செங்கோட்டை அருகே பயங்கரம் மூதாட்டி அடித்துக்கொலை மகள்-பேரன் உள்ப ட 6 பேர் கைது

செங்கோட்டை,

தென்காசி மாவட்டம் செங்கோட்டை அருகே உள்ள விஸ்வநாதபுரம் புதுமனை தெருவை சேர்ந்தவர் முகம்மது யூசுப் மனைவி மும்தாஜ் (வயது 65). அவருடைய மகன் அமீன்ஷா, மகள் ஆமீனாள். அவர்களில் முகம்மது யூசுப், அமீன்ஷா ஆகியோர் கடந்த சில ஆண்டுகளுக்கு முன்பு இறந்து விட்டனர். இதனால் மும்தாஜ் தனியாக வாடகை வீட்டில் வசித்து வந்தார். அமீன்ஷாவின் மகன் அப்துல் சலாம் (25) அந்த பகுதியில் ஆட்டோ ஓட்டி வருகிறார். தனது தாயாருடன் தனியாக வசித்து வந்த இவர், பாட்டி மும்தாஜ் வீட்டுக்கு சென்று அடிக்கடி செலவுக்கு பணம் கேட்டு தகராறு செய்து வந்ததாக கூறப்படுகிறது.

இந்தநிலையில் நேற்று அதிகாலையில் அப்துல் சலாம், மும்தாஜ் மகள் ஆமீனாள், அவருடைய உறவினர்களான அப்துல் ஜப்பார் (56), காதர் மீராசா (52), பாத்திமா பீவி (45) மற்றும் அப்துல் சலாமின் 17 வயது நண்பர் உள்ளிட்டோர் மும்தாஜ் வீட்டுக்கு சென்றுள்ளனர். அவரிடம் அப்துல் சலாம் பணம் கேட்டு மிரட்டி தகராறு செய்துள்ளார். இதற்கு அப்துல் சலாமுடன் வந்தவர்கள் உடந்தையாக இருந்ததாக கூறப்படுகிறது.


இந்த சம்பவம் பற்றி அறிந்ததும் தென்காசி துணை போலீஸ் சூப்பிரண்டு கோகுல கிருஷ்ணன் சம்பவ இடத்துக்கு வந்து பார்வையிட்டார். மேலும், இந்த பயங்கர கொலை தொடர்பாக போலீசார் வழக்குப்பதிவு செய்து தப்பி ஓடிய அப்துல் சலாம், ஆமீனாள், அப்துல் ஜப்பார், காதர் மீராசா, பாத்திமா பீவி மற்றும் அப்துல் சலாமின் நண்பர் ஆகிய 6 பேரை பிடித்து கைது செய்தனர்.

அதிகாலையில் செலவுக்கு பணம் கேட்டு பாட்டியை, அடித்துக் கொன்ற பேரன் உள்பட 6 பேர் கைது செய்யப்பட்ட சம்பவம் அந்த பகுதியில் பரபரப்பை ஏற்படுத்தி உள்ளது.