மாவட்ட செய்திகள்

இடைத்தேர்தலுக்கு பிறகு, எனது அரசுக்கு மெஜாரிட்டி கிடைக்கும்; எடியூரப்பா நம்பிக்கை + "||" + After the by-election, my government will get a majority; Yeddyurappa Hope

இடைத்தேர்தலுக்கு பிறகு, எனது அரசுக்கு மெஜாரிட்டி கிடைக்கும்; எடியூரப்பா நம்பிக்கை

இடைத்தேர்தலுக்கு பிறகு, எனது அரசுக்கு மெஜாரிட்டி கிடைக்கும்; எடியூரப்பா நம்பிக்கை
இடைத்தேர்தலுக்கு பிறகு எனது அரசுக்கு மெஜாரிட்டி கிடைக்கும் என்று எடியூரப்பா கூறினார்.
பெங்களூரு, 

கர்நாடக சட்டசபை இடைத்தேர்தலையொட்டி ராணிபென்னூர் தொகுதியில் நேற்று பா.ஜனதா தேர்தல் பிரசார பொதுக்கூட்டம் நடைபெற்றது. இதில் முதல்-மந்திரி எடியூரப்பா கலந்து கொண்டு பா.ஜனதா வேட்பாளரை ஆதரித்து பேசினார். முன்னதாக அவர் நிருபர்களுக்கு பேட்டி அளிக்கையில் கூறியதாவது:-

இடைத்தேர்தல் நடைபெறும் 15 தொகுதிகளிலும் பா.ஜனதா வெற்றி பெறுவது உறுதி. நிலையான ஆட்சி நீடிக்க வேண்டும் என்ற நோக்கத்தில் பா.ஜனதாவை ஆதரிக்க மக்கள் முடிவு செய்துள்ளனர். டிசம்பர் 9-ந் தேதி வெளியாகும் தேர்தல் முடிவுகள் காங்கிரஸ் மற்றும் ஜனதா தளம்(எஸ்) கட்சிகளுக்கு ஏமாற்றம் தருவதாக இருக்கும்.

எந்த கட்சியின் ஆதரவையும் பெறாமல் நாங்களே பெரும்பான்மையுடன் மீதமுள்ள ஆட்சி காலத்தை நிறைவு செய்வோம். பிற கட்சிகளின் ஆதரவை கோரும் நிலை பா.ஜனதாவுக்கு வராது. நான் முதல்-மந்திரியாக நீடிக்க வேண்டும் என்பது மக்களின் விருப்பம். அதனால் வாக்காளர்கள் பா.ஜனதாவை ஆதரிப்பார்கள்.

நான் 15 தொகுதிகளில் ஒரு சுற்று பிரசாரத்தை முடித்து, நேற்று (நேற்று முன்தினம்) முதல் 2-வது கட்ட பிரசாரத்தை தொடங்கியுள்ளேன். மக்கள் எங்களின் எதிர்பார்ப்பைவிட கூடுதல் ஆதரவை வழங்கி வருகிறார்கள். சட்டசபைக்கு இப்போதே தேர்தல் வரட்டும் என்று எதிர்க்கட்சிகள் காத்து கிடக்கின்றன. இதற்கு வாக்காளர்கள் வாய்ப்பு வழங்க மாட்டார்கள்.

இடைத்தேர்தல் முடிவு வெளியான பிறகு கர்நாடக அரசியலில் எந்த அதிசயமும் நிகழாது. நான் முதல்-மந்திரியாகவும், சித்தராமையா எதிர்க்கட்சி தலைவராகவும் நீடிப்போம். எதிர்க்கட்சி தலைவர்கள் காணும் கனவு ஒருபோதும் நிறைவேறாது. பா.ஜனதாவில் அனைத்து தலைவர்களும் ஒற்றுமையாக பணியாற்றி வருகிறோம். எங்களிடம் எந்த கோஷ்டி பூசலும் இல்லை.

இவ்வாறு எடியூரப்பா கூறினார்.

தொடர்புடைய செய்திகள்

1. வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் ; முதல்-மந்திரி எடியூரப்பா திட்டவட்டம்
வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் செய்யப்படும் என்றும், அமித்ஷாவின் அனுமதி கிடைத்தால் இன்று (செவ்வாய்க்கிழமை) டெல்லி சென்று விவாதிப்பேன் என்றும் முதல்-மந்திரி எடியூரப்பா கூறினார்.
2. கர்நாடகத்திற்கு துரோகம் செய்யும் எடியூரப்பா; சித்தராமையா குற்றச்சாட்டு
கர்நாடகத்திற்கு எடியூரப்பா துரோகம் செய்வதாக சித்தராமையா குற்றம்சாட்டினார்.கர்நாடக சட்டசபை எதிர்க்கட்சி தலைவர் சித்தராமையா தனது டுவிட்டரில் வெளியிட்டுள்ள பதிவில் கூறியிருப்பதாவது:-
3. மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது; முதல்-மந்திரி எடியூரப்பா பேட்டி
மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது என்று முதல்-மந்திரி எடியூரப்பா தெரிவித்துள்ளார்.
4. எடியூரப்பா டெல்லி பயணம் திடீர் ரத்து; கட்சி மேலிடம் அனுமதி மறுப்பு?
மந்திரிசபை விரிவாக்கம் குறித்து அமித்ஷாவை சந்தித்து பேச முதல்-மந்திரி எடியூரப்பா டெல்லி செல்ல இருந்த பயணம் திடீரென்று ரத்து செய்யப்பட்டு உள்ளது.
5. புனித ஹஜ் யாத்ரீகர்களை குலுக்கல் முறையில் தேர்வு செய்யும் பணி; முதல்-மந்திரி எடியூரப்பா தொடங்கி வைத்தார்
புனித ஹஜ் யாத்ரீகர்களை குலுக்கல் முறையில் தேர்வு செய்யும் பணியை முதல்-மந்திரி எடியூரப்பா தொடங்கி வைத்தார்.