததால் மோப்பநாய் மூலம் சோதனை நடைபெற்றது.
நல்லம்பள்ளி,

கோவை மேற்கு மண்டல ஐ.ஜி. அலுவலகத்திற்கு நேற்று ஒரு தொலைபேசி வந்தது. அதில் பேசிய நபர் தர்மபுரி மாவட்டம் அதியமான்கோட்டையில் உள்ள தட்சிணகாசி காலபைரவர் கோவில், சென்னகேசவ பெருமாள் கோவில், அதியமான்கோட்டம் மற்றும் அதியமான்கோட்டை போலீஸ் நிலையம் ஆகிய இடங்களில் வெடிகுண்டு வைக்கப்பட்டுள்ளது என்று கூறி விட்டு இணைப்பை துண்டித்து விட்டான். இதனால் ஐ.ஜி. அலுவலக அலுவலர்கள் அதிர்ச்சி அடைந்தனர்.


இதுகுறித்து அவர்கள் தர்மபுரி மாவட்ட போலீஸ் சூப்பிரண்டு அலுவலகத்திற்கு தகவல் தெரிவித்தனர். போலீஸ் சூப்பிரண்டு ராஜன் உத்தரவின்பேரில் துணை போலீஸ் சூப்பிரண்டு ராஜ்குமார் மற்றும் போலீசார் அங்கு விரைந்து சென்றனர். இதையடுத்து வெடிகுண்டு செயல் இழக்கும் நிபுணர்கள் வரவழைக்கப்பட்டனர். மேலும் மோப்ப நாயும் வரவழைக்கப்பட்டது.

சோதனை

இதையடுத்து போலீசார் தட்சிணகாசி காலபைரவர் கோவில், சென்னகேசவ பெருமாள் கோவில், அதியமான்கோட்டம் மற்றும் அதியமான்கோட்டை போலீஸ் நிலையம் ஆகிய இடங்களில் நேற்று மாலை 6 மணி அளவில் சோதனை நடத்தினர். அப்போது வெடிகுண்டு எதுவும் சிக்கவில்லை. ஐ.ஜி. அலுவலகத்திற்கு வந்த தொலைபேசி எண் குறித்தும், வெடிகுண்டு மிரட்டல் விடுத்த நபர் குறித்தும் போலீசார் விசாரணை நடத்தி வருகின்றனர். கோவில்களுக்கு வெடிகுண்டு மிரட்டல் விடுத்த சம்பவம் அந்த பகுதியில் பரபரப்பை ஏற்படுத்தியது.

தொடர்புடைய செய்திகள்

1. ராமநத்தம், பண்ருட்டி பகுதியில் 3 பேர் மீது குண்டர் சட்டம் பாய்ந்தது
ராமநத்தம், பண்ருட்டி பகுதியில் 3 பேர் மீது குண்டர் சட்டம் பாய்ந்தது.
2. டிரம்ப் மிரட்டலுக்கு ஈரான் பதிலடி
டிரம்புக்கு பதிலடி தரும் விதமாக அமெரிக்க போர்க்கப்பல்கள் மற்றும் கடற்படை பிரிவுகளை குறிவைத்து தாக்கும்படி தங்கள் நாட்டு கடற்படையினருக்கு ஈரான் ராணுவ தளபதி உசேன் சலாமி உத்தரவிட்டுள்ளார்.
3. ரியல் எஸ்டேட் அதிபரை கைது செய்யக்கோரி செல்போன் கோபுரத்தில் ஏறி தற்கொலை மிரட்டல் விடுத்த முகவர்
ரியல் எஸ்டேட் அதிபரை கைது செய்யக்கோரி முகவர் ஒருவர் செல்போன் கோபுரத்தில் ஏறி தற்கொலை மிரட்டல் விடுத்த சம்பவத்தால் திருவாரூரில் பெரும் பரபரப்பு ஏற்பட்டது.
4. தொடர் குற்றங்களில் ஈடுபட்ட 2 பேர் குண்டர் சட்டத்தில் கைது
சேலத்தில் தொடர் குற்றங்களில் ஈடுபட்ட 2 பேர் குண்டர் சட்டத்தில் கைது செய்யப்பட்டனர்.
5. மதுரை பஸ் நிலையங்களுக்கு வெடிகுண்டு மிரட்டல் போலீசார் சோதனையால் பரபரப்பு
மதுரை பஸ் நிலையங்களுக்கு வெடிகுண்டு மிரட்டல் வந்ததை தொடர்ந்து, போலீசார் அதிரடி சோதனை நடத்தியதால் பரபரப்பு ஏற்பட்டது.