மாவட்ட செய்திகள்

தம்மம்பட்டியில் குடிநீர் கேட்டு காலிக்குடங்களுடன் பொதுமக்கள் சாலைமறியல் + "||" + Public roadblocks with drinking water in Thammampatti

தம்மம்பட்டியில் குடிநீர் கேட்டு காலிக்குடங்களுடன் பொதுமக்கள் சாலைமறியல்

தம்மம்பட்டியில் குடிநீர் கேட்டு காலிக்குடங்களுடன் பொதுமக்கள் சாலைமறியல்
தம்மம்பட்டியில் குடிநீர் கேட்டு காலிக்குடங்களுடன் பொதுமக்கள் சாலைமறியல் போராட்டம் நடத்தினர்.
தம்மம்பட்டி,

தம்மம்பட்டி பேரூராட்சி பகுதியில் 18 வார்டுகள் உள்ளன. இங்குள்ள 9-வது வார்டில் சீராக குடிநீர் வினியோகம் செய்யப்படவில்லை. குடிநீர் பிரச்சினை பற்றி பொதுமக்கள் அலுவலர்களிடம் முறையிட்டும் நடவடிக்கை எடுக்கப்படவில்லை என கூறப்படுகிறது.


இந்தநிலையில் நேற்று காலை 9-வது வார்டு பகுதி பொதுமக்கள் செந்தாரப்பட்டி - தம்மம்பட்டி சாலையில் குடிநீர் கேட்டு காலிக்குடங்களுடன் மறியலில் ஈடுபட்டனர். இதுகுறித்து தகவல் அறிந்ததும் தம்மம்பட்டி பேரூராட்சி செயல் அலுவலர் சுந்தரமூர்த்தி சம்பவ இடத்திற்கு விரைந்து சென்று சாலைமறியலில் ஈடுபட்ட பொதுமக்களிடம் பேச்சுவார்த்தை நடத்தினார்.

நடவடிக்கை எடுக்கப்படும்

அப்போது பொதுமக்கள், தங்கள் பகுதியில் சுமார் 10 நாட்களுக்கு ஒரு முறை தான் குடிநீர் வினியோகம் செய்யப்படுகிறது என கூறினர். அதற்கு செயல் அலுவலர் சுந்தரமூர்த்தி, அங்கு சின்டெக்ஸ் தொட்டி அமைத்து சீரான குடிநீர் வழங்க உடனடியாக நடவடிக்கை எடுக்கப்படும், என உறுதியளித்தார்.

அதனைத்தொடர்ந்து சாலைமறியலை கைவிட்டு பொதுமக்கள் அங்கிருந்து கலைந்து சென்றனர். சாலை மறியல் போராட்டம் காரணமாக அந்த பகுதியில் சுமார் அரைமணிநேரம் போக்குவரத்து பாதிப்பு ஏற்பட்டது. குடிநீர் கேட்டு பொதுமக்கள் சாலைமறியல் செய்த சம்பவம் அந்த பகுதியில் பரபரப்பை ஏற்படுத்தியது.

தொடர்புடைய செய்திகள்

1. குண்டும்- குழியுமாக காணப்படும் பேராவூரணி முதன்மை சாலை சீரமைக்கப்படுமா? பொதுமக்கள் எதிர்பார்ப்பு
குண்டும்- குழியுமாக காணப்படும் பேராவூரணி முதன்மை சாலை சீரமைக்கப்படுமா? என்று பொதுமக்கள் கேள்வி எழுப்பி உள்ளனர்.
2. தரமான தார்சாலை அமைக்கக்கோரி லாரிகளை சிறைபிடித்து பொதுமக்கள் போராட்டம்
காசான் கோட்டையில் தரமான தார்சாலை அமைக்கக்கோரி லாரிகளை சிறைபிடித்து பொதுமக்கள் போராட்டத்தில் ஈடுபட்டனர்.
3. திருச்சி அருகே ரெயில்வே கேட்டை நீண்ட நேரம் மூடி வைப்பதால் அவதி: வைகை எக்ஸ்பிரசை மறித்து பொதுமக்கள் போராட்டம்
திருச்சி அருகே ரெயில்வே கேட்டை நீண்ட நேரம் மூடி வைப்பதால் அவதி ஏற்படுவதாக கூறி வைகை எக்ஸ்பிரசை மறித்து பொதுமக்கள் போராட்டத்தில் ஈடுபட்டனர்.
4. செரியலூர் இனாம் கிராமத்தில் குளம் தூர்வாரும் பணியை பொதுமக்கள் தொடங்கினர்
செரியலூர் இனாம் கிராமத்தில் பல ஆண்டுகளாக தூர்வாரப்படாத குளத்தை, பொதுமக்கள் தூர்வாரினர்.
5. போக்குவரத்து நெருக்கடியை தவிர்க்க நீடாமங்கலத்தில் கீழ்ப்பாலம் அமைக்க வேண்டும் பொதுமக்கள் கோரிக்கை
நீடாமங்கலத்தில் போக்குவரத்து நெருக்கடியை தவிர்க்க கீழ்ப்பாலம் அமைக்க வேண்டும் என பொதுமக்கள் கோரிக்கை விடுத்துள்ளனர்.