மாவட்ட செய்திகள்

ஜோலார்பேட்டை அருகே, வாலிபர் தற்கொலை வழக்கில் 2 பேர் கைது + "||" + Near Jolarpet, In the case of youth suicide 2 arrested

ஜோலார்பேட்டை அருகே, வாலிபர் தற்கொலை வழக்கில் 2 பேர் கைது

ஜோலார்பேட்டை அருகே, வாலிபர் தற்கொலை வழக்கில் 2 பேர் கைது
ஜோலார்பேட்டை அருகே வாலிபர் தற்கொலை வழக்கில் 2 பேரை போலீசார் கைது செய்தனர்.
ஜோலார்பேட்டை, 

ஜோலார்பேட்டையை அடுத்த புள்ளானேரி குட்டூர் பகுதியை சேர்ந்தவர் ராஜே‌‌ஷ் (வயது 29) இவர் பெங்களூருவில் ஏ.சி. மெக்கானிக்காக வேலை செய்து வந்தார். இந்த நிலையில் கடந்த 25-ந் தேதி வீட்டின் அருகே உள்ள நண்பரின் வீட்டில் தூக்குப்போட்டு தற்கொலை செய்து கொண்டார்.

இதுகுறித்து ஜோலார்பேட்டை போலீசார் வழக்குப்பதிவு செய்து விசாரணை நடத்தினர். மேலும் ராஜே‌‌ஷ் உடலை பிரேத பரிசோதனை செய்ததில் அவரது தலையில் படுகாயம் ஏற்பட்டிருப்பது தெரிய வந்தது.

இதையடுத்து போலீசார் விசாரணை நடத்தியதில் சம்பவத்தன்று நண்பர்களான புதூர் முத்தானூர் பகுதியை சேர்ந்த பிரசாத் (29), அன்பரசு (24) ஆகியோருடன் ராஜே‌‌ஷ் மது அருந்தியுள்ளார். அப்போது ராஜேசுக்கும், பிரசாத்துக்கும் இடையே தகராறு ஏற்பட்டது. திடீரென பீர் பாட்டிலால் ராஜேசின் மண்டையில் பிரசாத், அன்பரசு ஆகியோர் அடித்து நீ உயிரோடு இருப்பது ‘வேஸ்ட்’, தூக்குப்போட்டு தற்கொலை செய்துகொள் என்று திட்டியதாக கூறப்படுகிறது. இதனால் அவமானப்பட்ட ராஜே‌‌ஷ் தற்கொலை செய்து கொண்டது தெரியவந்தது.

அதைத்தொடர்ந்து போலீசார் தற்கொலை வழக்கை தற்கொலைக்கு தூண்டியதாக வழக்குப்பதிவு செய்து பிரசாத் மற்றும் அன்பரசு ஆகிய இருவரையும் கைது செய்து திருப்பத்தூர் கோர்ட்டில் ஆஜர்படுத்தி சிறையில் அடைத்தனர்.

தொடர்புடைய செய்திகள்

1. புதுக்கோட்டையில் பொதுமக்களை அச்சுறுத்தும் வகையில் “டிக் டாக்” செய்த கல்லூரி மாணவர் கைது
புதுக்கோட்டை பஸ் நிலையத்தில் பொதுமக்களை அச்சுறுத்தும் வகையில் “டிக் டாக்“ செய்த கல்லூரி மாணவரை போலீசார் கைது செய்தனர்.
2. ஓடும் பஸ்சில் தனியார் நிறுவன ஊழியரிடம் மடிக்கணினி திருடியவர் கைது
தனியார் நிறுவன ஊழியரிடம் ஓடும் பஸ்சில் மடிக்கணினி திருடியவரை போலீசார் கைது செய்தனர்.
3. ராயக்கோட்டையில் வேன் டிரைவர் கல்லால் தாக்கி கொலை; நண்பர் கைது
ராயக்கோட்டையில் வேன் டிரைவரை கல்லால் தாக்கி கொலை செய்த நண்பரை போலீசார் கைது செய்தனர்.
4. பெண்ணின் சேமிப்பு கணக்கில் இருந்து ரூ.1 லட்சம் மோசடி தபால் நிலைய ஊழியர் கைது
பெண்ணின் சேமிப்பு கணக்கில் இருந்து ரூ.1 லட்சத்து 15 ஆயிரம் மோசடி செய்த தபால் நிலைய ஊழியரை போலீசார் கைது செய்தனர்.
5. அரசு போக்குவரத்து கழகத்தில் வேலை வாங்கி தருவதாக கூறி ரூ.9 லட்சம் மோசடி - 2 பேர் கைது
அரசு போக்குவரத்து கழகத்தில் வேலை வாங்கி தருவதாக கூறி ரூ.9 லட்சம் மோசடி செய்த 2 பேரை போலீசார் கைது செய்தனர்.

அதிகம் வாசிக்கப்பட்டவை