மாவட்ட செய்திகள்

புதுச்சேரியில் பாண்லே பால் தட்டுப்பாடு + "||" + Puducherry Panley milk shortage

புதுச்சேரியில் பாண்லே பால் தட்டுப்பாடு

புதுச்சேரியில் பாண்லே பால் தட்டுப்பாடு
புதுவையில் பாண்லே பால் தட்டுப்பாடு ஏற்பட்டுள்ளது. இதனால் பொதுமக்கள் தவிப்புக்குள்ளாகி உள்ளனர்.
புதுச்சேரி, 

புதுவை குரும்பாபேட்டில் அரசு நிறுவனமான பாண்லே செயல்பட்டு வருகிறது. உள்ளூரில் மட்டுமல்லாது தமிழகம் மற்றும் பெங்களூருவில் இருந்து பால் கொள்முதல் செய்து தினமும் ஒரு லட்சம் லிட்டர் பால் அளவுக்கு புதுவை மக்களின் தேவையை பூர்த்தி செய்து வருகிறது. காலையில் 55 ஆயிரம் லிட்டரும், மாலையில் 45 ஆயிரம் லிட்டரும் பாண்லே மூலம் பால் சப்ளை செய்யப்படும்.

இதில் 55 ஆயிரம் லிட்டர் மட்டுமே புதுவை மாநிலத்தின் உற்பத்தி ஆகும்.

தற்போது பனிக்காலம் என்பதால் புதுவை மாநிலத்தின் உள்நாட்டு உற்பத்தி 55 ஆயிரத்திலிருந்து 45 ஆயிரமாக குறைந்துள்ளது. இதேபோல் வெளிமாநிலங்களிலும் பால் உற்பத்தி குறைந்துள்ளது.

இதன் காரணமாக வெளிமாநிலத்தில் இருந்து வரும் பாலின் அளவும் குறைந்துள்ளது. இந்தநிலையில் கடந்த 3 நாட்களாக பூத்களில் பால் கிடைக்காமல் பொதுமக்கள் ஏமாற்றத்துடன் திரும்பிச் சென்றார்கள்.

பெங்களூருவில் பால் விலை உயர்வை காரணமாக வைத்து தனது கொள்முதல் விலையை உயர்த்த வேண்டும் என்று பாண்லே நிறுவனத்துக்கு பால் சப்ளை செய்யும் நிறுவனங்கள் நெருக்கடி கொடுத்து வருவதாக தெரிகிறது. ஆனால் இதுகுறித்து எந்த நடவடிக்கையும் எடுக்கப்படவில்லை. இதனால் பாண்லேவுக்கு இன்று முதல் பால் சப்ளையை நிறுத்த பெங்களூரு நிறுவனம் முடிவு செய்துள்ளதாக தெரிகிறது. இதனால் இன்று முதல் பாண்லே பால் தட்டுப்பாடு மேலும் அதிகரிக்கும் நிலை ஏற்பட்டுள்ளது.

கடந்த சில நாட்களாக புதுவை மக்களின் தேவையான ஒரு லட்சம் லிட்டர் பாலுக்கு பதிலாக 75 ஆயிரம் லி்ட்டர் அளவிலேயே பால் சப்ளை செய்யப்படுவதால் புதுவையில் பாண்லே பாலுக்கு தட்டுப்பாடு ஏற்பட்டுள்ளது. பால் முகவர்களுக்கு வழக்கமாக வழங்குவதைவிட கால் பங்கு குறைத்தே சப்ளை செய்யப்பட்டு வருகிறது.

இதனால் பால் வந்த சிறிது நேரத்தில் அவ்வளவும் விற்பனையாகிவிடுகிறது. இதன்காரணமாக பல்வேறு பால் பூத்களிலும் பால் இல்லை என்ற அறிவிப்பு பலகையை நாள்தோறும் காணமுடிகிறது.

உள்ளூர் உற்பத்தியில் அக்கறை காட்டாமல் வெளிமாநிலத்தில் இருந்து பால் கொள்முதல் செய்வதிலேயே நிர்வாகம் அக்கறை காட்டியதுதான் இப்போதைய பால் தட்டுப்பாட்டிற்கு காரணம் என்று பாண்லே ஊழியர் சங்கத்தினர் குற்றஞ்சாட்டுகின்றனர்.

தொடர்புடைய செய்திகள்

1. புதுச்சேரியில் இன்று 369 பேருக்கு கொரோனா தொற்று உறுதி
புதுச்சேரியில் இன்று 369 பேருக்கு கொரோனா தொற்று உறுதி செய்யப்பட்டுள்ளது.
2. புதுச்சேரியில் கொரோனா பாதிப்பால் கடந்த 24 மணி நேரத்தில் 6 பேர் பலி
புதுச்சேரியில் கொரோனா பாதிப்பு காரணமாக கடந்த 24 மணி நேரத்தில் 6 பேர் உயிரிழந்துள்ளனர்.
3. புதுச்சேரியில் செவ்வாய்க்கிழமை தோறும் முழு ஊரடங்கு - புதுச்சேரி முதலமைச்சர் நாராயணசாமி
புதுச்சேரியில் செவ்வாய்க்கிழமை தோறும் முழு ஊரடங்கு அமல்படுத்தப்படும் என்று புதுச்சேரி முதலமைச்சர் நாராயணசாமி அறிவித்துள்ளார்.
4. புதுச்சேரியில் வேகமாக உயர்ந்து வரும் கொரோனா பாதிப்பு - ஒரேநாளில் புதிதாக 178 பேருக்கு தொற்று
புதுச்சேரியில் புதிதாக 178 பேருக்கு தொற்று உறுதி செய்யப்பட்டது. ஒரே நாளில் 4 பேர் கொரோனாவுக்கு பலியாகி உள்ளனர். இதன்மூலம் உயிரிழந்தோர் எண்ணிக்கை 56 ஆக உயர்ந்தது.
5. புதுச்சேரியில் ஆட்சி அமைக்கும் சூழலை உருவாக்குவோம் - மக்கள் நீதி மய்யம் கட்சியினருக்கு கமல்ஹாசன் வேண்டுகோள்
புதுச்சேரியில் ஆட்சி அமைக்கும் சூழலை உருவாக்குவோம் என்று மக்கள் நீதி மய்யம் கட்சியினருக்கு அக்கட்சியின் தலைவர் கமல்ஹாசன் வேண்டுகோள் விடுத்துள்ளார்.