தந்தை இறந்த சோகத்தில், வி‌‌ஷம் தின்று ஊராட்சி உறுப்பினர் தற்கொலை

நீடாமங்கலம், 

நீடாமங்கலம் அருகே உள்ள முன்னாவல்கோட்டை கிராமத்தை சேர்ந்தவர் விஜயகுமார் (வயது34). இவர் முன்னாவல்கோட்டை ஊராட்சி 4-வது வார்டு உறுப்பினராக இருந்தார். இவருடைய தந்தை விவேகானந்தம், முன்னாவல்கோட்டை ஊராட்சி முன்னாள் தலைவர். இவர் கடந்த மாதம் இறந்தார். இதன் காரணமாகவிஜயகுமார் சோகத்தில் இருந்து வந்தார். இந்தநிலையில் சம்பவத்தன்று அவர் எலி மருந்தை (வி‌‌ஷம்) தின்றுள்ளார். இதனால்உயிருக்கு ஆபத்தான நிலையில் இருந்த விஜயகுமாரை அக்கம்பக்கத்தில் இருந்தவர்கள் மீட்டு தஞ்சையில்உள்ள அரசு மருத்துவக்கல்லூரி மருத்துவ மனையில் சிகிச்சைக்காக அனுமதித்தனர்.

அங்கு அவருக்கு தீவிர சிகிச்சை அளிக்கப்பட்டது. ஆனால் விஜயகுமார் சிகிச்சை பலனின்றிநேற்று முன்தினம் பரிதாபமாக இறந்தார். இதுகுறித்து நீடாமங்கலம் போலீஸ் இன்ஸ்பெக்டர் சுப்ரியா மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.

சமீபத்தில் நடந்த உள்ளாட்சி தேர்தலில் விஜயகுமார் ஊராட்சி உறுப்பினராக போட்டியின்றி தேர்வு செய்யப்பட்டார். இந்த நிலையில் தந்தை இறந்த சோகத்தில் அவர், வி‌‌ஷம் தின்று தற்கொலை செய்து கொண்டது அந்த பகுதி மக்களிடையே பரிதாபத்தை ஏற்படுத்திஉள்ளது.