<
வடமாடு மஞ்சுவிரட்டு: காளையை அடக்க முயன்ற 10 வீரர்கள் காயம்
கொட்டாம்பட்டி அருகே நடந்த வடமாடு மஞ்சுவிரட்டில் 10 வீரர்கள் காயம் அடைந்தனர்.
கொட்டாம்பட்டி,
மதுரை மாவட்டம் கொட்டாம்பட்டி அருகே உள்ள கருங்காலக்குடியில் கிராமமக்கள் மற்றும் தனியார் நிறுவனம் சார்பில் வடமாடு மஞ்சு விரட்டு நிகழ்ச்சி நடைபெற்றது. மதுரை, சிவகங்கை, திருச்சி, புதுக்கோட்டை ஆகிய மாவட்டங்களில் இருந்து கொண்டு வரப்பட்ட காளைகள் பங்கேற்றன. மாடுபிடி வீரர்கள் ஏராளமானோர் கலந்து கொண்டனர்.
முன்னதாக பங்கேற்ற காளைகளுக்கு மரியாதை செய்து அவிழ்த்துவிடப்பட்டன.
வடமாடுமஞ்சு விரட்டில் பெயர் பெற்ற 12 காளைகள் இந்த மஞ்சுவிரட்டில் கலந்துகொண்டு அவிழ்க்கப்பட்டன. இதனை மதுரை, சிவகங்கை மாவட்டத்திலிருந்து வந்திருந்த ஏராளமான ரசிகர்கள் கண்டு ரசித்தனர்.
காளையை அடக்க முயன்றபோது 10 பேர் காயம் அடைந்தனர்.அவர்களை தயாராக நிறுத்தி வைக்கப்பட்டிருந்த ஆம்புலன்ஸ் மூலம் மருத்துவமனைக்கு அனுப்பி வைத்தனர். சிறந்த காளைக்கும், மாடுபிடி வீரர்களுக்கும் சைக்கிள், அண்டா, குத்து விளக்கு, வெள்ளிக்காசு, ரொக்கம் உள்ளிட்ட ஏராளமான பரிசு பொருட்கள் வழங்கப்பட்டன.
மேலும் சிறந்த காளைக்கு அமைச்சர் வேலுமணி சார்பில் ரூ.25 ஆயிரம் சிறப்பு பரிசு வழங்கப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
