மாவட்ட செய்திகள்

பொங்கல் பண்டிகை கொண்டாட செங்கரும்பு, மஞ்சள் குலை வாங்க அலைமோதிய மக்கள் கூட்டம் - வாகன நெரிசலால் போக்குவரத்து பாதிப்பு + "||" + To celebrate Pongal Buy sugarcane and turmeric The tide is ringing crowd

பொங்கல் பண்டிகை கொண்டாட செங்கரும்பு, மஞ்சள் குலை வாங்க அலைமோதிய மக்கள் கூட்டம் - வாகன நெரிசலால் போக்குவரத்து பாதிப்பு

பொங்கல் பண்டிகை கொண்டாட செங்கரும்பு, மஞ்சள் குலை வாங்க அலைமோதிய மக்கள் கூட்டம் - வாகன நெரிசலால் போக்குவரத்து பாதிப்பு
தேனி நகரில் செங்கரும்பு, மஞ்சள் குலை வாங்குவதற்கு சாலையோர கடைகளில் மக்கள் கூட்டம் அலைமோதியது. நகரில் வாகன நெரிசலால் போக்குவரத்து பாதிக்கப்பட்டது.
தேனி,

தமிழர்களின் பாரம்பரியமிக்க பண்டிகையான பொங்கல் பண்டிகை இன்று (புதன்கிழமை) உலகம் முழுவதும் வாழும் தமிழர்களால் கோலாகலமாக கொண்டாடப்பட உள்ளது. பொங்கல் பண்டிகை என்றாலே தித்திக்கும் செங்கரும்பு, மணக்கும் மஞ்சள் குலை ஆகியவை முக்கிய அங்கம் வகிக்கிறது.

இன்று பொங்கல் பண்டிகை கொண்டாடப்பட உள்ள நிலையில், தேனியில் நேற்று செங்கரும்பு, மஞ்சள் குலை விற்பனை செய்வதற்காக சாலையோரம் ஏராளமான தற்காலிக கடைகள் அமைக்கப்பட்டு இருந்தன.

மதுரை சாலை, கம்பம் சாலை, பெரியகுளம் சாலை ஆகிய பிரதான சாலைகளில் தற்காலிக கடைகள் ஆங்காங்கே அமைக்கப்பட்டு இருந்தன. அத்துடன் பூக்கள், வீட்டின் வாசல் கதவில் கட்டுவதற்கான கூரைப்பூ போன்றவை விற்பனையும் களைகட்டியது. இவற்றை வாங்குவதற்கு மக்கள் கூட்டம் அலைமோதியது.

அதுபோல், தேனி வாரச்சந்தை வளாகத்திலும் கரும்பு விவசாயிகள், வியாபாரிகள் கரும்பு கட்டுகளை அடுக்கி வைத்து விற்பனை செய்தனர். விவசாயிகள் நேரடியாக கொண்டு வந்து 10 கரும்பு கொண்ட ஒரு கட்டு ரூ.250 வீதம் விற்பனை செய்தனர். அதே சந்தை வளாகத்தில், வியாபாரிகள் ஒரு கட்டு ரூ.300 முதல் ரூ.320 வரை விற்றனர்.

அதேபோல், சாலையோர தற்காலிக கடைகளில் ஒரு கட்டு ரூ.400 முதல் ரூ.450 வரை விற்பனையானது. இதனால், விவசாயிகள் நேரடி விற்பனையில் ஈடுபட்ட இடத்தில் கூட்டம் அலைமோதியது. அதுபோல், சில்லறையில் ஒரு கரும்பு ரூ.40 முதல் ரூ.50 வரை விற்கப்பட்டது.

மஞ்சள் குலை ஒரு ஜோடி ரூ.50 முதல் ரூ.80 வரை விற்பனை செய்யப்பட்டது. கூரைப்பூ ஒரு கட்டு ரூ.10 முதல் ரூ.15-க்கு விற்பனை செய்யப்பட்டது. இவற்றையும் மக்கள் ஆர்வத்துடன் வாங்கிச் சென்றனர்.

மேலும், தேங்காய், வாழைப்பழம், வெற்றிலை, பாக்கு, வாழை இலை போன்றவை விற்பனை செய்வதற்கும் தற்காலிக கடைகள் அமைக்கப்பட்டு இருந்தன. அவற்றையும் மக்கள் வாங்கிச் சென்றனர். ஆயிரக்கணக்கான மக்கள் தேனி நகரில் பொருட்கள் வாங்க குவிந்ததால், நகரில் வாகன நெரிசல் ஏற்பட்டது. இதனால், போக்குவரத்து பாதிக்கப்பட்டு பொதுமக்கள், வாகன ஓட்டிகள் மிகவும் சிரமப்பட்டனர். அந்த பகுதியில் வாகனங்கள் ஆமை வேகத்தில் ஊர்ந்து சென்றன.

போக்குவரத்து நெரிசலை ஒழுங்குபடுத்தும் பணியில் போலீசார் ஈடுபட்டனர். சாலைகள், கடைவீதிகளில் பாதுகாப்பு பணியிலும் போலீசார் ஈடுபட்டனர்.

தொடர்புடைய செய்திகள்

1. பொங்கல் பண்டிகைக்கு சொந்த ஊர் படையெடுப்பு: சென்னையில் இருந்து பஸ்களில் 8 லட்சம் பேர் பயணம்
பொங்கல் பண்டிகையை கொண்டாடும் விதமாக சென்னையில் இருந்து பஸ்களில் 8 லட்சம் பேர் சொந்த ஊர்களுக்கு படையெடுத்து உள்ளனர். ரெயில் நிலையங்களிலும் பயணிகள் கூட்டம் அலைமோதியது.
2. பொங்கல் பண்டிகையையொட்டி திருச்செந்தூர் கோவிலில் குவிந்த பக்தர்கள் - கடலில் புனித நீராடி வழிபாடு
பொங்கல் பண்டிகையையொட்டி, திருச்செந்தூர் சுப்பிரமணிய சுவாமி கோவிலில் பக்தர்கள் குவிந்தனர். அவர்கள் கடலில் புனித நீராடி வழிபட்டனர்.
3. பொங்கல் பண்டிகையின்போது ரேக்ளா ரேஸ், சேவல் சண்டை நடத்த அனுமதி வழங்கவேண்டும் - மக்கள் குறைதீர்க்கும் நாள் கூட்டத்தில் மனு
பொங்கல் பண்டிகையின்போது ரேக்ளா ரேஸ், சேவல் சண்டை நடத்த அனுமதி வழங்க வேண்டும் என்று மக்கள் குறைதீர்க்கும் நாள் கூட்டத்தில் மனு கொடுக்கப்பட்டது.
4. பொங்கல் பண்டிகையையொட்டி கோயம்பேடு மார்க்கெட்டில் மஞ்சள்குலை வரத்து அதிகரிப்பு
பொங்கல் பண்டிகையையொட்டி சென்னை கோயம்பேடு மார்க்கெட்டில் இஞ்சி-மஞ்சள் குலை வரத்து அதிகரித்துள்ளது. கூரைப்பூ, தோரணங்களும் குவிக்கப்பட்டு உள்ளன.
5. பொங்கல் பண்டிகைக்காக கட்டுக்கட்டாக வெளிமாநிலங்களுக்கு செல்லும் கரும்புகள்
மேலூர் பகுதியில் இருந்து பொங்கல் பண்டிகைக்காக கரும்புகள் வெளிமாநிலங்களுக்கு லாரிகளில் அனுப்பப்பட்டு வருகிறது.