மாவட்ட செய்திகள்

பெங்களூருவில், குடிபோதையில் ஏற்பட்ட தகராறில்: கழுத்தை அறுத்து கார் டிரைவர் கொலை - நண்பர்களுக்கு போலீஸ் வலைவீச்சு + "||" + In Bangalore, In a drunken dispute Cut the neck Car driver killed

பெங்களூருவில், குடிபோதையில் ஏற்பட்ட தகராறில்: கழுத்தை அறுத்து கார் டிரைவர் கொலை - நண்பர்களுக்கு போலீஸ் வலைவீச்சு

பெங்களூருவில், குடிபோதையில் ஏற்பட்ட தகராறில்: கழுத்தை அறுத்து கார் டிரைவர் கொலை - நண்பர்களுக்கு போலீஸ் வலைவீச்சு
பெங்களூருவில் குடிபோதையில் ஏற்பட்ட தகராறில் கழுத்தை அறுத்து கார் டிரைவர் கொலை செய்யப்பட்டார். இதுதொடர்பாக அவரது நண்பர்களை போலீசார் வலைவீசி தேடிவருகிறார்கள்.
பெங்களூரு,

பெங்களூரு பசவேசுவரா நகர் அருகே கமலாநகரில் வசித்து வந்தவர் சதானந்தா (வயது 33). டிரைவரான இவர், கார் ஓட்டி வந்தார். நேற்று முன்தினம் இரவு சதானந்தா, தனது நண்பர்களுடன் மது அருந்துவதற்காக மஞ்சுநாத் நகரில் உள்ள மதுக் கடைக்கு சென்றார். இந்த நிலையில், குடிபோதையில் சதானந்தாவுக்கும், அவரது நண்பர்களுக்கும் இடையே வாக்குவாதம் உண்டானது. உடனே அங்கிருந்தவர்கள் அவர்களை சமாதானப் படுத்தி அனுப்பி வைத்தனர்.


மதுக்கடையில் இருந்து வெளியே வந்த பின்பும் மீண்டும் அவர்களுக்குள் தகராறு உண்டானது. இந்த நிலையில், திடீரென்று ஆத்திரமடைந்த நண்பர்கள் சதானந்தாவை அடித்து உதைத்து தாக்கியதாக தெரிகிறது. பின்னர் நடுரோட்டில் வைத்து அவரது கழுத்தை கத்தியால் அறுத்ததாக கூறப்படுகிறது. இதில், சம்பவ இடத்திலேயே ரத்த வெள்ளத்தில் துடிதுடித்து சதானந்தா உயிரிழந்தார். உடனே அங்கிருந்து சதானந்தாவின் நண்பர்கள் தப்பி ஓடிவிட்டார்கள்.

இதுபற்றி தகவல் அறிந்ததும் பசவேசுவராநகர் போலீசார் விரைந்து வந்து சதானந்தாவின் உடலை கைப்பற்றி விசாரித்தனர். அப்போது சதானந்தாவுக்கும், அவரது நண்பர்களுக்கும் இடையே குடிபோதையில் ஏற்பட்ட தகராறில் கொலை நடந்திருக்கலாம் என்று போலீசார் கருதுகின்றனர். அதே நேரத்தில் சதானந்தா சிறு, சிறு ரவுடி சம்பவங்களில் ஈடுபட்டு வந்ததும், கடந்த 6 மாதங்களுக்கு மேலாக ரவுடி சம்பவங்களில் ஈடுபடுவதை விட்டுவிட்டு கார் ஓட்டி வந்ததும் தெரிய வந்தது. இதனால் சதானந்தாவுக்கும், அவரது நண்பர்களுக்கும் இடையே இருந்த முன்விரோதம் காரணமாக கொலை நடந்திருக்கலாம் என்றும் போலீசார் சந்தேகிக்கின்றனர்.

