மாவட்ட செய்திகள்

எடியூரப்பாவின் ஹெலிகாப்டரில் சோதனை : தேர்தல் அதிகாரிகள் நடவடிக்கையால் பரபரப்பு + "||" + checking in Yeddyurappa's helicopter: action by election officials

எடியூரப்பாவின் ஹெலிகாப்டரில் சோதனை : தேர்தல் அதிகாரிகள் நடவடிக்கையால் பரபரப்பு

எடியூரப்பாவின் ஹெலிகாப்டரில் சோதனை : தேர்தல் அதிகாரிகள் நடவடிக்கையால் பரபரப்பு
தேர்தல் பிரசாரத்திற்கு இரேகெரூர் சென்றபோது முதல்-மந்திரி எடியூரப்பாவின் ஹெலிகாப்டரில் தேர்தல் அதிகாரிகள் திடீர் சோதனை நடத்தினார்கள். இதனால் பரபரப்பு ஏற்பட்டது.
பெங்களூரு, 

கர்நாடக சட்ட சபையில் காலியாக உள்ள கே.ஆர்.புரம், சிவாஜிநகர், மகாலட்சுமி லே-அவுட், யஷ்வந்தபுரம் உள்பட 15 தொகுதிகளுக்கு இடைத்தேர்தல் வருகிற 5-ந் தேதி நடக்கிறது.

இடைத்தேர்தல் களத்தில் 165 வேட்பாளர்கள் உள்ளனர். இந்த நிலையில் இடைத்தேர்தலுக்கு இன்னும் 6 நாட்களே உள்ளன. இதில் பகிரங்க பிரசாரம் மேற்கொள்ள 5 நாட்கள் தான் உள்ளது. தேர்தல் நடத்தை விதிமுறைகள் அமலில் உள்ளதால் சட்டசபை இடைத்தேர்தல் நடைபெறும் தொகுதிகளில் தேர்தல் அதிகாரிகள் வாக்காளர்களுக்கு வினியோகிக்க பணம், பரிசு பொருட்கள் கடத்தப்படுகிறதா என்று அதிரடி சோதனை நடத்தி வருகிறார்கள்.

இதற்கிடையே அரசியல் கட்சிகளின் தலைவர்கள் தொகுதிகளை முற்றுகையிட்டு, கொளுத்தும் வெயிலையும் பொருட்படுத்தாமல் தீவிர பிரசாரத்தில் ஈடுபட்டு உள்ளனர். முதல்-மந்திரி எடியூரப்பா நேற்று 2-வது முறையாக ஹாவேரி மாவட்டம் இரேகெரூர் தொகுதியில் பிரசாரம் செய்து, பா.ஜனதா வேட்பாளர் பி.சி.பட்டீலை ஆதரித்து பிரசாரம் செய்தார்.

முன்னதாக எடியூரப்பா ஹெலிகாப்டர் மூலம் இரேகெரூருக்கு வந்தார். ஹெலிகாப்டரில் இருந்து இறங்கிய முதல்-மந்திரி எடியூரப்பாவை வரவேற்க பா.ஜனதா வேட்பாளர் பி.சி.பட்டீல், கட்சி நிர்வாகிகள் மற்றும் தொண்டர்கள் அங்கு வந்திருந்தனர். அதோடு முதல்-மந்திரி வருகையை முன்னிட்டு அங்கு பலத்த போலீஸ் பாதுகாப்பு ஏற்பாடுகள் செய்யப்பட்டிருந்தன.

எடியூரப்பா ஹெலிகாப்டரில் வந்து இறங்கியதும், அங்கு தயாராக காத்திருந்த தேர்தல் அதிகாரிகள் திடீரென்று ஹெலிகாப்டருக்கு சென்று அதிரடி சோதனை நடத்தினர். அப்போது ஹெலிகாப்டரில் இருந்த பைகளை வெளியே எடுத்து அவற்றில் சோதனை போட்டனர்.

