மாவட்ட செய்திகள்

பெரம்பலூர் மாவட்டத்தில் பிளஸ்-1, பிளஸ்-2 மாணவர்களுக்கு அரையாண்டு தேர்வு + "||" + Half a Year Examination for Plus-I and Plus-II Students in Perambalur District

பெரம்பலூர் மாவட்டத்தில் பிளஸ்-1, பிளஸ்-2 மாணவர்களுக்கு அரையாண்டு தேர்வு

பெரம்பலூர் மாவட்டத்தில் பிளஸ்-1, பிளஸ்-2 மாணவர்களுக்கு அரையாண்டு தேர்வு
பெரம்பலூர் மாவட்டத்தில் உள்ள பள்ளிகளில் அரையாண்டு தேர்வில் பிளஸ்-1, பிளஸ்-2 வகுப்புக்கு ஆங்கில தேர்வு நடந்தது.
பெரம்பலூர்,

தமிழகம் முழுவதும் அரசு மற்றும் அரசு உதவி பெறும், தனியார் பள்ளிகளில் பிளஸ்-1, பிளஸ்-2 படிக்கும் மாணவ- மாணவிகளுக்கான அரையாண்டு தேர்வு நேற்று முன்தினம் தமிழ் தேர்வுடன் தொடங்கியது. நேற்று ஆங்கிலத்தேர்வு நடந்தது. அதன்படி நேற்று பெரம்பலூர் மாவட்டத்தில் உள்ள பள்ளிகளிலும் நேற்று பிளஸ்-1, பிளஸ்-2 வகுப்புகளுக்கு ஆங்கில தேர்வு நடந்தது. பிளஸ்-2 பயிலும் மாணவ- மாணவிகளுக்கு காலை 10.15 மணிக்கு தொடங்கிய ஆங்கில தேர்வு மதியம் 1.15 வரை நடந்தது. இதேபோல் பிளஸ்-1 பயிலும் மாணவ- மாணவிகளுக்கு மதியம் 2.15 மணிக்கு தொடங்கிய ஆங்கில தேர்வு மாலை 5.15 மணி வரை நடந்தது.


தேர்வு அறைக்கு செல்வதற்கு முன்பு வரை மாணவ- மாணவிகள் தேர்விற்காக ஆர்வத்துடன் படித்து கொண்டிருந்ததை காணமுடிந்தது. தேர்வு எழுத தேர்வறைக்கு சென்ற மாணவ- மாணவிகளை அறை கண்காணிப்பாளரான ஆசிரியர்கள் சோதனை செய்து, உள்ளே அனுமதித்தனர். தேர்வு எழுத எழுதுபொருட்கள் மட்டுமே கொண்டு செல்ல மாணவ- மாணவிகளுக்கு அனுமதி வழங்கப்பட்டது.

ஆங்கில தேர்வு

பெரம்பலூர் அரசினர் மேல்நிலைப்பள்ளியில் ஆங்கில தேர்வினை பிளஸ்-1, பிளஸ்-2 மாணவ- மாணவிகள் 600-க்கும் மேற்பட்டோர் எழுதினர். தேர்விற்கான ஏற்பாடுகளை பள்ளி தலைமை ஆசிரியர் ஜெய்சங்கர் தலைமையிலான ஆசிரியர்கள் செய்திருந்தனர். தேர்வு அறையில் காப்பி அடிக்கிறார்களா? என்பதனை கண்காணிக்க பறக்கும் படை போல ஆசிரியர்கள் தேர்வு நடக்கும் போது மாணவ- மாணவிகளை கண்காணித்து வந்தனர். மேலும் காது கேளாத மற்றும் வாய் பேச முடியாத உள்ளிட்ட மாற்றுத்திறனாளி 10 மாணவ- மாணவிகளுக்கு தேர்வு எழுத வசதியாக தனி அறை ஒதுக்கப்பட்டிருந்தது. அவர்களுக்கு, உதவியாளராக நியமிக்கப்பட்டிருந்த சிறப்பு ஆசிரியைகள் எழுதினர். இன்று (வெள்ளிக்கிழமை) பிளஸ்-1, பிளஸ்-2 ஆகிய வகுப்புகளுக்கு தேர்வு கிடையாது. நாளை (சனிக்கிழமை) பிளஸ்-1 வகுப்புக்கு இயற்பியல், பொருளாதாரம் கணினி தொழில்நுட்பம் ஆகிய பாடங்களுக்கான தேர்வுகளும், பிளஸ்-2 வகுப்புகளுக்கு கணிதம், வணிகவியல், விலங்கியல், வேளாண்மை அறிவியல் ஆகிய பாடங்களுக்கான தேர்வுகளும் நடைபெறவுள்ளன.

தொடர்புடைய செய்திகள்

1. 10, 12-ம் வகுப்பு தனித் தேர்வர்களுக்கு பரீட்சை தொடங்கியது இறுதியாண்டு கல்லூரி மாணவர்களுக்கு ஆன்லைன் மூலம் தேர்வு
திருச்சி மாவட்டத்தில் 10, 12 வகுப்பு தனித்தேர்வுகளுக்கு 22 மையங்களில் நேற்று பரீட்சை தொடங்கியது. இறுதி ஆண்டு கல்லூரி மாணவர்கள் ஆன்லைன் மூலம் தேர்வு எழுதினர்.
2. ஐ.பி.எல். போட்டி; டாஸ் வென்ற சென்னை சூப்பர் கிங்ஸ் பந்து வீச்சு தேர்வு
ஐ.பி.எல். போட்டியில் டாஸ் வென்ற சென்னை சூப்பர் கிங்ஸ் அணி பந்து வீச்சு தேர்வு செய்துள்ளது.
3. உலகின் தூய்மையான கடற்கரைகளின் பரிந்துரைக்கு இந்தியாவின் 8 கடற்கரைகள் தேர்வு
உலகின் தூய்மையான கடற்கரைகள் என்ற பெருமையை பெறுவதற்கான பரிந்துரைக்கு இந்தியாவின் 8 கடற்கரைகள் தேர்வு செய்யப்பட்டு உள்ளன.
4. நீட் தேர்வை ரத்து செய்யக்கோரி மாணவர் சங்கத்தினர் ஆர்ப்பாட்டம்
நீட் தேர்வை ரத்து செய்யக்கோரி திருவாரூர் மாவட்ட கலெக்டர் அலுவலகம் முன்பு இந்திய மாணவர் சங்கம் சார்பில் ஆர்ப்பாட்டம் நடந்தது.
5. தென்காசியில் கொட்டும் மழையில் ‘நீட்’ தேர்வு எழுத வந்த மாணவ-மாணவிகள்
தென்காசியில் கொட்டும் மழையில் நீட் தேர்வை மாணவ-மாணவிகள் எழுத வந்தனர்.