இதையடுத்து, மதுக்கடையில் உள்ள கண்காணிப்பு கேமராவை கைப்பற்றி, அதில் பதிவாகி இருக்கும் காட்சிகள் மூலம் சதானந்தாவை கொலை செய்த நபர்களை பிடிக்க போலீசார் நடவடிக்கை எடுத்து வருகின்றனர். இதுகுறித்து பசவேசுவராநகர் போலீசார் வழக்குப்பதிவு செய்து தலைமறைவாகி விட்ட சதானந்தாவின் நண்பர்களை வலைவீசி தேடிவருகிறார்கள். இந்த கொலை சம்பவம் மஞ்சுநாத் நகர் பகுதியில் பரபரப்பை ஏற்படுத்தியது.

தொடர்புடைய செய்திகள்

1. பெங்களூருவில் முதல்-மந்திரி வீடு முற்றுகை போராட்டம் சித்தராமையா-காங். தலைவர்கள் கைது போலீஸ் அதிகாரத்தை தவறாக பயன்படுத்துவதாக குற்றச்சாட்டு
முதல்-மந்திரி எடியூரப்பா தலைமையிலான பா.ஜனதா அரசு போலீஸ் அதிகாரத்தை தவறாக பயன்படுத்துவதாக குற்றம் சாட்டி காங்கிரஸ் சார்பில் பெங்களூருவில் நேற்று போராட்டம் நடைபெற்றது. அப்போது முதல்-மந்திரி வீட்டை முற்றுகையிட சென்ற எதிர்க்கட்சி தலைவர் சித்தராமையா உள்பட காங்கிரஸ் தலைவர்கள் கைது செய்யப்பட்டனர்.
2. பெங்களூருவில் வீட்டில் பதுக்கிய 28 துப்பாக்கிகள் பறிமுதல் 2 பேர் கைது-தீவிர விசாரணை
பெங்களூருவில் வீட்டில் பதுக்கிய 28 துப்பாக்கிகள் பறிமுதல் செய்யப்பட்டன. இதுதொடர்பாக 2 பேர் கைது செய்யப்பட்டு உள்ளனர். அவர்களிடம் தீவிர விசாரணை நடத்தப்பட்டு வருகிறது.
3. பெங்களூருவில் கண்காணிப்பு கேமராக்களில் சுவிங்கம் ஒட்டி ஏ.டி.எம். எந்திரத்தை உடைத்து ரூ.15 லட்சத்தை கொள்ளையடித்த 2 பேர் கைது
பெங்களூருவில் கண்காணிப்பு கேமராக்களில் சுவிங்கத்தை ஒட்டிவிட்டு ஏ.டி.எம். எந்திரத்தை உடைத்து ரூ.15 லட்சத்தை கொள்ளையடித்த 2 பேர் கைது செய்யப்பட்டனர். எச்சரிக்கை மணி ஒலித்ததால் அவர்கள் பணத்துடன் போலீசாரிடம் சிக்கிக் கொண்டனர்.
4. பெங்களூருவில் 107-வது இந்திய அறிவியல் மாநாடு: பிரதமர் மோடி தொடங்கி வைத்தார்
பெங்களூருவில் நேற்று இந்திய அறிவியல் மாநாடு தொடங்கியது. இந்த மாநாட்டை தொடங்கிவைத்து பேசிய பிரதமர் மோடி, ஒருமுறை பயன்படுத்தும் பிளாஸ்டிக்கை ஒழிக்க விஞ்ஞானிகள் மாற்று பொருளை கண்டுபிடிக்க வேண்டும் என்று வேண்டுகோள் விடுத்துள்ளார்.
5. பெங்களூருவில் கொலை-கொள்ளை சம்பவங்களை தடுக்க வேண்டும் - போலீசாருக்கு எடியூரப்பா உத்தரவு
பெங்களூருவில் கொலை-கொள்ளை சம்பவங்களை தடுக்க வேண்டும் என்று போலீசாருக்கு எடியூரப்பா உத்தரவிட்டுள்ளார்.