<
லாரி டிரைவர் கொலையில், தலைமறைவாக இருந்த ரவுடி கைது
லாரி டிரைவர் கொலையில் தலைமறைவாக இருந்த ரவுடியை போலீசார் கைது செய்தனர்.
புதுச்சேரி,
புதுச்சேரி நெல்லித்தோப்பு கஸ்தூரிபாய் நகரை சேர்ந்தவர் கமலக்கண்ணன் (வயது 35), லாரி டிரைவர். இவரது மனைவி ஸ்டெல்லா (31). இந்த நிலையில் கடந்த மே மாதம் 6-ந்தேதி கமலக்கண்ணன் கொலை செய்யப்பட்டார். அவரது உடல் 100 அடி ரோட்டில் போக்குவரத்து துறை அலுவலகம் அருகே உள்ள கழிவுநீர் வாய்க்காலில் சாக்குமூட்டையில் கட்டி வீசப்பட்டு கிடந்தது.
இது தொடர்பாக முதலியார்பேட்டை போலீசார் விசாரணை நடத்தி கமலக்கண்ணனின் மனைவி ஸ்டெல்லாவை கைது செய்தனர். அவரிடம் விசாரணை நடத்தியபோது கமலக்கண்ணன் தனது நடத்தையில் சந்தேகப்பட்டு தன்னை சித்ரவதை செய்ததால் கொலை செய்ததாக கூறினார். மேலும் அதற்கு தனது சகோதரி ரெஜினா, ரவுடி தமிழ்மணி மற்றும் அவரது ஆதரவாளர்கள் உதவியாக இருந்ததாக கூறினார்.
இந்த வழக்கில் தொடர்புடைய ரவுடி தமிழ்மணியை தவிர மற்ற அனைவரையும் போலீசார் கைது செய்தனர். தமிழ்மணியை வலைவீசி தேடி வந்தனர். இந்த நிலையில் தேடப்பட்டு வந்த தமிழ்மணியை சிறப்பு அதிரடிப்படை போலீசார் கைது செய்து முதலியார்பேட்டை போலீசாரிடம் ஒப்படைத்தனர். போலீசார் ரகசிய இடத்தில் வைத்து தமிழ்மணியிடம் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