முதல்-மந்திரியின் ஹெலிகாப்டரில் தேர்தல் அதிகாரிகள் சோதனை நடத்தியது அங்கு பரபரப்பை ஏற்படுத்தியது. இந்த சோதனையின்போது எதுவும் சிக்கவில்லை என்று கூறப்படுகிறது.

தேர்தல் பிரசாரத்தின் இடையே முதல்-மந்திரி எடியூரப்பா எல்லாப்பூரில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

“காங்கிரஸ் மற்றும் ஜனதா தளம்(எஸ்) கட்சிகள் எவ்வளவு முயற்சி செய்தாலும் ஒரு தொகுதியில் கூட வெற்றி பெற முடியாது. 15 தொகுதிகளிலும் பா.ஜனதா வெற்றி பெறுவது உறுதி. பா.ஜனதா வேட்பாளர்களின் வெற்றி வித்தியாசம் எவ்வளவு என்பது தான் தற்போது முக்கியம். வளர்ச்சி அடிப்படையில் இந்த இடைத்தேர்தல் நடக்கிறது. அதனால் மக்கள் பா.ஜனதா பக்கம் உள்ளனர்.

இடைத்தேர்தலுக்கு பிறகு பா.ஜனதா அரசு நிலையான ஆட்சி நிர்வாகத்தை வழங்கும். இடைத்தேர்தலுக்கு பிறகு பா.ஜனதா அரசு கவிழ்ந்துவிடும் என்று எதிர்க்கட்சிகளின் தலைவர்கள் ஏதேதோ கனவு காண்கிறார்கள். அதுபற்றி நான் எந்த கருத்தையும் கூற விரும்பவில்லை. அதுபற்றி நான் கவலைப்படுவதும் இல்லை. இடைத்தேர்தலுக்கு பிறகு கர்நாடக அரசியலில் எந்த மாற்றமும் ஏற்படாது.”

இவ்வாறு எடியூரப்பா கூறினார்.

தொடர்புடைய செய்திகள்

1. வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் ; முதல்-மந்திரி எடியூரப்பா திட்டவட்டம்
வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் செய்யப்படும் என்றும், அமித்ஷாவின் அனுமதி கிடைத்தால் இன்று (செவ்வாய்க்கிழமை) டெல்லி சென்று விவாதிப்பேன் என்றும் முதல்-மந்திரி எடியூரப்பா கூறினார்.
2. கர்நாடகத்திற்கு துரோகம் செய்யும் எடியூரப்பா; சித்தராமையா குற்றச்சாட்டு
கர்நாடகத்திற்கு எடியூரப்பா துரோகம் செய்வதாக சித்தராமையா குற்றம்சாட்டினார்.கர்நாடக சட்டசபை எதிர்க்கட்சி தலைவர் சித்தராமையா தனது டுவிட்டரில் வெளியிட்டுள்ள பதிவில் கூறியிருப்பதாவது:-
3. மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது; முதல்-மந்திரி எடியூரப்பா பேட்டி
மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது என்று முதல்-மந்திரி எடியூரப்பா தெரிவித்துள்ளார்.
4. எடியூரப்பா டெல்லி பயணம் திடீர் ரத்து; கட்சி மேலிடம் அனுமதி மறுப்பு?
மந்திரிசபை விரிவாக்கம் குறித்து அமித்ஷாவை சந்தித்து பேச முதல்-மந்திரி எடியூரப்பா டெல்லி செல்ல இருந்த பயணம் திடீரென்று ரத்து செய்யப்பட்டு உள்ளது.
5. புனித ஹஜ் யாத்ரீகர்களை குலுக்கல் முறையில் தேர்வு செய்யும் பணி; முதல்-மந்திரி எடியூரப்பா தொடங்கி வைத்தார்
புனித ஹஜ் யாத்ரீகர்களை குலுக்கல் முறையில் தேர்வு செய்யும் பணியை முதல்-மந்திரி எடியூரப்பா தொடங்கி வைத்தார்.