<
செய்யாறில் வீச்சரிவாளுடன் 2 வாலிபர்கள் சிலரை துரத்தியதால் பரபரப்பு - பொதுமக்கள் அலறியடித்து ஓட்டம்
செய்யாறு பஸ் நிலையம் எதிரில் வீச்சரிவாளுடன் 2 வாலிபர்கள் சிலரை வெட்ட துரத்தி சென்றதால் பரபரப்பு ஏற்பட்டது. இதனால் பொதுமக்கள் அலறியடித்து ஓடினார்கள்.
செய்யாறு,
செய்யாறு பஸ் நிலையம் எதிரில் நேற்று இரவு சுமார் 7 மணி அளவில் பஸ்சுக்காக பொதுமக்கள் காத்திருந்தனர். அப்போது அங்கு மோட்டார் சைக்கிளில் வந்த 2 வாலிபர்கள் திடீரென மோட்டார்சைக்கிளை நிறுத்தி விட்டு பெரிய வீச்சரிவாளுடன் சிலரை வெட்டுவதற்காக ஆக்ரோஷத்துடன் இறங்கி ஓடினர்.
இதனை பார்த்த பொதுமக்களும், பஸ்சுக்காக காத்திருந்த பயணிகளும் நாலாபுறமும் அலறியடித்து ஓடினர். மேலும் அங்கிருந்த வியாபாரிகளும் என்ன செய்வதென்று தெரியாமல் கதி கலங்கி நின்றனர்.
2 வாலிபர்களும் வெட்ட வந்த நபர்களை விடக்கூடாது என்று துரத்திக்கொண்டு ஓடினர். அதற்குள் அந்த நபர்கள் மின்னல் வேகத்தில் ஓடி மறைந்தனர். சிறிது நேரம் சுற்றி சுற்றி வந்த 2 வாலிபர்களால் பொதுமக்கள் பீதியடைந்தனர். வியாபாரிகளும் அதிர்ச்சிக்குள்ளாகி உள்ளனர்.
இதுகுறித்து தகவலறிந்த போலீசார் விரைந்து வந்து பஸ் நிலையம் அருகே உள்ள கடைகளில் விசாரணை நடத்தி வருகின்றனர்.
இந்த சம்பவத்தால் செய்யாறில் பெரும் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
