மாவட்ட செய்திகள்

உள்ளாட்சி தேர்தல் தேதி அறிவிக்கப்பட்டதால் குறைதீர்க்கும் கூட்டம் பாதியில் ரத்து + "||" + Grievances canceled as local election date is announced

உள்ளாட்சி தேர்தல் தேதி அறிவிக்கப்பட்டதால் குறைதீர்க்கும் கூட்டம் பாதியில் ரத்து

உள்ளாட்சி தேர்தல் தேதி அறிவிக்கப்பட்டதால் குறைதீர்க்கும் கூட்டம் பாதியில் ரத்து
உள்ளாட்சி தேர்தல் தேதி அறிவிக்கப்பட்டதால் தஞ்சை கலெக்டர் அலுவலகத்தில் நடந்த குறைதீர்க்கும் கூட்டம் பாதியில் ரத்து செய்யப்பட்டது. இதனால் மனு கொடுப்பதற்காக வந்த பொதுமக்கள் மனுக்களை அங்கு வைக்கப்பட்டு இருந்த பெட்டியில் போட்டு விட்டு சென்றனர்.
தஞ்சாவூர்,

தஞ்சை கலெக்டர் அலுவலகத்தில் மக்கள் குறைதீர்க்கும் கூட்டம் ஒவ்வொரு வாரமும் திங்கட்கிழமை தோறும் நடைபெற்று வருகிறது. அதன்படி நேற்று திங்கட்கிழமை ஆதலால் மக்கள் குறைதீர்க்கும் கூட்டம் நடைபெற்றது. இதில் தஞ்சை மாவட்டத்தில் உள்ள பல்வேறு பகுதிகளை சேர்ந்த பொதுமக்கள் கலந்து கொண்டு மனுக்களை அளித்தனர்.


இலவச வீட்டுமனைப்பட்டா, கல்வி உதவித்தொகை, முதியோர் உதவித்தொகை, குடும்ப அட்டை உள்ளிட்டவை கேட்டு பொதுமக்கள் மனு அளித்தனர். பொதுமக்கள் தங்கள் மனுக்களை அங்கு கணினியில் பதிவு செய்யும் மையத்தில் கொடுத்து பதிவு செய்து அந்த மனுக்களை மாவட்ட வருவாய் அதிகாரி சக்திவேலிடம் அளித்தனர்.

பாதியில் ரத்து

இந்த நிலையில் உள்ளாட்சி தேர்தல் தேதி அறிவிக்கப்பட்டது. தேர்தல் தேதி அறிவிக்கப்பட்டதால் தேர்தல் விதிமுறைகளும் உடனே அமலுக்கு வந்தது. இந்த தகவல் அறிந்ததும் மனுக்கள் கணினியில் பதிவு செய்வது நிறுத்தப்பட்டது. காலை 11 மணி வரை மட்டுமே மனுக்கள் பதிவு செய்யப்பட்டன. அந்த மனுக்களை மாவட்ட வருவாய் அதிகாரி பெற்றுக்கொண்டார். அதன் பின்னர் மனுக்கள் பதிவு செய்யப்படவில்லை.

இதையடுத்து குறைதீர்க்கும் கூட்டம் பாதியிலேயே நிறுத்தப்பட்டன. மேலும் கூட்டத்தின் அரங்குகளும் பூட்டப்பட்டன. இதனால் பரபரப்பு நிலவியது. இதையடுத்து மனு கொடுக்க வந்த பொதுமக்களை, மாவட்ட வருவாய் அதிகாரி சக்திவேல் சந்தித்து தேர்தல் நடத்தை விதி அமலுக்கு வந்து விட்டதால் மனுக்கள் பெற முடியாது. எனவே பெட்டியில் போடுங்கள் என தெரிவித்தார். இதையடுத்து பொதுமக்கள் கொண்டு வந்த மனுக்களை போடுவதற்காக அங்கு பெட்டி வைக்கப்பட்டு இருந்தது. அந்த பெட்டியில் பொதுமக்கள் தங்கள் மனுக்களை போட்டு விட்டு சென்றனர்.


தொடர்புடைய செய்திகள்

1. வேளாண் சட்ட மசோதாவை எதிர்த்து குறைதீர்க்கும் கூட்டத்தில் இருந்து விவசாயிகள் வெளிநடப்பு
மத்திய அரசு கொண்டு வந்துள்ள வேளாண் சட்ட மசோதாவை எதிர்்த்து திருவாரூரில் நடந்த குறைதீர்க்கும் கூட்டத்தில் இருந்து விவசாயிகள் வெளிநடப்பு செய்து ஆர்ப்பாட்டத்தில் ஈடுபட்டனர்.
2. சமூக இடைவெளியை பின்பற்றாமல் நடந்த பா.ஜ.க. நிர்வாகிகள் சந்திப்பு கூட்டம்
அரியலூர் புறவழிச்சாலையில் உள்ள ஒரு ஓட்டலில் பாரதீய ஜனதா கட்சியின் நிர்வாகிகள் சந்திப்பு கூட்டம் நடைபெற்றது.
3. மண்ணாடிப்பட்டு கொம்யூன் பஞ்சாயத்தில் குப்பைகளை அகற்றுவது குறித்து கடைக்காரர்களுடன் ஆலோசனை
தடை செய்யப்பட்ட பிளாஸ்டிக் மற்றும் மக்கும், மக்காத குப்பைகளை தரம்பிரித்து அகற்றுவது குறித்த ஆலோசனை கூட்டம் மண்ணாடிப்பட்டு கொம்யூன் பஞ்சாயத்தில் நடைபெற்றது.
4. கடலூர் மாவட்டத்தில் காணொலி காட்சி மூலம் பொதுமக்கள் குறைகேட்பு கூட்டம்
கடலூர் மாவட்டத்தில் காணொலி காட்சி மூலம் பொதுமக்கள் குறைகேட்பு கூட்டம் நடைபெற்றது.
5. புரட்டாசி மாதம் தொடங்கினாலும் காசிமேடு மீன் மார்க்கெட்டில் மக்கள் கூட்டம் அலைமோதியது
புரட்டாசி மாதம் தொடங்கினாலும் காசிமேடு மீன் மார்க்கெட்டில் மக்கள் கூட்டம் குறைந்தபாடில்லை. இறைச்சி கடைகளில் வழக்கத்தைவிட கூட்டம் சற்று குறைந்திருந்தது.

அதிகம் வாசிக்கப்பட்டவை