மாவட்ட செய்திகள்

மதுரை பஸ் நிலையங்களுக்கு வெடிகுண்டு மிரட்டல் போலீசார் சோதனையால் பரபரப்பு + "||" + Bomb threat to Madurai bus stations

மதுரை பஸ் நிலையங்களுக்கு வெடிகுண்டு மிரட்டல் போலீசார் சோதனையால் பரபரப்பு

மதுரை பஸ் நிலையங்களுக்கு வெடிகுண்டு மிரட்டல் போலீசார் சோதனையால் பரபரப்பு
மதுரை பஸ் நிலையங்களுக்கு வெடிகுண்டு மிரட்டல் வந்ததை தொடர்ந்து, போலீசார் அதிரடி சோதனை நடத்தியதால் பரபரப்பு ஏற்பட்டது.
மதுரை,

பொங்கல் பண்டிகை விடுமுறையையொட்டி குடும்பத்துடன் வெளியூர் செல்பவர்களால் மதுரை மாட்டுத்தாவணி, ஆரப்பாளையம், பெரியார் பஸ் நிலையங்கள் மற்றும் ரெயில்வே நிலையத்தில் பயணிகள் கூட்டம் அதிகமாக காணப்படுகிறது.


இந்த நிலையில் நேற்று அதிகாலை சென்னை எழும்பூரில் உள்ள போலீஸ் கட்டுபாட்டு அறைக்கு மர்மநபர் ஒருவர் டெலிபோனில் பேசினார். அவர் மதுரையில் உள்ள முக்கிய பஸ் நிலையங்களில் வெடிகுண்டு வைத்துள்ளதாக தெரிவித்தார். இந்த மிரட்டல் குறித்து அதிர்ச்சி அடைந்த சென்னை போலீசார், உடனே மதுரை போலீசாருக்கு தகவல் தெரிவித்தனர்.

அதிரடி சோதனை

அதை தொடர்ந்து மதுரை பெரியார், ஆரப்பாளையம், மாட்டுத்தாவணி பஸ்நிலையங்களில் வெடிகுண்டு தடுப்பு பிரிவு போலீசார் மெட்டல் டிடெக்டர் கருவி மற்றும் மோப்ப நாய் உதவியுடன் அதிரடி சோதனை மேற்கொண்டனர். அப்போது பஸ் நிலையத்தில் உள்ள கடைகள், பஸ்கள், பயணிகளின் உடைமைகளை போலீசார் சோதனையிட்டனர். வெகுநேரமாக சோதனை மேற்கொண்டும் வெடி பொருட்கள் எதுவும் சிக்கவில்லை.

எனவே வெடிகுண்டு மிரட்டல் வெறும் புரளி என்று தெரியவந்தது. இதே போல் இன்று (புதன்கிழமை) அவனியாபுரம் ஜல்லிக்கட்டு நடைபெறும் பகுதியில் ஏதாவது வெடிகுண்டு இருக்கலாமா? என்றும் போலீசார் சோதனையிட்டனர். அங்குள்ள வாடிவாசல், பார்வையாளர்கள் அமரும் இடங் கள், மாடுகள் கட்டும் இடம் போன்ற இடங்களிலும் சோதனை நடந்தது. அங்கும் எந்த பொருளும் கிடைக்கவில்லை.

பரபரப்பு

எனவே வெடிகுண்டு மிரட்டல் விடுத்தது யார்? என்பது குறித்து சென்னை போலீசார் விசாரணை மேற்கொண்டனர். அப்போது சென்னை சூளைமேட்டில் இருந்து அந்த நபர் செல்போனில் பேசியது கண்டுபிடிக்கப்பட்டது. உடனே போலீசார் அந்த பகுதிக்கு சென்று விசாரணை நடத்தினர். அப்போது மனநல மையத்தில் இருந்து வாலிபர் ஒருவர் பேசியது தெரியவந்தது.

இது தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். மேலும் வெடிகுண்டு மிரட்டலால் மதுரை பஸ் நிலையங்கள் நேற்று காலை பரபரப்பாக காணப்பட்டன. 

தொடர்புடைய செய்திகள்

1. கர்நாடகாவின் மங்களூரு சர்வதேச விமான நிலையத்தில் வெடிகுண்டு வைத்த நபர் போலீசில் சரண்
கர்நாடகாவின் மங்களூரு சர்வதேச விமான நிலையத்தில் வெடிகுண்டு வைத்த நபர் இன்று காலை போலீசில் சரண் அடைந்துள்ளார்.
2. மத்திய பிரதேச அரசு அதிகாரிகளுக்கு மிரட்டல்: பா.ஜனதா பொதுச்செயலாளர் உள்பட 350 பேர் மீது வழக்கு
மத்திய பிரதேச அரசு அதிகாரிகளுக்கு மிரட்டல் விடுக்கும் வகையில் பேசிய பா.ஜனதா பொதுச்செயலாளர் உள்பட 350 பேர் மீது வழக்கு பதிவு செய்யப்பட்டுள்ளது.
3. மின்இணைப்பை துண்டிக்க சென்ற ஊழியரிடம், நிருபர்கள் என்று மிரட்டிய அண்ணன்-தம்பி கைது
தேனியில் மின்இணைப்பை துண்டிக்கச் சென்ற ஊழியரிடம் தங்களை நிருபர்கள் என்று கூறி மிரட்டிய அண்ணன், தம்பியை போலீசார் கைது செய்தனர். இந்த சம்பவம் குறித்து போலீஸ் தரப்பில் கூறப்பட்டதாவது:-
4. பா.ஜனதா ஆட்சி அமைப்பதற்காக அஜித்பவார் மிரட்டப்பட்டார் - சஞ்சய் ராவத் பரபரப்பு பேட்டி
ஆட்சி அமைப்பதற்காக பாரதீய ஜனதாவுடன் சேருவதற்கு தேசியவாத காங்கிரஸ் மூத்த தலைவர் அஜித்பவார் மிரட்டப்பட்டார் என சஞ்சய் ராவத் எம்.பி. கூறினார்.
5. போலீஸ் அதிகாரியை மிரட்டிய உத்தரபிரதேச பெண் மந்திரி - விசாரணை நடத்த யோகி ஆதித்யநாத் உத்தரவு
போலீஸ் அதிகாரிக்கு உத்தரபிரதேச பெண் மந்திரி ஒருவர் தொலைபேசியில் மிரட்டல் விடுத்தார். இது தொடர்பாக விசாரணை நடத்த யோகி ஆதித்யநாத் உத்தரவிட்டுள்ளார்.