மாவட்ட செய்திகள்

எடியூரப்பா டெல்லி பயணம் திடீர் ரத்து; கட்சி மேலிடம் அனுமதி மறுப்பு? + "||" + Yeddyurappa Delhi trip abruptly canceled; Denial of party clearance?

எடியூரப்பா டெல்லி பயணம் திடீர் ரத்து; கட்சி மேலிடம் அனுமதி மறுப்பு?

எடியூரப்பா டெல்லி பயணம் திடீர் ரத்து;  கட்சி மேலிடம் அனுமதி மறுப்பு?
மந்திரிசபை விரிவாக்கம் குறித்து அமித்ஷாவை சந்தித்து பேச முதல்-மந்திரி எடியூரப்பா டெல்லி செல்ல இருந்த பயணம் திடீரென்று ரத்து செய்யப்பட்டு உள்ளது.
பெங்களூரு, 

கர்நாடக மந்திரிசபையை விரிவாக்கம் செய்வது குறித்து பா.ஜனதா தேசிய தலைவர் அமித்ஷாவிடம் ஆலோசனை நடத்தவும், கட்சி மேலிட தலைவர்களின் அனுமதியை பெறவும் முதல்-மந்திரி எடியூரப்பா நேற்று டெல்லிக்கு புறப்பட்டு செல்ல முடிவு செய்திருந்தார்.

மேலும் இன்று (ஞாயிற்றுக்கிழமை) டெல்லியில் பிரதமர் நரேந்திர மோடி, அமித்ஷா உள்ளிட்ட தலைவர்களை சந்தித்து மந்திரிசபை விரிவாக்கம் குறித்து பேசவும் எடியூரப்பா தீர்மானித்திருந்தார். இந்த நிலையில், முதல்-மந்திரி எடியூரப்பாவின் டெல்லி பயணம் ரத்து செய்யப்படுவதாக நேற்று திடீரென்று அறிவிக்கப்பட்டது.

எடியூரப்பா டெல்லி செல்வதற்கு கட்சி மேலிடம் அனுமதி அளிக்கவில்லை என்று கூறப்படுகிறது. இதன் காரணமாக அவர் டெல்லி பயணத்தை ரத்து செய்திருப்பதாக தகவல் வெளியாகி உள்ளது. அதே நேரத்தில் எடியூரப்பாவின் டெல்லி பயணம் ரத்தாகி இருப்பதால் சங்கராந்தி பண்டிகைக்கு பின்பு நடைபெற இருந்த மந்திரிசபை விரிவாக்கம் மீண்டும் தள்ளிப்போக வாய்ப்புள்ளதாக தகவல் வெளியாகி உள்ளது.

டெல்லி பயணம் ரத்து குறித்து பெங்களூருவில் நேற்று முதல்-மந்திரி எடியூரப்பா நிருபர்களிடம் கூறியதாவது:-

மந்திரிசபை விரிவாக்கம் தொடர்பாக கட்சியின் மேலிட தலைவர்களை சந்தித்து பேசுவதற்காக டெல்லி செல்வதற்கு முடிவு செய்திருந்தேன். பா.ஜனதா தேசிய தலைவரும், மத்திய உள்துறை மந்திரியுமான அமித்ஷா வருகிற 17 மற்றும் 18-ந் தேதிகளில் கர்நாடகத்தில் சுற்றுப்பயணம் மேற்கொள்கிறார். கர்நாடகத்திற்கு அவர் வந்ததும், மந்திரிசபை விரிவாக்கம் தொடர்பாக பேச இருக்கிறேன். இதன் காரணமாக டெல்லி பயணத்தை ரத்து செய்துள்ளேன்.

கர்நாடகத்திற்கு வரும் அமித்ஷாவிடம் மந்திரிசபை விரிவாக்கம் உள்ளிட்ட அனைத்து பிரச்சினைகள் குறித்தும் பேசப்படும். அதன்பிறகு மந்திரிசபை விரிவாக்கம் செய்யப்படும்.

இவ்வாறு எடியூரப்பா கூறினார்.

தொடர்புடைய செய்திகள்

1. வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் ; முதல்-மந்திரி எடியூரப்பா திட்டவட்டம்
வெளிநாட்டு சுற்றுப்பயணத்திற்கு முன்பு மந்திரிசபை விரிவாக்கம் செய்யப்படும் என்றும், அமித்ஷாவின் அனுமதி கிடைத்தால் இன்று (செவ்வாய்க்கிழமை) டெல்லி சென்று விவாதிப்பேன் என்றும் முதல்-மந்திரி எடியூரப்பா கூறினார்.
2. கர்நாடகத்திற்கு துரோகம் செய்யும் எடியூரப்பா; சித்தராமையா குற்றச்சாட்டு
கர்நாடகத்திற்கு எடியூரப்பா துரோகம் செய்வதாக சித்தராமையா குற்றம்சாட்டினார்.கர்நாடக சட்டசபை எதிர்க்கட்சி தலைவர் சித்தராமையா தனது டுவிட்டரில் வெளியிட்டுள்ள பதிவில் கூறியிருப்பதாவது:-
3. மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது; முதல்-மந்திரி எடியூரப்பா பேட்டி
மங்களூரு கலவரம் தொடர்பாக குமாரசாமி வெளியிட்டுள்ள சி.டி. போலியானது என்று முதல்-மந்திரி எடியூரப்பா தெரிவித்துள்ளார்.
4. புனித ஹஜ் யாத்ரீகர்களை குலுக்கல் முறையில் தேர்வு செய்யும் பணி; முதல்-மந்திரி எடியூரப்பா தொடங்கி வைத்தார்
புனித ஹஜ் யாத்ரீகர்களை குலுக்கல் முறையில் தேர்வு செய்யும் பணியை முதல்-மந்திரி எடியூரப்பா தொடங்கி வைத்தார்.
5. கர்நாடக மந்திரிசபை 17-ந் தேதி விரிவாக்கம்; முதல்-மந்திரி எடியூரப்பா தகவல்
வெளிநாட்டு பயணம் ரத்து செய்யப்படும் என்றும் வருகிற 17-ந் தேதி மந்திரிசபை விரிவாக்கம் செய்ய திட்டமிட்டுள்ளதாகவும் முதல்-மந்திரி எடியூரப்பா தகவல் தெரிவித்துள்ளார்.