மாவட்ட செய்திகள்

பிளாஸ்டிக் இல்லா பொருட்கள் கண்காட்சி அரியலூரில் இன்று தொடக்கம் + "||" + Plastic-free materials exhibition begins today at Ariyalur

பிளாஸ்டிக் இல்லா பொருட்கள் கண்காட்சி அரியலூரில் இன்று தொடக்கம்

பிளாஸ்டிக் இல்லா பொருட்கள் கண்காட்சி அரியலூரில் இன்று தொடக்கம்
பிளாஸ்டிக் பொருட்களுக்கு மாற்றாக மாற்று பொருட்களின் உபயோகம் குறித்து விழிப்புணர்வு ஏற்படுத்தும் வகையில் கண்காட்சி இன்றும், நாளையும் அரியலூர் அரசு உயர்நிலைப்பள்ளி மைதானத்தில் நடத்த ஏற்பாடு செய்யப்பட்டுள்ளது.
அரியலூர்,

அரியலூர் மாவட்ட நிர்வாகத்தின் மூலம் பிளாஸ்டிக் பொருட்களுக்கு மாற்றாக மாற்று பொருட்களின் உபயோகம் குறித்து விழிப்புணர்வு ஏற்படுத்தும் வகையில் கண்காட்சி இன்றும் (வெள்ளிக்கிழமை), நாளையும் (சனிக்கிழமை) அரியலூர் அரசு உயர்நிலைப்பள்ளி மைதானத்தில் நடத்த ஏற்பாடு செய்யப்பட்டுள்ளது. கண்காட்சியில் மறுசுழற்சி செய்யப்பட்ட பேப்பரை கொண்டு மாணவர்களுக்கான பேனா, பென்சில் செய்து உபயோகித்தல், கரும்பு சக்கை, மக்காச்சோள கழிவுகளில் இருந்து மக்கும் தேநீர் குவளைகள், உணவு உண்ணும் தட்டுகள் செய்தல், இயற்கை பொருட்களால் செய்யப்பட்ட சேப்டி நாப்கின், பருத்தி நூலால் செய்யப்பட்ட பைகள், தேங்காய் மட்டை, கொட்டாங்குச்சியால் செய்யப்பட்ட வீட்டு உபயோக பொருட்கள் மற்றும் இயற்கையில் கிடைக்கும் பொருட்களால் தயாரிக்கப்படும் சோப்பு, எண்ணெய் போன்ற பொருட்கள் காட்சிப்படுத்தப்படவுள்ளன.


கண்காட்சியில் 25-க்கும் மேற்பட்ட அரங்குகளை அமைத்து அதில் மக்களுக்கு பயன்படக்கூடிய பிளாஸ்டிக் பொருட்களுக்கு மாற்றாக சுற்றுச்சூழலுக்கு ஏற்ற பொருட்கள் காட்சிப்படுத்தப்படவுள்ளது. மேலும் கண்காட்சியில் பள்ளி, கல்லூரிகளின் மாணவர்கள், சுய உதவிக்குழு உறுப்பினர்கள் கலந்து கொண்டு பாட்டு, நடனம், பேச்சு, கவிதை போன்ற கண்கவரும் நிகழ்ச்சிகளை நடத்தவுள்ளனர். நமது பாரம்பரியத்தை நினைவுபடுத்தும் விதமாக பாரம்பரிய உணவுகள் குறித்த கண்காட்சியில் பாரம்பரிய உணவுகள் விற்பனையும் அதன் நன்மைகள் குறித்த விழிப்புணர்வும் சுய உதவிக்குழு உறுப்பினர்களால் நடத்தப்படவுள்ளது. மாவட்டத்தின் நலன் கருதியும் மக்கள் ஆரோக்கியத்தை முன்னிட்டு நடத்தப்படும் இந்த கண்காட்சியில் பொதுமக்கள் அனைவரும் திரளாக கலந்து கொண்டு பயனடைய வேண்டும்.

இவ்வாறு அவர் அதில் கூறியுள்ளார்.

தொடர்புடைய செய்திகள்

1. பட்டுக்கோட்டையில் வீட்டு உபயோக பொருட்கள் கடையில் தீப்பிடித்தது ரூ.5 லட்சம் பொருட்கள் சேதம்
பட்டுக்கோட்டையில் வீட்டு உபயோக பொருட்கள் கடையில் ஏற்பட்ட தீ விபத்தில் ரூ.5 லட்சம் பொருட்கள் சேதமடைந்தன.
2. சபரிமலை அய்யப்ப பக்தர்கள் சீசனையொட்டி கன்னியாகுமரியில் மலர் கண்காட்சி
கன்னியாகுமரி அரசு பழத்தோட்டத்தில் சபரிமலை அய்யப்ப பக்தர்கள் சீசனையொட்டி வருகிற டிசம்பர் மாதம் ஊட்டியை போன்று மலர் கண்காட்சி நடத்தப்படும் என்று தோட்டக்கலைத்துறை துணை இயக்குனர் அசோக் மேக்ரின் கூறினார்.
3. மாவட்ட அளவிலான பள்ளி மாணவ-மாணவிகளுக்கான அறிவியல் கண்காட்சி
மாவட்ட அளவில் பள்ளி மாணவ-மாணவிகளுக்கான அறிவியல் கண்காட்சி அரியலூரில் நடைபெற்றது.
4. மாவட்ட அளவிலான அறிவியல் கண்காட்சி கலெக்டர் தொடங்கி வைத்தார்
திருச்சியில் மாவட்ட அளவிலான அறிவியல் கண்காட்சியை கலெக்டர் எஸ்.சிவராசு தொடங்கிவைத்தார்.
5. கரூர் மாவட்ட அளவிலான அறிவியல் கண்காட்சி 50 படைப்புகள் இடம்பெற்றன
கரூர் மாவட்ட அளவிலான அறிவியல் கண்காட்சியில் 50 படைப்புகள் இடம்பெற்றன.