மாவட்ட செய்திகள்

நாகை மாவட்டத்தில் கனமழை: சம்பா நெற்பயிர்கள் சாய்ந்தன வீடுகளில் மழைநீர் புகுந்தது + "||" + Heavy rains in Nagai district: Rainfall floods in Samba rice fields

நாகை மாவட்டத்தில் கனமழை: சம்பா நெற்பயிர்கள் சாய்ந்தன வீடுகளில் மழைநீர் புகுந்தது

நாகை மாவட்டத்தில் கனமழை: சம்பா நெற்பயிர்கள் சாய்ந்தன வீடுகளில் மழைநீர் புகுந்தது
நாகை மாவட்டத்தில் பெய்த கனமழையால் சம்பா நெற்பயிர்கள் சாய்ந்தன. மேலும் வீடுகளில் மழைநீர் புகுந்தது.
நாகப்பட்டினம்,

நாகையில் சில நாட்களாக பனி பொழிவு கடுமையாக இருந்தது. இந்தநிலையில் நாகையில் நேற்று விடிய, விடிய கனமழை பெய்தது. இந்த மழையால் நாகை நகர் பகுதியில் உள்ள தாழ்வான இடங்களில் மழை நீர் பெருக்கெடுத்து ஓடியது. நாகை மேலகோட்டைவாசல்படி பகுதியில் மழைநீர் தேங்கி நின்றதால் வாகன ஓட்டிகள் மிகுந்த சிரமத்துடனேயே அந்த பகுதியை கடந்து சென்றனர். நாகூர் எம்.ஜி.ஆர் நகர் பகுதியில் உள்ள வீடுகளில் மழை நீர் புகுந்தது. மேலும் சம்பா சாகுபடி செய்யப்பட்ட வயல்களில் தேங்கிய தண்ணீர் வெளியேற முடியாமல் தேங்கி நிற்கிறது. இந்த நிலை நீடித்தால் நெற் பயிர்கள் அழுகும் நிலை உருவாகும் என்று நாகை விவசாயிகள் கவலை தெரிவித்துள்ளனர்.


சம்பா நெற்பயிர்கள் சாய்ந்தன

இதேபோல் கீழ்வேளூர், அத்திப்புலியூர், குருக்கத்தி, கீவளூர், தேவூர், வலிவலம், விடங்கலூர், கோகூர், ஆனைமங்கலம், கடம்பங்குடி,வெங்கிடங்கால், திருகண்ணங்குடி, ஆழியூர், சிக்கல், ஓரத்தூர், ஆவராணி, புதுச்சேரி உள்ளிட்ட பகுதிகளில் கனமழை பெய்தது. இதனால் கீழ்வேளூர் பட்டமங்கலம் பகுதியில் உள்ள ஒரு வயலில் சாகுபடி செய்யப்பட்ட சம்பா நெற்பயிர்கள் சாய்ந்தன. மேலும் நாகூர், திருமருகல், வேளாங்கண்ணி உள்ளிட்ட பகுதிகளில் பரவலாக மழை பெய்தது.

நாகை மாவட்டத்தில் அதிகபட்சமாக நாகையில் 138.60 மி.மீட்டரும், குறைந்தபட்சமாக மணல்மேட்டில் 32 மி.மீட்டரும் மழை பதிவானது.



தொடர்புடைய செய்திகள்

1. முத்தையாபுரம் சூசைநகர் பகுதியில் 50-க்கும் மேற்பட்ட வீடுகளில் மழைநீர் புகுந்தது
தூத்துக்குடி மாவட்டத்தில் பெய்த பலத்த மழையால் முத்தையாபுரம் சூசைநகர் பகுதியில் 50-க்கும் மேற்பட்ட வீடுகளில் மழைநீர் புகுந்தது.
2. கல்லூரி மாணவிகள் கூட்டத்துக்குள் மினி பஸ் புகுந்தது 12 பேர் படுகாயம்
குழித்துறையில் கல்லூரி மாணவிகள் கூட்டத்துக்குள் மினி பஸ் புகுந்ததில் 12 ேபர் படுகாயம் அடைந்தனர்.
3. கூரை வீடுகளுக்குள் மழைநீர் புகுந்தது: நிவாரண உதவி கிடைக்காமல் மக்கள் அவதி போராட்டத்தில் ஈடுபட முடிவு
கும்பகோணம் அருகே கூரை வீடுகளுக்குள் மழைநீர் புகுந்ததால் அவதிப்பட்டு வரும் மக்களுக்கு அரசின் நிவாரண உதவி வழங்கப்படவில்லை. மழைநீரை விரைந்து அப்புறப்படுத்தி உரிய நிவாரண உதவிகள் வழங்கவில்லை எனில் போராட்டத்தில் ஈடுபட போவதாக மக்கள் அறிவித்து உள்ளனர்.
4. மாவட்டத்தில் பரவலாக மழை வீடுகளுக்குள் தண்ணீர் புகுந்தது; சுவர்கள் இடிந்தன
திருச்சி மாவட்டத்தில் பரவலாக மழை பெய்தது. இதனால் வீடுகளுக்குள் தண்ணீர் புகுந்தது. சுவர்கள் இடிந்தன.
5. சுரங்கப்பாதையில் தேங்கிய மழைநீரை அகற்றக்கோரி - கிராமமக்கள் ரெயில் மறியல்
சிவகங்கை அருகே சுரங்கப்பாதையில் தேங்கிய மழைநீரை அகற்றக்கோரி கிராமமக்கள் ரெயில் மறியல் போராட்டத்தில் ஈடுபட்டனர்.