மாவட்ட செய்திகள்

திருப்பத்தூரில் விரைவில் மருத்துவ கல்லூரி அமைக்க நடவடிக்கை - அமைச்சர் கே.சி.வீரமணி பேச்சு + "||" + In Tirupathur Coming Soon Action to set up medical college Minister KC Veeramani's speech

திருப்பத்தூரில் விரைவில் மருத்துவ கல்லூரி அமைக்க நடவடிக்கை - அமைச்சர் கே.சி.வீரமணி பேச்சு

திருப்பத்தூரில் விரைவில் மருத்துவ கல்லூரி அமைக்க நடவடிக்கை - அமைச்சர் கே.சி.வீரமணி பேச்சு
திருப்பத்தூர் மாவட்டத்தில் விரைவில் மருத்துவ கல்லூரி அமைக்க நடவடிக்கை எடுக்கப்பட்டு வருகிறது என அமைச்சர் கே.சி.வீரமணி பேசினார்.
ஜோலார்பேட்டை, 

ஜோலார்பேட்டை ஒன்றியம், புதுப்பேட்டை பகுதியில் அமைந்துள்ள புதுப்பேட்டை அரசு சமுதாய சுகாதார நிலை மருத்துவமனையில் பொது சுகாதாரம் மற்றும் நோய் தடுப்பு மருந்து துறை சார்பில் கர்ப்பிணி தாய்மார்களுக்கு அம்மா தாய்- சேய் நல பெட்டகம் மற்றும் மகப்பேறு நிதி உதவி வழங்கும் விழா நடைபெற்றது.

விழாவிற்கு திருப்பத்தூர் மாவட்ட கலெக்டர் சிவன் அருள் தலைமை தாங்கினார். ஜோலார்பேட்டை வட்டார மருத்துவ அலுவலர் பி.சுமதி வரவேற்றார். திருப்பத்தூர் சப்-கலெக்டர் வந்தனாகார்க், திருப்பத்தூர் முன்னாள் எம்.எல்.ஏ. கே.ஜி.ரமே‌‌ஷ், நாட்றம்பள்ளி வட்டார மருத்துவ அலுவலர் டாக்டர் எஸ்.திலீபன் ஆகியோர் முன்னிலை வகித்தனர். திருப்பத்தூர் சுகாதாரத்துறை சுகாதாரப்பணிகள் துணை இயக்குனர் சுரே‌‌ஷ் திட்ட விளக்க உரையாற்றினார்.

சிறப்பு அழைப்பாளராக வணிக வரி மற்றும் பத்திரப் பதிவு துறை அமைச்சர் கே.சி.வீரமணி கலந்து கொண்டு, 170 தாய்மார்களுக்கு அம்மா தாய் சேய் நல பெட்டகத்தை வழங்கினார்.

அதன் பிறகு ஜோலார்பேட்டை வட்டார அளவில் உள்ள பகுதிகளில் வெளி வர முடியாமல் வீட்டில் தங்கி இருக்கும் நோயாளிகளுக்கு வீடுகளுக்கே சுகாதார செவிலியர்கள் நேரடியாக சென்று சிகிச்சை அளிக்கும் திட்டத்தை தொடங்கி வைத்தார். பின்னர் அமைச்சர் கே.சி.வீரமணி பேசியதாவது :-

திருப்பத்தூர் மாவட்ட தொடக்க விழாவிற்கு வந்த முதல்-அமைச்சருக்கு சிறப்பான வரவேற்பு அளிக்கப்பட்டது. திருப்பத்தூர் மாவட்டத்துக்கு மருத்துவ கல்லூரி அமைய நடவடிக்கை எடுத்து வருகிறோம். விரைவில் மருத்துவ கல்லூரி அமையும்.

இவ்வாறு அவர் பேசினார்.

விழாவில் ஜோலார்பேட்டை ஒன்றிய குழு முன்னாள் தலைவர் ரமே‌‌ஷ், ஜோலார்பேட்டை முன்னாள் ஒன்றிய அ.தி.மு.க செயலாளர் கே.ஜி.சுப்பிரமணி மற்றும் சுகாதார துறை பணியாளர்கள், செவிலியர்கள் உள்பட பலர் கலந்து கொண்டனர்.

முடிவில் டாக்டர் சுமன் நன்றி கூறினார்.

தொடர்புடைய செய்திகள்

1. ஒழுக்கத்தை உருவாக்கி கொடுக்கும் இடம் விளையாட்டு மைதானம் - அமைச்சர் கே.சி.வீரமணி பேச்சு
ஒழுக்கத்தை உருவாக்கி கொடுக்கும் இடமாக விளையாட்டு மைதானம் திகழ்கிறது, என அமைச்சர் கே.சி.வீரமணி பேசினார்.
2. வேலூர் மாவட்டத்தில், 3¾ லட்சம் குடும்ப அட்டைதாரர்களுக்கு பொங்கல் பரிசு தொகுப்பு - அமைச்சர் கே.சி.வீரமணி தொடங்கி வைத்தார்
வேலூர் மாவட்டத்தில் 3 லட்சத்து 94 ஆயிரம் குடும்ப அட்டைதாரர்களுக்கு பொங்கல் பரிசு தொகுப்பு வழங்கப்படுகிறது. இதனை அமைச்சர் கே.சி.வீரமணி வழங்கி தொடங்கி வைத்தார்.
3. ஜோலார்பேட்டை அருகே, பொங்கல் பரிசு தொகுப்பு அமைச்சர் கே.சி.வீரமணி வழங்கினார்
ஜோலார்பேட்டை அருகே ரே‌ஷன் அட்டைதாரர்களுக்கு பொங்கல் பரிசு தொகுப்பை அமைச்சர் கே.சி.வீரமணி வழங்கினார்.
4. பெண்கள் பாதுகாப்பிற்காக தமிழகம் முன்னோடி மாநிலமாக திகழ்கிறது - அமைச்சர் கே.சி.வீரமணி பேச்சு
பெண்கள் பாதுகாப்பிற்காக காவல்துறையை நவீனப்படுத்தி விழிப்புணர்வு ஏற்படுத்துவதில் தமிழகம் முன்னோடி மாநிலமாக திகழ்கிறது என்று அமைச்சர் கே.சி.வீரமணி பேசினார்.
5. மின்பகிர்மான வட்ட பணியாளர்களுக்கு ரூ.54 லட்சம் பங்கு ஈவுத்தொகை - அமைச்சர் கே.சி.வீரமணி வழங்கினார்
மின்பகிர்மான வட்ட பணியாளர்களுக்கு ரூ.54 லட்சம் பங்கு ஈவுத்தொகையை அமைச்சர் கே.சி.வீரமணி வழங்கினார்