மாவட்ட செய்திகள்

நாகர்கோவிலில் மாநில அளவிலான மூத்தோர் தடகள போட்டி + "||" + State Level Senior Athletic Competition in Nagercoil

நாகர்கோவிலில் மாநில அளவிலான மூத்தோர் தடகள போட்டி

நாகர்கோவிலில் மாநில அளவிலான மூத்தோர் தடகள போட்டி
நாகர்கோவிலில் மாநில அளவிலான மூத்தோர் தடகள போட்டி நடைபெற்றது.
நாகர்கோவில்,

குமரி மாவட்ட மூத்தோர் தடகளம் சார்பில் மாநில அளவிலான மூத்தோர் தடகள போட்டி நேற்று நாகர்கோவில் அண்ணா விளையாட்டு அரங்கத்தில் தொடங்கியது. இதற்கான தொடக்க விழாவுக்கு தமிழ்நாடு மூத்தோர் தடகள தலைமை புரவலர் உஜாகர்சிங் (ஓய்வு பெற்ற ஐ.ஏ.எஸ்.அதிகாரி) தலைமை தாங்கினார். குமரி மாவட்ட விளையாட்டு அதிகாரி டேவிட் டேனியல் கொடி ஏற்றி வைத்தார். சிறப்பு விருந்தினர்களாக வடசேரி போலீஸ் நிலைய இன்ஸ்பெக்டர் பெர்னார்ட் சேவியர், மாநில மூத்தோர் தடகள தலைவர் அரங்கநாத நாயுடு, செயலாளர் ராமமூர்த்தி ஆகியோர் கலந்து கொண்டனர்.


இதைத்தொடர்ந்து மூத்தோருக்கான தடகள போட்டி நடைபெற்றது. இதில் 5 ஆயிரம் மீட்டர் (ஆண்கள்), 3 ஆயிரம் மீட்டர் (ஆண், பெண்கள்) நடைபோட்டி, ஓட்டம், ஆண்கள், பெண்களுக்கான வட்டு எறிதல், குண்டு எறிதல், நீளம் தாண்டுதல், உயரம் தாண்டுதல் உள்ளிட்ட பல்வேறு போட்டிகள் நடைபெற்றது. இதில் மாநிலம் முழுவதிலும் இருந்து 800 பேர் கலந்து கொண்டனர். அவர்களில் 350 பேர் குமரி மாவட்டத்தை சேர்ந்தவர்கள் ஆவர்.

வெற்றி பெற்றவர்கள் விவரம்

40 வயதுக்கு மேற்பட்டோர் பிரிவில் நடந்த உயரம் தாண்டுதல் போட்டியில் ரெயில்வே துறையை சேர்ந்த ஆறுமுகம்பிள்ளை முதல் பரிசு பெற்றார். 55 வயதுக்கு மேற்பட்டோர் பிரிவில் நடந்த வட்டு எறிதல் போட்டியில் வருமானவரித்துறை அதிகாரி பாலாஜி முதல் பரிசும், 45 வயதுக்கு மேற்பட்டோருக்கான உயரம் தாண்டுதல் போட்டியில் ஆஸ்டின் ரூபஸ்சும், 35 வயதுக்கு மேற்பட்டோருக்கான 400 மீ., 1500 மீ ஓட்டப் போட்டியில் எல்லை பாதுகாப்பு படை போலீஸ்காரர் மணிகண்டன், 45 வயதுக்கு மேற்பட்டோருக்கான 400 மீ., 1500 மீ ஓட்டப்போட்டியில் எல்லை பாதுகாப்பு படை துணை தளபதி சேகர், 90 வயதுக்கு மேற்பட்டோருக்கான குண்டு எறிதல் போட்டியில் ஓய்வு பெற்ற சப்-இன்ஸ்பெக்டர் வான்ரோஸ் ஆகியோரும் முதல் பரிசு பெற்றனர்.

2-வது நாளாக இன்றும் (ஞாயிற்றுக்கிழமை) தடகள போட்டிகள் நடைபெறுகிறது. மாலை 4 மணிக்கு போட்டிகளில் வெற்றி பெற்றவர்களுக்கு பரிசளிப்பு விழா நடக்கிறது.


தொடர்புடைய செய்திகள்

1. ஊட்டியில் பொதுமக்கள்-போலீஸ் நல்லுறவு விளையாட்டு போட்டிகள்
ஊட்டியில் பொதுமக்கள்-போலீஸ் நல்லுறவு விளையாட்டு போட்டிகள் நடத்தப்பட்டது.
2. தர்மபுரியில் பள்ளி மாணவிகளுக்கான தேசிய கைப்பந்து போட்டி 29 மாநில அணிகள் பங்கேற்பு
பள்ளி மாணவிகளுக்கான தேசிய அளவிலான கைப்பந்து போட்டிகள் தர்மபுரியில் நேற்று தொடங்கியது. இதில் 29 மாநிலங்களை சேர்ந்த அணிகள் பங்கேற்று விளையாடி வருகின்றன.
3. பள்ளிக்கல்வித்துறை சார்பில் குடியரசு தின விளையாட்டு போட்டிகள் 1,200 மாணவிகள் பங்கேற்பு
தமிழக பள்ளிக்கல்வித்துறை சார்பில் மாநில அளவிலான குடியரசு தின விளையாட்டு போட்டிகள் தர்மபுரி மாவட்டம் நல்லானூரில் நேற்று தொடங்கியது. இதில் 1200 மாணவிகள் பங்கேற்றனர்.
4. ஒருங்கிணைந்த பள்ளிக்கல்வித்துறை சார்பில் அரசு பள்ளி மாணவிகளுக்கான குழு போட்டிகள்
கரூர் மாவட்ட விளையாட்டு அரங்கில் ஒருங்கிணைந்த பள்ளிக்கல்வித்துறை சார்பில் அரசு பள்ளி மாணவிகளுக்கான குழு விளையாட்டு போட்டிகள் நடந்தன.
5. மாநில அளவிலான மூத்தோர் தடகள போட்டி: சாம்பியன் பட்டத்தை குமரி அணி வென்றது
மாநில அளவிலான மூத்தோர் தடகள போட்டியில், ஒட்டு மொத்த சாம்பியன் பட்டத்தை குமரி அணி வென்று கோப்பையை தட்டி சென்றது.